ئاگەهداری

ناڤ تومارکرن بۆ خۆلا راهێنانا پێداگوجی راوەندێ (32A & 32B)

هەوەیێن هێژا ئاگەهدار دکەین کو دێ خۆلەکا نۆی یا راهێنانا پێداگۆجى (رێكێن وانەگوتنێ) بۆ هەلگرێن باوەرنامێن ماستەر و دكتورایێ ئەوێن حەزا وەرگرتنا ناسناڤێ زانستى هەی هێتەڤەكرن. ژ بۆ ناڤ توماركرنێ سە‌ره‌دانا سەنتەرێ مە بکەن ل پەرتوکخانا ناڤەندی ل زانكۆیا دهوك.

ناڤ توماركرن دێ دەست پێ کەت هەر ژ روژا چارشەمبى رێکەفتى 2026/08/12، ژ دەمژمێر 04:00 تا 07:30 ێ ئێڤاری.

بۆ زانين ژمارا کورسیان یا دەست نیشان کریە و هه‌ر که‌سه‌کئ زیتر بهێت دئ ناڤێ وی هێتە تومارکرن.

بۆ پتر پێزانینان پەیوەندیێ ب ژمارە 07507801069 بكەن.

مەرجێن پشکداریکرنێ ل خوارێ دیارکری نە.

تێبینی:

فورمە ناهێتە پرکرن ئەگەر ئێك ژ مەرجان دگەل دا نەبیت.

خۆل دێ ل ناڤ کەمپا زانکویێ هێتە ئەنجام دان.

مەرجێن بەشداریکرنێ:

Participation Requirements

١. هەلگرێ باوەرناما (ماستەر یان دکتورا)ێ بیت ژ زانکۆیەکا باوەرپێکری یا هەرێما کوردستانێ یان دەرڤەی هەرێمێ.

٢. ئەگەر پێشکێشکار ل زانکۆیەکا دەرڤەی وەلاتی خواند بیت، پێدڤی یە بریارا یەکسانکرنا باوەرنامێ ژ وەزارەتا خواندنا بلند یا هەرێما کوردستانێ بۆ دەرچووبیت، ئەگەر دەرنەچووبیت مافێ بەشداریکرنێ نابیت.

٣. پێدڤی یە ئاستێ شیانێت زمانێ ئینگلیزی (5) یا (IELTS-Academic)ژ جورێ (Computer-Based/IQ) بیت، یان نمرا (59) یا (TOEFL-IBT) یان نمرا (495) (TOEFL-PBT)، یان (52) یا (Pearson Academic-PTE) هەبیت لدەمێ پێشکێشکرنێ، و (صحة صدور) هاتبیتە کرن. یان باوەرناما ئاستێ (Intermediate) ژ سەنتەرێن زمانی ل زانکۆیەکا هەرێمێ بسەرکەفتیانە بدویماهیک ئینابیت، و ل تاقیکرنا دوماهیێ دەرچووبیت، ل دیف رێنمایێن نوی یێن خولێن زمانێ ئینگلیزی ل وان سەنتەران. بەروڤاژی ڤێ چەندێ مافێ بەشداریکرنێ نابیت.

٤. پێدڤی یە مێژوویا باوەرناما ئاستێ زمانێ ئینگلیزی بسەرڤەنەچووبیت. بۆ زانین باوەرناما زمانێ ئینگلیزی هەتا ٣ سالان کار پێ دهێتە کرن. ب مەرجەکێ د ماوێ دوو سالان دا (صحة صدور) هاتبیتە کرن.

٥. ئەگەر نمرا باوەرناما تاقیکرنا (IELTS)ێ (7) یان بەرامبەری وێ نمرێ ژهاوشێوێت وێ وەک (TOEFL-IBT ، TOEFL-PBT ، Pearson Academic-PTE) هەبیت و (صحة صدور) هاتبیتە کرن. مێژوویا بسەرڤەچونێ نینە و هین دشێن بەشداری خولێ بن.

٦. لێچوویێن بەشداریکرنێ د خولێ دا (500,000) هزار دینارن.

بەڵگەنامێن پێدڤی:

Required Documents

١. کوپییەکا رەنگا و رەنگ ژ فەرمانا پێدانا باوەرناما ماستەرێ یان دکتورایی، یان کوپییەکا رەنگا و رەنگ ژ بریارا یەکسانکرنا باوەرنامێ ژلایێ وەزارەتا خواندنا بلند یا هەرێما کوردستانێ (بتنێ ئەگەر ژ دەرڤەی وەلاتی خواندبیت).

٢. کوپیەکا رەنگا و رەنگ ژ باوەرناما دەرچوونێ (بکالوریوس) کو نمرێن هەر چوار سالان و تێکرایا نمرا دەرچوونێ تێدا دیارکری بیت.

٣. کوپیەک ژ باوەرناما ئاستێ زمانێ ئینگلیزی یا رەنگا و رەنگ.

٤. کوپیەکا رەنگا و رەنگ یا بەرپەرێ ئێکێ یێ پاسپورتێ.

٥. وێنەیەکێ نوی.

٦. قستێ ئێکێ ژ لێچوویێن خۆلێ کودبنە (350,000) هزار دینار.