رۆژا چوارشەرمبی رێكەڤتی ٤ـی ئیلونێ ٢٠٢٤، سەرۆكێ زانكۆیا دھۆك د. داود سلێمان ئەتروشی پێشوازی ل شاندەكی ژ سویسرا و ھولەندا كر، بۆ گەنگەشەكرنا ھەڤكاریا د بوارێ گەشەپێدانا چاندنێ ل ھەرێما كوردستانا عیراقێ. شاندێ ناڤبری پێكھاتبوو ژ د. ئانا وود رێڤەبەرا پرۆژێ پێشئێخستنا زنجیرەیا بھايێ بتاتا یا كۆمپانیا كابی یا ناڤدەولەتی و د. محەمەد نەبیل رێڤەبەرێ پێشئێخستنا بەرھەمئینانێ ل كۆمپانیا HZPC، كو كۆمپانیەكا ھولەندی یا تایبەتە ب بەرھەمئینانا توڤێ بتاتا، ب ئامادەبوونا د. رفائیل شلێمون توما، رێڤەبەرێ پرۆژەی ژ كۆلیژا ئەندازیاریا چاندنێ ل زانكۆیا دھۆك.

ئارمانجا سەرەدانێ چاڤدێریا پێشڤەچوونا پرۆژێ زنجیرەیا بھایێ بتاتا و دانپێدان بوو ب پشكداریێن گرنگ یێن تیما زانكۆیا دھۆك ل گەل ھەڤپشكێن كاری وەكو رێڤەبەریا گشتی یا چاندنێ ل پارێزگەھا دھۆك و كۆمپانیا KH یا چاندنێ. د گەنگەشێن ھاتاینە ئەنجامدان تەكەز ل سەر كاریگەریا ئەڤێ ھەڤكاریێ ل سەر پەرەپێدانا بەرھەمئینانا بتاتا و پالپشتیكرنا ئەنجامدنێن چاندنێ یێن بەردەوام ل دەڤەرێ ھاتەكرن.

دیسان د. بەھزاد محەمەد تاھر خالد، ئەندامێ تیما زانكۆیێ و بەرێز حوسام محەمەد رێكانی، نوینەرێ فەرمی یێ كابی ل كوردستانا عیراقێ ئامادەبوون، كو گەنگەشە ل دۆر گرنگیا ھەڤكاریا بەردەوام د ناڤبەرا خۆدان بەرژەوەندی یێن ناڤخۆیی و ناڤدەولەتی دا ھاتنەكرن بۆ پێشڤەبرنا گەشەپێدانا چاندنێ و پەرەپێدانا گەشەكرنا ئابووری ل دەڤەرێ.

راگەھاندنا زانكۆیا دھۆك؛ ٥ـی ئیلونێ ٢٠٢٤

عسمەت خابوور و ماهر تاهر کێستەیی

وێنە: عەلی بانکی