٧٠ پێشکێشکرنێن ڤەکۆلینان، ١٤ زانکۆیێن پشكدار، و دیتنەک بۆ هەڤکاریا زانستی ل سەرانسەری عیراقێ

راگەهاندنا زانکۆیا دهۆک | ١٠ـی نیسانا ٢٠٢٥ـێ،

 راپۆرت ژ لایێ: فاطمە محمود علی

 وێنەگرتن ژ لایێ: محەمەد عەبدولکەریم تاهر

زانکۆیا دهۆک | نڤیسینگەها راگەهاندنا زانکۆیێ | زانکۆیا دهۆک | ب شانازی ڤە میڤانداریا ئێەکەم کۆنفرانسێ ناڤدەولەتی یێ کۆلیژێن ڤێتێرنەری یێن عیراقێ (IICVMS ٢٠٢٥) ل ٩-١٠ـی نیسانا ٢٠٢٥ـێ کر، کو قۆناغەکا گرنگ بوو د پێشڤەچوونا پەروەردە و ڤەکۆلینێن ڤێتێرنەری دا ل سەرانسەری عیراقێ. کۆنفرانس ل سەنتەرێ کۆنفرانسان یێ زانکۆیا دهۆک هاتە برێڤەبرن، و ژ لایێ کۆلیژا ڤێتێرنەری یا زانکۆیا دهۆک، ب هەڤکاریا نێزیک دگەل کۆلیژێن ڤێتێرنەری یێن زانکۆیا سەلاحەدین-هەولێر، زانکۆیا سلێمانیێ، زانکۆیا مووسل، و زانکۆیا قادسیە هاتبوو رێکخستن.

قۆناغەکا گرنگ د پەروەردا ڤێتێرنەری دا

ئاهەنگا ڤەکرنێ، کو ل ٩ـی نیسانا ٢٠٢٥ـێ هاتە برێڤەبرن، زێدەتری ١٥٠ پشكداران کۆمکرن، ژ وان راگر، ڤەکۆلەر، پرۆفیسۆر، قوتابیێن خواندنا بلند، و مێڤان ژ سەرانسەری وەلاتی. بۆنە ب سرودا نەتەوەیی و نمایشەكا فۆلکلۆری دەستپێکر، و پاشی پەیڤێن ڤەکرنێ ژ لایێ ڤان کەسان هاتنە پێشکێشکرن:

د. داود سلێمان ئەتروشی، سەرۆکێ زانکۆیا دهۆک: وی بخێرهاتنا شاندێن سەرەدانکەر ژ سەرانسەری عیراقێ کر، و گرنگیا کۆنفرانسێن وەها د کویرکرنا گرێدانێن ئەکادیمی دناڤبەرا هەڤپیشەیان دا د بیاڤێن تایبەت دا دیارکر. وی هەروەسا داخواز ژ پسپۆرێن ڤێتەرنەری کر کو ئێک بگرن بۆ چارەسەرکرنا ئاستەنگان د ڤی بیاڤێ هەستیار دا.

د. محەمەد شوکری شوکور، راگرێ کۆلیژا ڤێتێرنەری و سەرۆکێ کۆنفرانسی: گۆت کو ئارمانجا ڤێ بۆنەیێ ئااسانکرنا زانینێیە دناڤبەرا زانایان، قوتابیان و ڤەکۆلەران دا. وی جەخت کر کو كۆنفرانسێن داهاتی دێ پتر کۆلیژان ژ وەلاتی ب خۆ ڤە گرن.

خانم زۆزان علی صالح، ئەنداما پەرلەمانا عیراقێ: وێ ب ناڤێ لیژنا عیراقی یا چاندنی، ئاڤ و مارشان بخێرهاتنا ڤێ دەستپێشخەریێ کر و رۆلێ ڤێتێرنەری د پێشڤەبرنا ساخلەمیا گشتی و باشبوونێ دا دیارکر.

د. عومەر کوتوبی، رێڤەبەرێ جێبەجێکار، VILLAGE VET LLC، ئیماراتێن عەرەبی یێن یەکگرتی: دیتنەکا بەرفرەهـ ل سەر نەساخیێن رژێنا دەرەقی د گیانەوەرێن هاڤێل دا پێشکێشکر، ب فۆکوسەکێ ل سەر هایپەرتایرۆیدیزم د پشیکان دا و هایپۆتایرۆیدیزم د سەهان دا—دوو ژ بەربەلاڤترین نەساخیێن ئەندۆکراین کو کارتێکرنێ ل سەر پشیکێن بتەمەن و سەهێن ناڤتەمەن ب رێکێ دکەن.

پێشکێشکرنەکا کەلتووری ل دویڤ هات، کو پیرۆزکرنا کەلەپوورێ دەولەمەند یێ هەرێما کوردستانێ دکر، و تۆنەکێ یەکگرتن و شانازی د پێشڤەچوونا ئەکادیمی دا دانا.

پشكداریا جۆراوجۆر و ناڤەرۆکا زانستی یا دەولەمەند

کۆنفرانسی بخێرهاتنا نوینەرێن ١٤ کۆلیژێن ڤێتەرنەری یێن سەرانسەری عیراقێ کر، ژوان:

• زانکۆیا بەغدا
• زانکۆیا بەسرا
• زانکۆیا فەللوجە
• زانکۆیا دیالا
• زانکۆیا تکریت
• زانکۆیا کەربەلا
• زانکۆیا کوفە
• زانکۆیا واسط
• زانکۆیا میسان
• زانکۆیا سامەڕا
• زانکۆیا ئەنبار
• دگەل ٥ زانکۆیێن رێکخەر

زێدەتری ١٠٠ بەلگەیێن زانستی هاتبوونە پێشکێشکرن، کو ٧٠ ژوان ژلایێ هەڤالان ڤە هاتنە پشکنین و وەرگرتن بۆ پێشکێشکرنێ. روینیشتن ل سەر سێ هۆلێن پاراللێل هاتنە دابەشکرن، کو چەندین بیاڤێن بەرفرەهـ ب خۆ ڤە گرتن:

بابەتێن روینشتنان ئەڤە بوون:

• پزیشكیا ڤێتەرنەری
• نەشتەرگەری
• نەخۆشیناسی
• پەراسیتۆلۆژی
• مایکرۆبایۆلۆژی
• فارماکۆلۆژی و توکسیکۆلۆژی
• ساخلەمیا گشتی (زانستێن بنگەهین)

هەر روینشتنەكێ دیتنێن گشتی ل سەر ٥-٦ ڤەکۆلینان ژ زانکۆیێن پشكدار گەنگەشێن کویر ب سەرپەرشتیا رێڤەبەران ژ زانکۆیێن جودا، و پشكێن پرسیار و بەرسڤان ب خۆ ڤە گرتنکو گەنگەشا ئەکادیمی یا د ناڤبەرا دامەزراوەیان دا هان ددا.

هەڤکاریا زانستی و هەڤڕێزبوونا ستراتیجی

د ماوێ کۆنفرانسی دا، ڤەکۆلەران ڤەکۆلینێن گرێدای ب نەخوەشیێن زوونۆتیک، تەشخیسێن نوی یێن ڤێتەرنەری، رێبازێن ساخلەمیا ئێک، و خۆشگوزەرانیا ئاژەلان پێشکێشکرن—بابەتێن گرنگ بۆ ژێرخانا ساخلەمیا گشتی و ئەمنیەتا خوارنێ یا عیراقێ.

ئەڤ دەستپێشخەریە راستەوخۆ دگەل دیتنا ستراتیجی یا زانکۆیا دهۆک ٢٠٢٣–٢٠٣٨ دگونجیت، کو جەخت ل سەر ڤان خالان دکەت:

• هاندانا ڤەکۆلین و داهێنانێ د زانستێن ساخلەمی و ڤێتەرنەری دا
• ئاڤاکرنا تۆڕێن ئەکادیمی یێن نیشتیمانی و هەڤکاریا دامەزراوەیی
• میڤانداریکرنا بۆنەیێن زانستی یێن ب ستاندەرێن نێڤدەولەتی ل دهۆکێ
• هاندانا بەشداریا قوتابیان و بەشداریکرنا ڤەکۆلینێن دەرچوویان

ئاهەنگا دۆیماهیئینانێ و دیتنا داهاتی

ئاهەنگا دۆیماهیێ رێز ل پشكداریێن راگرێن پشكدار، ئەندامێن لیژنان، سپۆنسەران، و پشتەڤانێن ئەکادیمی گرت ب پێشکێشکرنا سیپەرێن بیرئینانێ. وێنەیەکێ کۆمی یێ دویماهیێ گیانێ هەڤکاری و دەستکەڤتنێ ژڤاند.

د پەیڤا خۆ یا دویماهیێ دا، د. محەمەد شوکری شوکور ب فەرمی راگەهاند کو دووەمین کۆنفرانس دێ ژل ایێ زانکۆیا سلێمانیێ ڤە ل سالا ٢٠٢٦ـێ هێتە میڤانداریکرن، کو سروشتێ زڤڕینی یێ ڤێ پلاتفۆرما ئەکادیمی یا نیشتیمانی و پابەندبوونا بەردەوام ب هەڤپشکیێ د ناڤبەرا کۆلیژێن ڤێتەرنەری یێن عیراقێ دا دووپات دکر.

گرنگترین وێنان ببنیە

پەیڤێن سەرەکی 

• کۆنفرانسێ ڤێتێرنەری یێ زانکۆیا دهۆک
• ڤەکۆلینێن زانستی 
• هەڤکاریا ئەکادیمی د ڤێتوێرنەری دا
• خواندنا بلند یا ڤێتێرنەری ل عیراقێ
• پلانا ستراتیجی و بۆنەیێن زانستی یێن زانکۆیا دهۆک

راگەهاندنا زانکۆیا دهۆک | ١٠ـی نیسانا ٢٠٢٥ـێ