عمران عمر علي

پڕۆفیسۆرێ هاریکار

د. عمران عمر على، ڕێڤەبەرێ سەنتەرێ ڤەکۆلینێن ئاشتى و چارەسەرکرنا ململانێ (CPCRS) و پروفیسورێ هاریکار یێ پەیوەندیێن ناڤدەولەتى یە ل زانکۆیا دهۆک. ناڤبرى هەڵگرێ بڕوانامەیا دکتۆرایێ یە د بوارێ سیاسەتێ دا ژ زانکۆیا گلاسگۆ، هەروەسا خودان دوو بڕوانامەیێن ماستەرێ یە د بوارێن مافێن مرۆڤ و سیاسەتا جیهانى، و زانستێن سیاسى دا. شارەزاییا وی یا ئەکادیمى بوارێن پەیوەندیێن ناڤدەولەتى، خواندنێن ئاشتى و ململانێیان، ستراتیژیەتا ئەمریکا ل ڕۆژهەلاتا ناڤەڕاست (ب تایبەت ل دۆر ئێرانێ)، و سیاسەتێن دەرڤە یێن ئێکەتیا ئەورووپا دگریتە خۆ. د. عمران چەندین ڤەکۆلین د کۆڤارێن نێڤدەولەتى و هەرێمى یێن بناڤودەنگ دا بەلاڤکرینە، ژ وان ژى: (Political Geography)، (Middle East Policy)، و (British Journal of Middle Eastern Studies) .ڤەکۆلینێن وی باس ل بابەتێن تەبایا جڤاکى و بونیاتنانا ئاشتیێ، گوهۆڕینا دیمۆگرافى، دەستێوەردانێن ناڤدەولەتى، پەیوەندیێن ئێکەتیا ئەورووپا و ئێرانێ، و ستراتیژیەتا ئەمریکا ل ڕۆژهەلاتا ناڤەڕاست دکەن. زێدەباری ڤێ چەندێ، ناڤبری هەڤسەرپەرشتیا پرۆژەیێ ناڤدەولەتى یێ (LASER PULSE) ل سالێن (٢٠٢٢-٢٠٢٤) کریە، کو ڤەکۆلین ل سەر قوناغا پشتی داعش ل باکوورێ عیراقێ دکر ب ڕێکا تێڕوانینێن بژێوا ژیانێ، ناسنامە، تەبایا جڤاکى، و بونیاتنانا ئاشتیێ، ب هەڤکارى دگەل زانکۆیێن پوردو، نوتردام، اندیانا وکوڤەنترى، و پەیمانگەها ستوکهولم یا ناڤدەولەتى بو ڤەکولینێن ئاشتیێ. ل سالا ٢٠٢٥ێ، وەک ڤەکۆلەرێ سەرەکى د پرۆژەیەکێ ب پشتگیریا (UNDP) دا کار کریە دەربارەى لیژنەیێن ئاشتیێ یێن خۆجهى و ناڤبژێوانیا جڤاکى، کو تێدا پێشنیازێن ل سەر بنەمایێ بەلگان پێشکێشکرینە بۆ ب‌هێزکرنا چارەسەرکرنا ململانێیان، ڤەگەڕاندنا ئاوارەیان، و دامەزراندنا میکانیزمێن ئاشتیێ ل عیراقا پشتی داعش. وەک ڕێڤەبەرێ سەنتەرێ CPCRS، د. عمران سەرکردایەتیا ڤەکۆلینێن جودا جودا و سیاسەتگۆزار دکەت، یێن کو زانستێ ئەکادیمى دگەل بونیاتنانا ئاشتییا پراکتیکى گرێ ددەن. ب ڕێکا سەنتەرێ CPCRS، ناڤبرى ژ نێزیک دگەل جڤاکێن خۆجهى، سازیێن حکومى، جڤاکێ مەدەنى، و پارتنەرێن ناڤدەولەتى کار دکەت بۆ پێشخستنا تەبایا جڤاکى، حوکمڕانییا دیمۆکراسى، و ئاشتییا بەردەوام ل هەرێما کوردستانێ، عیراق، و ڕۆژهەلاتا ناڤەڕاست. سەرکردایەتیا وى ل سەر بنەمایێ هەستپێکرن(Empathy)، هزرکرنا ڕەخنەیى، و کارلێکرنا ناڤبەرا کلتۆران ئاڤا بوویە، کو ئارمانجا ڤێ چەندێ ئەوە سەنتەرێ CPCRS ببیتە سەنتەرەکێ هەرێمى یێ جهێ باوەریێ بۆ سیاستگۆزاریا ل سەر بنەمایێ بەلگان، دیالۆگ، و ڤەگۆهۆڕینا ململانێیان.