پهخشان صدیق سیدی
بەرپرسا پەیوەندییان و گەهاندنێ
پهخشان صدیق سیدی، جڤاکناسەکا دڵسۆزە د بوارێ ئاڤاكرنا ئاشتیێ و تەبایا ههڤگرتنا جڤاکى دا. خودان سێ ساڵێن ئەزموونا کارکرنێ یە دگەل سهنتهرێ خواندنێن ئاشتى و چارەسەرکرنا ململانێ (CPCRS). کارێ وێ زێدەتر ل سەر پشکداریکردنێ یە د پرۆژەیێن پەیوەندیدار ب ئاڤهكرنا ئاشتیێ،چارهسهكرنا ململانێ، پێکڤەژیان، و بهێزکرنا ژنان دا.
د درێژاهیا ئەزموونا خۆ یا پیشەیى دا، پهخشان ب شێوەیەکێ چالاک دگەل لایەنێن پەیوەندیدار ل سەرانسەرێ دەڤەرێ کار کریە، و شیایە پەیوەندیێن بهێز ئاڤا بکەت و پشتگیریا هەماهەنگى و هەڤکاریێ د ناڤبەرا پارتنەران دا بکەت. وێ پشکدارى د ئاسانکاریا چالاکیان و ڕێڤەبرنا بجهئینانا پرۆژەیان دا کریە، ب پشتبەستن ب شارەزاییێن خۆ یێن بهێز د ڕێکخستن و پەیوەندیکردنێ دا.
وەک ڕاهێنەرەکا باوەرپێکرى د بوارێ "ڕاهێنانا ڕاهێنەران" (ToT) دا، پشتگیریا خولێن ڕاهێنانێ و چالاکیێن جڤاکى کریە. هەروەسا، وەک بەرپرسا مێدیایا جڤاکى و سەرپەرشتیا خۆبەخشان د چەندین پرۆژهيان دا کار کریە.
پهخشان خودان بڕوانامەیا بەکالۆریۆسە د جڤاکناسیێ دا، کو ب نمرەیا (٩٥.٨) دەرچوویە و پلەیا ئێکێ ل سەر ئاستێ کۆلێژا زانستێن مرۆڤایەتى بدەستڤە ئینایە. ڤەکۆلینا وێ یا ئەکادیمى دەربارەى "توندوتیژیێ د تورێن مێدیایا جڤاکى دا" (باژێرێ دهۆک وەک نموونە)، نوکە وەک ژێدەرەک ژ لایێ قوتابیێن بەکالۆریۆسێ ڤە دهێتە بکارئینان. کارێ وێ ڕەنگڤەدانا پابەندبوونا وێ یا بهێزە ب کارێ پراکتیکى یێ ل سەر بنەمایێ ڤەکۆلینان، ئاڤاكرنا ئاشتییا گشتگیر، و پشکداریا جڤاکى.