بەرنامێ یەکسانی و گەشەپێدانا بەردەوام
بەرنامێ یەکسانی و گەشەپێدانا بەردەوام
ب هەلکەفتا روژا جیهانی یا ژناڤبرنا توندوتیژیێ دژی ژنان، سەنتەرێ ڤەکۆلینێن یەکسانییا جێندەری ب هەڤکاری دگەل گۆشەیا ئەمریکی (American Corner-Duhok) ل زانکۆیا دهۆک د چارچۆڤێ بەرنامەکێ گەشەپێدانێ دا، یێ کەیفخۆشە ب داخوازکرنا هەوە بۆ پشکداریێ د بەرنامەکێ مەیدانی یێ 6 رۆژی دا ل دۆر پەیوەندیا کارتێکەر د ناڤبەرا زەلام و ژنان دا، بڕیارا نەتەوەیێن ئێکگرتی ژمارە 1325، ئارمانجا پێنجێ یا گەشەپێدانا بەردەوام، و پشکداریا ژنان د بوارێن سەرکردایەتی، دانوستاندن، و گەشەپێدانا ئابووری دا.
چەوانیا پێشکێشکرنێ
جهـ د ڤی بەرنامەی دا یێ سنوردارە بتنێ بۆ 24 قوتابیان. بۆ زێدەکرنا شانسا قەبوولبوونا خۆ، هیڤییە فۆرما تۆمارکرنێ تژی بکە و ب هووری و ب باشترین شێوە بەرسڤا هەمی پرسیاران بدە.
لینکێ تۆمارکرنێ: https://bit.ly/EquityACD
دوماهی ژڤان بۆ پێشکێشکرنێ 10ی تشرینا دویێ 2023یە.
هویرکاتیێن بەرنامەی
- 🗓 رێکەفت: رۆژێن یەکشەمب و دوشەمب، 12 هەتا 27ی تشرینا دویێ 2023
- 🕚 دەم: ژ دەمژمێر 11:00ی سپێدێ هەتا 1:00ی پشتی نیڤرۆ
- 📍 جهـ: گۆشەیا ئەمریکی ل دهۆکێ (American Corner-Duhok)
- ☑️ مەرجێن پشکداریێ: بۆ هەمی قوتابیێن زانکۆیا دهۆکێ یە؛ جهـ یێ سنوردارە بتنێ بۆ 24 پشکداران
📍جهـ ل سەر نەخشەی
وەسفێ بەرنامەی
ئەڤ بەرنامەیە دێ ڤان تەوەرێن ل خوارێ لێک:
- 🔘 پەیوەندییا کارتێکەر د ناڤبەرا زەلام و ژنان دا: پشکدار دێ شارەزا بن ل سەر شێوازێن جودا یێن پەیوەندیکرنێ د ناڤبەرا زەلام و ژنان دا، و چەوانیا پەیوەندیکرنێ ب شێوەیەکێ کاراتر دگەل ئێک و دو.
- 🔘 بڕیارا نەتەوەیێن ئێکگرتی ژمارە 1325: پشکدار دێ فێری خالێنۆلین کەت سەرەکی یێن بڕیارا 1325 بن، کو داخوازا زێدەکرنا پشکداریا ژنان د پرۆسەیێن ئاشتی و ئاسایشێ دا دکەت.
- 🔘 ئارمانجا پێنجێ یا گەشەپێدانا بەردەوام: پشکدار دێ ناسنامە و نیشاندرێن ئارمانجا پێنجێ یا گەشەپێدانا بەردەوام ناس بکەن، کو مەرەم ژێ بدەستڤەئینانا یەکسانییا جێندەری و ب هێزخستنا هەمی ژن و کچانە.
- 🔘 پشکداریا ژنان د سەرکردایەتی، دانوستاندن، و گەشەپێدانا ئابووری دا: پشکدار دێ ئاشنا بن ب وان ئاستەنگ و دەلیڤەیێن دکەڤنە پێشیا ژنان بۆ پشکداریکرنێ د بوارێن سەرکردایەتی، دانوستاندن، و گەشەپێدانا ئابووری دا.
ئاخێڤەرێن بەرنامەی
ئەڤ بەرنامەیە دێ ژ لایێ تیمەکا خودان شیان و خودان ئەزموون ژ ئاخێڤەران هێتە پێشکێشکرن، ژ وان ژی:
- 🔘 بڕێز زێڕەڤان ئەمین: مامۆستا ل پشكا ئاشتی و مافێن مرۆڤ ل زانكۆیا دهۆك، و ڕاهێنەر د بوارێ ئاشتی و چارەسەرکرنا کێشەیان دا.
- 🔘 بڕێز محەمەد حەسەن حسێن: رێڤەبەرێ گۆشەیا ئەمریکی ل دهۆکێ، و ڕاهێنەر د بوارێ گەشەپێدانا بەردەوام و دیپلۆماسیەتێ دا.
- 🔘 د. زوبەیدە سالح: سەرۆکا پشکا کۆمەلناسیێ ل زانکۆیا دهۆک، و چالاکڤان د بوارێ گەنج و ژنان دا.
- 🔘 د. ڕەمزیە حەمزە: سەرۆکا پشکا پەروەردا ئایینی ل زانکۆیا دهۆک، و پسپۆرا مافێن ئابووری یێن ژنان د ئیسلامێ دا.
- 🔘 محەمەد حەسەن خامۆ: سەرۆکێ یەکەیێ خواندنا بلند ل کۆلیژا زانستێن سیاسی ل زانکۆیا دهۆک، و پسپۆر د بوارێ یاسایا نێودەولەتی یا گشتی دا.
- 🔘 ڤەژین شەوکەت: مامۆستا ل پشکا کۆمەلناسیێ ل زانکۆیا دهۆک، و دامەزرێنەرا رێکخراوەکا مرۆڤایەتی یا ناڤخۆیی.
دێ دەلیڤە بۆ پشکداران هەبیت کو:
- ژ شارەزا و پسپۆران فێرببن د بوارێ یەکسانی و گەشەپێدانا بەردەوام دا.
- پەیوەندییان دگەل قوتابی و پیشەکارێن دی ئاڤا بکەن یێن کو گرنگیێ ب ڤان بابەتان ددەن.
- شیان و زانینێن خۆ گەشە پێ بدەن د ڤان بواران دا.
ئەنجام
ل دوماهییا بەرنامەی، پشکدار دێ شێن:
- شێوازێن جودا یێن پەیوەندیکرنێ د ناڤبەرا زەلام و ژنان دا شەرح کەن و ڤێ زانینێ د سەرەدەریێن خۆ یێن رۆژانە دا ب کار بینن.
- ئاستەنگ و دەلیڤەیان دەستنیشان و شیکار بکەن یێن کو دکەڤنە پێشیا ژنان بۆ پشکداریکرنێ د بوارێن ئاشتی و ئاسایشێ، گەشەپێدانا بەردەوام، و سەرکردایەتیێ دا.
- ستراتیژییان دابڕێژن بۆ پشتەڤانیکرنێ ژ ب هێزخستنا ژنان و پشکداریا وان د هەمی بوارێن ژیانێ دا.
ئەم هانی هەمی قوتابیێن ئارەزوومەند دکەین کو ناڤێن خۆ تۆمار بکەن. د چاڤەڕێیا دیتنا هەوە دانە!