زانكۆیا دهۆك رۆله‌كێ‌ گرنگ ل دیدارا پێنجێ‌ یا كۆربه‌ندێ‌ ئاشتی و ئێمناهیا رۆژهه‌لاتا ناڤین (MEPS) گێرا، ئه‌وێ‌ زانكۆیا ئه‌مریكی ل كوردستانێ‌ ل هۆلا كۆنفرانسان ل زانكۆیا دهۆك ل رۆژێن 22-23ـی چریا دووێ،‌ 2024 رێكخستی. ئه‌ڤێ‌ چالاكیا ب سه‌نگ 124 ئه‌كادیمی و مه‌زنه‌ به‌رپرسێن حكومی و سه‌ركردێن سیاسی و نوینه‌رێن حزبا ژ هه‌رێما كوردستانێ‌ و عیراقێ‌ و پتر ژ 40 وه‌لاتان كۆمكربوون.

د په‌راوێزا رۆژا دووێ‌ یا كۆربه‌ندی دا ل رۆژا 23ـی چریا دووێ‌، سه‌رۆكێ‌ زانكۆیا دهۆك، د. داوود ئەتروشی، ب یاوه‌ریا هاریكارێ‌ سه‌رۆكێ‌ زانكۆیێ‌ بۆ كاروبارێن كارگێری و دارایی د. دلشاد عەبدئەلجەبار حەلیم، و رێڤه‌به‌رێ‌ په‌یوه‌ندیێن نێڤده‌وله‌تی د. نزار امین، كۆمبوونه‌كا به‌رهه‌مدار ئەنجامدان دگه‌ل بالیوزێ‌ وه‌لاتێ‌ هندستانێ‌ ل عیراقێ‌ به‌رێز (سومن باغچی) و قونسلێ‌ گشتیێ هندستانێ‌ ل هه‌ولێرێ‌ به‌رێز (مادان گوبال) د دانوستاندنان دا خه‌خت ل سه‌ر خۆرتكرنا په‌یوه‌ندیان دناڤبه‌را زانكۆیا دهۆك و سازیێن ئه‌كادیمی و حكومی یێن هندستانێ‌ كر.

بابه‌تێن سه‌ره‌كی به‌رفره‌هكرنا په‌یوه‌ندیێن دووقولی، په‌یداكرنا ده‌رفه‌تێن خاندنێ‌، بهێزكرنا به‌رنامێ‌ پێكگوهارتنا قوتابیان، خۆرتكرنا بابه‌تێ‌ ڤه‌كۆلینێن هه‌ڤپشك دگه‌ل زانكۆیێن هندستانێ بوون.

د كۆمبوونێ‌ دا، دووپاتی ل سه‌ر پێگیربوونا به‌رده‌وام یا زانكۆیا دهۆك هاته‌ كرن ل دۆر خۆرتكرنا هه‌ڤپشكیا خۆ یا جیهانی و پیشخستنا شیانێن خۆ یێن ئه‌كادیمی و زانستی ب رێكا هه‌ڤكاریا نێڤده‌وله‌تی.

راگه‌هاندنا زانكۆیا دهۆك؛ 25ـی چریا دووێ‌ 2024

فاطمة محمود

وەرگێران: رەمەزان شەعبان