رێزبەندیا نیڤدەولەتیا زانکۆیان
ئەڤ لاپەرە زانیاریێن تەواو ددەت دەربارەی بەشداریا زانکۆیا دهۆک د سیستەمێن رێزبەندیا زانکۆیی یێن جیهانێ، رێوشوێنێن پێشکەشکرنا داتایان، و دەستکەفتێن زانکۆیێ ل دانانا شوێنێ خۆ وەک دامەزراندنەکەیەکێ ئەکادیمی یێ هەرێما کوردستانێ وعیراقێ.
زانکۆیا دهۆک ب شێوەیەکی چاڵاک پشکداریێ دکەت د رێزبەندیا نیڤدەولەتی یێن سەرەکی ب مەبەستێ:
- بەراوردکرنا ئاست و کاراییێن خۆ ل گەل زانکۆیێن نافخۆیی و جیهانی.
- دیاریکرنا خاڵێن هێز و دەرفەتێن باشترکرنێ.
- بەرزکرنا ئامادەبوون و ناڤداریا نێڤدەوڵەتی.
- راکێشانا قوتابی و مامۆستایێن نایاب، و بەرزکرنا هەڤکاریێ د ڤەکۆلینێن زانستی.
- باشترکرنا بەردەواما کوالیتیا خوێندنێ ل هەمی بواریێن ئەکادیمی دا.
- پشتگیریا مەبەستێن گەشەپێدانا خوێندنا بلند ل هەرێما کوردستانێ.
زانکۆیا دهۆک د ئێستادا بەشدارە د ژمارەیەک ژ دامەزراندن و سیستەمێن رێزبەندیا نیڤدەولەتی یێن ناڤدار، و داتایێن خۆ پێشکەش دکەت ب وان، وەک پلەبەندیا Times Higher Education (THE) یێ جیهانی بۆ زانکۆیان و پلەبەندیا QS یێ جیهانی، و هتد.
پلەبەندیا Times Higher Education (THE) یێ جیهانی بۆ زانکۆیان
رێزبەندیا THE ئێک ژ کاریگەرترین و ب ناڤوبانگترین رێزبەندیا زانکۆیانە ل جیهانێ. ئەڤ رێزبەندیە ژ ساڵا 2004ێ هەتا نوکە رێزبەندیا زانکۆیان سەر ئاستێن جودا بەڵاڤدکەت، و زانکۆیێن ڤەکۆلینێن یێن سەرەکی ل هەمی بنەمایێن سەرەکیێن واندا هەلسەنگاندنێ دکەن: خوێندن، ڤەکۆلین، ڤەگوهاستنا زانیاری و ئاراستەی نێڤدەوڵەتی.
زانکۆیا دهۆک ژ ساڵا 2022ێ هەتا نوکە بەشدارە د رێزبەندیا THE لسەر ئاستێ وەڵاتێن عەرەبی وجیهانێ دا. رێڤەبەریا دڵنیای جۆری، ب هەڤکاریا هەمی کۆلێژ، بەش و یەکێن کارگێری یێن جودا، پڕۆسەیا کۆمڤەکرن و پێشکێشکرنا داتایان هەر ساڵ بکارێ رێکخست رادبیت.
دەمێن پێشکێشکرنا داتایان
- تشرینی دووهەم – کانونی یەکەم: کۆمڤەکرنا داتایان
- کانونی دووهەم – شوبات: پشتڕاستکرن و دڵنیابوون ژ کوالیتیا داتایان
- ئادار – نیسان: پێشکێشکرنا فەرمی بۆ THE
- ئایار – ئەیلول: هەلسەنگاندن و پشتڕاستکرنا داتایان ژ لایێ THE
- ئەیلول – تشرینی یەکەم: راگەهاندنا ئەنجامان
داتایێن پێویست
- داتایێن دامەزراندنێ (ژمارا قوتابیان، ستاف، زانیاریێن دارایی)
- داتایێن ڤەکۆلینان (بەڵاڤکرن و استشهاد ژ Scopus دهێنە وەرگرتن)
- بەشداریا ل ڕاپرسییا ناسیاریا زانکۆیا دهۆک ل جڤاتێ.
- پیڤانێن هەڤکاریا نێڤدەوڵەتی
- زانیاری دەربارەی هەڤکاریێ د بازارێ کاری دا.
پلەبەندیێن QS یێن جیهانی بۆ زانکۆیان
پلەبەندیێن QS (Quacquarelli Symonds) ژ ناڤدارترین و بەربەڵاڤترین رێزبەندیا زانکۆیی یێن نێڤدەوڵەتی یە. ئەڤ رێزبەندیە ژ ساڵا 2004ێ دامەزراندیە و داتایێن بەراوردی دەربارەی کاراییێن زانکۆیان ل ئاستێ جیهانێ پێشکێش دکەت، و ژ لایێ قوتابیان، مامۆستایان و مفاوەرگێران ب گشتی یا ناسیارە.
زانکۆیا دهۆک ژ ساڵا 2021ێ هەتا نوکە داتایێن خۆ بۆ رێزبەندیا QS پێشکێش دکەت. ئارمانجا ستراتیجی یا زانکۆیا مە بەرزکرنا بەرهەمێ ڤەکۆلینێ، بەرزکرنا هەڤکاریا نێڤدەوڵەتی و باشترکرنا ناڤودەنگێ ئەکادیمی یا زانکۆیا دهۆک.
دەمێن کارێ کۆمڤەکرن وپرۆسەکرنا داتایێن QS
- ئامادەکاری پێشەکی (پێش ئەیلول)
- قۆناغا پێشکەشکرنێ (ئەیلول – شوبات / ئادار)
- پشتڕاستکرن و هەلسەنگاندن (ئادار – ئایار)
- راگەهاندنا رێزبەندیێ (حوزەیران)
داتایێن پێویست
- کورتەیەک دەربارەی زانکۆ و زانیاریێن سەرەکی
- ئامارێن قوتابی و ستاف (ژمارا گشتی و رێژەیا بیانیا)
- زانیاری و ناسناڤێ زانستی وباوەرنامێن مامۆستایان
- ڤەکۆلینێن بەڵاڤکری وژمارا سایتێشنێ (استشهاد) (ژ Scopus)
- بەشداریا د ڕاپرسیێن نیاسین وناڤداریا زانکۆیا دهۆک دناڤ مامۆستایان و خودان بەرژەوەندیێ (stakeholders)
- هەڤکاریا نێڤدەوڵەتی و بەرنامەیێن لێک گهۆرینێ
تەمێن رێزبەندیێ و بنکەداتایێن دیتر
سەرەرایی THE و QS، زانکۆیا دهۆک هەروەسا تۆمارکریە و هەلسەنگاندیە ژلایێ ژمارەیەک ژ سیستەمێن رێزبەندیێ و ناڤداریا نێڤدەوڵەتی یێن دیتر بەشدارە، وەک Webometrics (پلەبەندیا تۆڕا زانکۆیان)، Scimago Institutions Ranking (SIR) و ژمارەیەک یێن دیتر.
زانکۆیا دهۆک چەوا دڵنیایێ ژ کوالیتیا داتایان دکەت؟
رێڤەبەریا دڵنیای جۆری پڕۆسەیەکا تەواو لسەر ئاستێ زانکۆیێ رێکدێخیت بۆ کومڤەکرن، پشتڕاستکرن و پێشکەشکرنا داتایێن راست ودروست بۆ دامەزراندنێن رێزبەندیا نێڤدەوڵەتی دکەت. رێبازا دڵنیاییکرنا پێزانین وداتا ڤان خاڵان بخوڤەدگریت:
- دروستیا و سەلامەتیا داتایان.
- گونجاوبن ب مەرجێن دامەزراندنێن رێزبەندیێ.
- پێشکەشکرنا داتایان د دەمێ خودا.
- باشترکرنا بەردەواما سیستەمێن داتایان ورێکێن کۆمڤەکرنا وان داتان.
- ڕوونی و بەرپرسیارێتی.
مامۆستایان و ستافێ ئەکادیمێ چەوا دشێن هاریکاریێ بکەن؟
- بەشداربون د ڕاپرسییا ناڤداری (سمعە) یا QS دەمێ بۆ وان دهێتە هنارتن وداخوازکرن.
- دڵنیابوون ژ وێ یە کو ناڤێ زانکۆیا دهۆک ب دروستی د ڤەکۆلینان هاتیە بکارئینان وەک جهێ کارێ ڤەکۆلەری.
- نوێکرنا پڕۆفایلێن خۆ ل Google Scholar، Scopus و ORCID.
- بەشداربون دهەڤکاریێن ڤەکۆلینێ یێن نێڤدەوڵەتی
- بەڵاڤکرنا ڤەکۆلینێن خۆ ل گۆڤارێن زانستی یێن ناسیار و خودان ئێندێکسێ بهێز وەک کلاریڤێت وسکۆپەس.