ل ژێر ناڤونیشانێ "یەکسانیا جندەری و شیاندنا ئافرەتێ ب ڕێکا هەماهەنگیێ"، سەنتەرێ خویندنا یەکسانیا جندەری ل زانینگەها دهۆک، ب هەڤکاری دگەل شارەزایەکا نێودەوڵەتی ژ پڕۆژێ (Tailor Made Training - Nuffic) یێ هۆڵەندی، زنجیرەکا وورکشۆپان ئەنجام دان.

ئەڤ پڕۆژەیە ل ڕێکەفتی ۲٤ی ئۆکتۆبەرا ۲۰۲۱ێ دەستپێکریە و چالاکیێن وی تا ۱۲ی کانۆنا دووێ یا ساڵا ۲۰۲۲ێ بەردەوام بوون. د ڤی ماوەی دا، ۱۸ مامۆستایێن خودان پسپۆڕیێن جوداجودا ژ زانینگەها دهۆک پشکداری تێدا کریە. تا نوکە ٤ وورکشۆپ هاتینە ڕێکخستن؛ ژ ئەگەرێ ڕێکارێن خۆپارێزیێ و بەلاڤبوونا ڤایرۆسێ کۆڕۆنایێ، ۳ وورکشۆپ ب شێوازێ ئۆنلاین هاتینە پێشکەشکرن، و بتنێ ۱ وورکشۆپ ب شێوەیەکێ ئامادەبوونا ڕاستەوخۆ ل سەنتەرێ ڕەوشەنبیری یێ زانینگەها دهۆک برێڤەچوویە.

ئارمانج ژ ڤان وورکشۆپان و بەردەوامیا ڤی پڕۆژەی، بڵندکرنا ئاستێ شیانێن ئافرەتان و بجهئینانا بنەمایێن یەکسانیا جندەری یە ب ڕێکا موکومکرنا هەماهەنگیێ دناڤبەرا زانینگەها دهۆک و دامەزراوە نێودەوڵەتیان دا.