چاپتەریێ كۆمەلا كیمیایی یا ئەمریكی یێ زانكۆیا دهۆك UOD_ACS چالاکیەکا زانستى ئەنجامدا
ل ژێر چاڤدێریا راگرێ کولیژا زانست بەرێز، پ.هـ. د. محمد عزیز ابراهیم، و مامۆستایا هاریکار د. سهاد عبدالرحمن یاسین، سەرپەرشتا چاپتەرێ ACS ل زانکۆیا دهۆک و ب ئامادەبوونا مامۆستا عماد عبدالحسین یوسف، ماموستایێ پشکا کیمیا یا کولیژا زانست ل زانکۆیا النهرین ل بەغدا و شاندێ دگەل دا کو پشتەڤانیا ئەڤی چاپتەری دکەن، پشکا کیمیا ل کۆلیژا زانست چالاکیەکا زانستی ئەنجامدا ل دۆر “هاڤێتنا دەرمانان ب شێوەکێ ساخلەم بۆ ژینگەهێ و ساخلەمیا گشتی” کو ژمارەکا زۆرا مامۆستا و قوتابیێن پشکێ پشکداری تێدا کربوو.
هەژی گوتنێ یە کۆ ئەڤ چالاکیە ب شێوەیێ خرڤەبوون و نیشاندانا پوستەران هاتبوو کرن بۆ هوشیارکرنا خەلکی یە دا کو رەوشەنبیریەکێ د ناڤ خەلکی دا بەلاڤ بکەن بۆوێ چەندێ کا دێ چاوان ئەو دەرمانێن مێژوویا وان ب سەر ڤە چووی ب شێوەیەکێ ساخلەم هاڤێژن و بێ کو زیان بگەهیتە ژینگەهی و گیانەوەران.
راگەهاندنا زانکۆیا دهۆک
رۆندک فاضل عومەر
عەلى بانکى