سەنتەرێ ڕاهێنانا پێداگۆجی و پەرەپێدانا ئەكادیمی بەرپرسە ژ دارشتن و پێشكەشكرنا كۆمەكا بەرفرەهـ ژ خۆلێن ڕاهێنانێ، وۆركشۆپ، سمینار، و پڕۆگرامێن گەشەپێدانا پیشەیی بۆ ستافێ ئەكادیمی و كارمەندێن دی یێن پیشەیی یێن زانكۆیا دهۆك.

سەنتەر چالاكیێن جۆراوجۆر یێن ڕاهێنانێ ل سەر بنەمایێ پێتڤی و داخوازیێن جڤاكی ڕێك دئێخیت. ژ سالا ٢٠١٩ێ هەتا نوكە، سەنتەری چەندین خۆلێن بلندكرنا شیانان بۆ ستافێ زانكۆیێ و ئەندامێن جڤاكێ دەوروبەر پێشكەشكرینە، ژوان ژی:خۆلێن ICDL، زمانێ ئینگلیزی، ژمێریاریا ئەلیكترۆنی، كارگێرییا نڤێسینگەهان، SPSS، و خۆلێن دی یێن پەیوەندیدار ب بلندكرنا شیانان.

زێدەباری ڤێ چەندێ، سەنتەری ڕاهێنانێن تایبەت بۆ كارمەندێن ڕێڤەبەریا كۆمسیۆنا بلندا سەربەخۆ یا هەلبژاردنان ل پارێزگەها دهۆكێ دابینكرینە. هەروەسا چەندین سمینارێن ئۆنلاین و وێبینەر ڕێكخستینە كو گرنگی یێ ب بابەتێن سەرەكی یێن پەروەردەیی دكەن، ژوان ژی فێربوونا ئەلیكترۆنی (e-learning) و پڕۆسێسا بۆلۆنیا.

ب ڕێكا ڤان چالاكیان، سەنتەر بەردەوامە د پشتەڤانیكردنا گەشەپێدانا ئەكادیمی، بلندكرنا شیانێن پیشەیی، و ئالوگوریا زانینێ ل ناڤا زانكۆیێ و جڤاكی دا ب گشتی.