سەنتەرێ خواندنێن ئاشتی و چارەسەرکرنا ململانێ ل زانكویا دهۆک، وەرشەیەکا ڕاهێنانێ بۆ ماوێ دوو ڕۆژان بۆ تیما "پێشەنگێن ئاشتیێ" (رواد السلام) یا سەر ب پشکێ خواندنێن ئاشتیێ و مافێن مرۆڤی ڤە ئەنجامدا. ئەڤ وەرشەیە ژ لایێ ڕاهێنەر و شارەزا "مامۆستا خدر دۆملی" ڤە هاتە پێشکێشکرن.

ئارمانجێن وەرشەیێ:

ئەڤ چالاکییە ب مەرەما پێشخستنا شیانێن پشکداران هاتبوو ڕێکخستن، دا کو بشێن گەڕیانێن مەیدانی ل قوتابخانەیێن ئامادەیی ل پارێزگەها دهۆکێ ئەنجام بدەن. مەرەما سەرەکی ژ ئەڤان گەڕیانان، ناساندنا پشکا "خواندنێن ئاشتیێ و مافێن مرۆڤی" و دیارکرنا گرنگیا کارکرنێ یە بۆ بەلاڤکرنا کولتۆرێ ئاشتیێ ژ لایێ زانینگه‌هێ ڤە.

تەوەرێن سەرەکی یێن وەرشەیێ:

• پێشخستنا شیانان ل سەر میکانیزم و بنەمایێن ڕێڤەبرنا سمینار و جۆلاتێن دانوستاندنێ.
• فێربوونا شارەزاییێن تایبەت ب دامەزراندن و بڕێڤەبرنا کۆمبوونێن ناساندنێ و هۆشیاریێ.
• رێکخستنا کارێ ناساندنا پشکێ، کو تاکە پشکە ب ڤی جۆری ل زانینگه‌ها دهۆکێ هەی.

هەماهەنگی:

ئەڤ کارە ب هەماهەنگی و هەڤکاری د ناڤبەرا سەنتەرێ خواندنێن ئاشتی و چارەسەرکرنا ململانێ و پشکا خواندنێن ئاشتیێ و مافێن مرۆڤی دا هاتیە ئەنجامدان