تیما پێڤاژۆیا ئاخاڤتن و زمانێ بەهدینی (BSLP) گرووپەکئ ڤەکۆلینێیە ل زانکۆیا دهۆک ل هەرێما کوردستانێ. ئەڤ تیمه ژ بۆ پێشخستنا سەرچاوێن زمانی وتەکنۆلۆژیا بۆ زمانێ کوردی هاتیە دامەزراندن، بمەرەما جەختکرنێ لسەر دەڤۆکا بەهدینی یا کوردیا باکوور.

پتریا ڤەکۆلینان د بیاڤێ پێڤاژۆیا زمانێ کوردی دا (NLP) جەخت ل سەر کوردیا ناڤین (سۆرانی) و تا رادەیەکی کوردیا باکوور (کورمانجی) ب شێوازئ لاتینی كريە. لێ، دەڤۆکا بەهدینی یا کوردیا باکوور هاتیە پشتگوهکرن. ئەڤە ژى دزڤریت بۆ کۆمەکا ئاستەنگێن تایبەت. بو نموونە بەهدینی دەڤۆکا کوردیا باکوور یا ئێکانەیە کو ب نڤیسارا عەرەبی دهێتە نڤیسین، وئەڤە ژی وێ جودا دکەت ژ ئامرازێن لاتینی کو بۆ کورمانجیێ هاتینە چێکرن. هەرچەندە دەڤۆکا بەهدینی نڤیسارا عەرەبی دگەل سۆرانی پشکدار دکەت، بەلێ جوداهیێن زمانی یێن بەرچاڤ رێگرن ژ بکارئینانا راستەوخۆ یا تەکنۆلۆژیێن کوردیا ناڤین بۆ بەهدینی.

ژ ئەنجامێ ڤێ چەندێ، هەولدانێن تایبەت پێدڤینە بۆ چێکرنا سەرچاوە و ئامرازێن زمانی بۆ ڤێ دەڤۆکێ. ئەڤ ڤالاهیە هەم پێدڤیەکا ب لەزە وهەم دەرفەتە ژبۆ پێشخستنا تەکنۆلۆژیێن بنگەهیی یێن زمانی بۆ ڤێ دەڤۆکێ.

BSLP تیمەکا پیشەیێن جۆراوجۆرە ل زانکۆیا دهۆکێ، ئارمانجا وێ هاندانا هەڤکاریێیە د ناڤبەرا بەشێن زانستێن کۆمپیوتەری، زمانێ کوردی و زمانێ ئینگلیزی دا ژ بۆ دابینکرنا سەرچاوێن زمانی یێن سەرەکی، مودێل و ئامرازێن پرۆسێسکرنا زمانی بۆ کوردیا بەهدینی.