زانکۆیا دهۆك، ٢ـی تەباخێ، ٢٠٢٦ | نڤیسینگەها راگەهاندنا زانکۆێێ | – زانکۆیا دهۆك ڕێورەسمەکا ئەکادیمی یا تایبەت بۆ ڕێزلێنان و بەخشینا باوەرنامێن دەستخۆشی ل ئەندامێن تیما کۆلێژا یاسا ئەنجامدا، پشتی دەستکەلإتا وان یا بەرچالإ ل خولا ١٣ـێ یا بەریكانا جیهانی یا دادگەها گریمانەیی یا دادگەها تاوانێن نالإدەولەتی (IBA ICC Moot Court Competition).

ڕێورەسم ب ئامادەبوونا د. داود سلێمان ئەتروشی، سەرۆکێ زانکۆیا دهۆك، د. ئەڤین خالد عەبدولڕەحمان، راگرا کۆلێژا یاسا، و ژمارەکا دیار ژ کەسایەتیێن یاسایی و کارگێڕی هاتە ئەنجامدان، ژ وان ژی د. ئەحمەد سەفار، ئەندامێ خۆلا بەرێ یێ پەرلەمانێ عیراقێ و راگرێ بەرێ یێ کۆلێژا یاسا، د. وەعد سلێمان، ڕاوێژکارێ پەرلەمانێ کوردستانێ، حاکم محەمەد ئەمین، سەرۆکێ دادگەها تێهەڵچوونا دهۆکێ، و د. هەڤال سدیق ئیسماعیل، ڕێڤەبەرێ گشتی یێ وەبەرهێنانێ.

د دەستپێکا ڕێورەسمێ دا، د. ئەڤین خالد عەبدولڕەحمان پەیڤا خۆ پێشکێش کر و تێدا ڕۆلێ بەرچاڤ یێ قوتابی و مامۆستایێن پشكدار د ڤێ بەریكانا جیهانی دا بلند هەڵسەنگاند، هەروەها دەستخۆشی ل وان کر بۆ زیرەکی، مۆڕال و پێشکەڤتنا وان، و سوپاسیا پشتەڤانیا بەردەوام یا سەرۆکێ زانکۆیێ کر.

پاشی، د. داود سلێمان ئەتروشی دەستخۆشی ل ئەندامێن تیمێ کر و ئاماژە ب وێ کر کو شیانێن قوتابیان د هەڤڕکیێن ناڤدەولەتی ب زمانێ بیانی دا، نیشانەیەکا ئاشکرا یا ئاستێ بەرز یێ پەروەردە و ژێهاتیبوونا زانستی ل زانکۆیا دهۆکە.

لە دویڤ دا، د. ئاری عارف عومەر، مامۆستایێ یاسا و ڕێڤەبەرێ کلینیکا یاسایی، باس ل هەمی قۆناغێن ئامادەکاریا تیمێ و بەرهەڤکرنا قوتابیان کر. پاشان، باوەرنامێن ڕێزلێنان و دەستخۆشی ل ئەندامێن تیمێ، هشیار جانگیر عەبدولعەزیز، شاناز شەعبان محەمەد، و عەممار جاسم محەمەد، دگەل سەرپەرشتێن وان هاتنە بەخشین.

بەریكانا IBA ICC Moot Court Competition ژ سالا ٢٠٠٤ ڤە هەردەم دهێتە ئەنجامدان و ب هەماهەنگیا سەندیکا پارێزەرێن جیهانی (IBA)، ناڤەندا Grotius بۆ ڤەکۆلینێن یاسایی یێن ناڤدەولەتی ل زانکۆیا Leiden، و ب پشتەڤانیا دادگەها تاوانێن ناڤدەولەتی (ICC) دهێتە ڕێڤەبرن. خۆلا سێزدەهەم ژ ١٢ تا ١٩ـی خزیڕانا ٢٠٢٦ ل باژێرێ لاهای، هۆلەندا هاتە ئەنجامدان و زانکۆیا دهۆك تێدا نوێنەرایەتیا زانکۆیێ و عیراقێ کر.

ل هەڤڕکیێن دگەل تیمێن زانکۆیێن ب ناڤودەنگ ژ سەرانسەری جیهانێ، تیما زانکۆیا دهۆك د قۆناغێن دەستپێکێ دا نمرەیا ٧٨٪ بدەستڤەئینا، کو ئاستێ بەرز یێ ئامادەکاری و ژێهاتیبوونا وان نیشان ددا.

هەروەها، یاداشتێن نڤیسکی یێن تیمێ هەڵسەنگاندنێن گەلەك ئەرێنی ژ لایێ لیژنەیێن دادوەری یێن ناڤدەولەتی ڤە وەرگرتن. یاداشتا بەڕەڤانیێ نمرەیا ٩٨٪ و هەڵسەنگاندنا "نایاب" (Excellent)، یاداشتا حکومەتێ نمرەیا ٧١.٣٨٪ و یاداشتا داواکاریا گشتی نمرەیا ٧٥.١٪ بدەستڤەئینان، و هەردوو هەڵسەنگاندنا "باش" (Good) وەرگرتن.

د پێشکێشکرنا زارەکی دا ژی، تیما زانکۆیا دهۆك نمرەیا ٦٧.٥١٪ د ڕۆلێ حکومەتێ دا، ٧٢.٣٨٪ د ڕۆلێ داواکاریا گشتی دا، و ٦٥.١٪ د ڕۆلێ پاراستنێ دا بدەستڤەئینا، هەروەها بەڕەڤانیێ بلندترین هەڵسەنگاندن د ناڤ هەر سێ قۆناغان دا وەرگرت.

شاندێ زانکۆیا دهۆك پێکهاتبوو ژ د. ئەڤین خالد عەبدولڕەحمان، راگرا کۆلێژا یاسا، و د. ئاری عارف عەبدولعەزیز، ڕێڤەبەرێ کلینیکا یاسایی، کو سەرپەرشتی و ڕاهێنانا قوتابیان دکر، دگەل قوتابیێن پشكدار.

ئەڤ دەستکەڤتە دووبارە پشتڕاست دکەت کو زانکۆیا دهۆك بەرەڤپێش دچیت ل جێبەجێکرنا ئارمانجێن پلانا ستراتیژی (٢٠٢٣–٢٠٣٨)، ب تایبەتی د پێشخستنا ناڤدەولەتیكرنێ، ژێهاتیبوونا قوتابیان، فێربوونا ب سەربۆڕ، و پشكداریا ئەکادیمی یا جیهانی دا.

ڤێرە كلیك بكە بۆ دیتنا وێنەیان

نڤیسینگەها راگەهاندنا زانكۆیێ، ٢ـی تەباخێ، ٢٠٢٦
رۆندك فازل عادل
وێنە: محەمەد ع. تاهر