شهههد عهبدوللا محهممهد
بەرپرسێ هەلسەنگاندن و دویڤچوونێ
شهههد عهبدوللا محهممهد پسپۆرەکا وارێ ئاڤاکرنا ئاشتیێ و مافێن مرۆڤی یە، خوەدان سهربۆرهکێ پتر ژ دەهـ سالانە د گرێدانا ڕێڤهبهریا ستراتیژی، کارێن مرۆڤایهتی و ئاڤاکرنا ئاشتیێ ل سەر ئاستێ جڤاکی دا. ناڤهاتی شارەزاییەکا ب هێز د سەرکێشیا کارگێڕی، هەماهەنگی و ڕێڤهبرنا ژێدهران دا هەیە، ژپێخەمەت مسوگەرکرنا بجهئینانا کاریگەر یا پرۆگرامان د ڕەوشێن ئاڵۆز و هەستيار دا.
تەوەرێ سەرەکی یێ کارێ وێ ل سەر پێشێخستنا نێزیکبوونێن ل سەر بنەمایێ مافان (Rights-based approaches)، تێکهلکرنا جڤاکی، و گەهشتنا وەکهەڤ یا خزمەتگوزاریان بۆ گروپێن لاواز و پەراوێزخستی یە. شهههدێ پتر ژ پێنج سالێن سهربۆرا تایبەتمەند د وارێ چاڤدێری و هەلسەنگاندنێ (M&E) دا هەیە ل سەنتەرێ لێکۆلینێن ئاشتی و چارەسەرکرنا ناکۆکیان ل زانکۆیا دهۆک، کو تێدا ڕۆل هەبوویە د دانان، چاڤدێری، و پێشڤەبرنا بەردەوام یا پەروەردەیا ئاشتیێ و دەستپێخەریێن ئاشتیێ ل سەر ئاستێ جڤاکی.
زێدەباری ڕۆلێن وێ یێن پرۆگرامی و چاڤدێری و هەلسەنگاندنێ، وێ پشتەڤانیا پێشێخستنا پرۆگرامێن ئەکادیمی و ڕاهێنانێ کریە د وارێ لێکۆلینێن ناکۆکیان و پێکڤەژیانا ئاشتیانە دا، ب رێکا پشکداریکرنێ د دانانا پڕۆگرامێن خواندنێ دا ب ئارمانجا ب هێزکرنا هەڤگرتنا جڤاکی و دیالۆگێ د ناڤبەرا پێکهاتێن جودا دا ل پارێزگەها دهۆکێ و دەڤەرێن دی. هەروەسا، وێ پشکداری د پرۆگرامەکێ ئاڵوگۆڕا ئەکادیمی دا کریە لگەل زانکۆیا جەستس لیبیگ گیسن (Justus Liebig University Giessen)، کو تەرکیز ل سەر پشکداریا ژنان د دیالۆگ، دانوستاندن، و پرۆسەیێن ئاشتیێ دا دکر.