دڵنیایی جۆری
دڵنیابوونا ئاستێ هەرەباش د خواندنا بلند دا ب رێکا هەڵسەنگاندن وبەرپێدانا بەردەوام
دڵنیایی جۆری ل زانکۆیا دهۆک
رێڤهبهريا دڵنيايی جۆری هاته دامهزراندن لدويف بريارا زانكۆيێ ژماره (75) لرۆژا (05-01-2010) پشتی فرمانا وهزاری ژماره (458) لرۆژا (18-08-2009) دا سهرپهرشتی يێ بكهت ل سهر كارێ ليژنێن دڵنيايی جوری ئهوێن ل كۆليژ و پهيمانگەها كار دكهن. دڵنيايی جۆری ههمی كارێن رێكخستی ڤهدگريت ئهوێن پلان بۆ هاتينه دانان، بۆ نمونه، سياسهت وئيستراتيجی وچالاكی، ئهوێن باوهريێ ب كواليتی ب هێز دكهن وديار دكهن كو ئهنجام دگههنه ستاندهرێن دانايی. د بوارێ خواندنا بلند دا، دڵنيايی جۆری دهێته هژمارتن وهك دهرئهنجام بۆ ههمی سيستهمێن خواندنێ كۆ ژێدهر وپێزانين دهێنه تهرخانكرن ژبۆ پهيداكرن وپێشڤهبرنا كواليتی ههروهسا پێشڤهبرنا ئاستێ مامۆستا وستافێ كارگێری زێدهباری رێكێن وانه گووتنێ وبلندكرنا ئاستێ زهمالێن خواندن وڤهكولينێ. چالاك كرنا بهرنامێ دڵنيايی جۆری دهرفهتێ د دهت بۆ دياركرنا خاڵێن هێزێ ولاوازيێ ل ههر زانكۆ و پهيمانگهههكێ وهاريكاريا ڤان دهزگهها دكهت بۆ پێش ئێخستنا ئاستێ پهروهرده وخواندنێ.
رێڤهبهريا دڵنيايی جۆری يهكێن دڵنيايی جۆری ههنه ل ههر کولیژەک يان بەشەک ل زانكۆيا دهۆك، ئهڤ يهكه دهێنه برێڤه برن ژ لايێ رێكخهرێ سهرهكی يێ کولیژێ يێ وههمی يهك لژێر سهرپهرشتيا رێڤهبهريا دڵنيايی جۆری ل سهروكاتيا زانكۆيێ كاردكهن. ههروهسا ههر بهشهكێ زانستی رێكخهرهك يێ ههی بۆ سهرپهرشتكرنا كارێ دڵنيايی جۆری ل بهشی وقوناغێن وی.
ئهو بوارێن كو پێتڤی يه بهرچاڤ بێنه وهرگرتن ژلايێ كهسێن ههلسهنگێنهر د زۆرن ودهێنه هژمارتن گرنگترين پێكهاتێن دهزگههێن خواندنا بلند ودهێنه دياركرن: فیدباکا قوتابیان، زانستیخوازی بەردەوام وهەڵسەنگاندنا هەگبا مامۆستا. سەرەرایی پیتەدان ب بابەتێن دانان وپێشئێخستنا پرۆگرامێن خواندنێ ل دویف پیڤاژوویا بۆلۆنیا هەروەسا کار ل سەر وەرگرتنا متمانەبەخشینێ بۆ پرۆگرامێن خواندنێ یێن جۆرا وجۆر ل زانکۆیا دهۆک ل سەر هەردوو ئاستێن نشتیمانی ونیڤدەولەتی.