دەستپێكرنەكا دیرۆکی ل زانکویا دهۆک
زانكۆیا دهۆک، ٩ـی ئیلۆنا ٢٠٢٥ـێ، نڤیسینگەها راگەهاندنا زانکویێ (UNPO) — زانکویا دهۆک (UOD) ب شانازیێ ڤە بارەگایێ نوی یێ كوژیێ ئەمریکی ڤەکر د رێورەسمەکێ دا کو بەڕێز خانم وێندی گرین، کونسولا گشتی یا ویلایەتێن ئێكگرتی یێن ئەمریکا ل هەولێرێ، و د. داود سلێمان ئەتروشی، سەرۆکێ زانکویا دهۆک، لگەل کاربدەستێن ئەکادیمی و کارگێڕی ئامادەبوون. ئەڤ چالاکیە گرنگیپێدانا زانکویا دهۆک ب ناڤدەولەتیکرن، دیپلۆماسیەتا كەلتووری، و شیاندنا قوتابیان نیشان ددەت.

مێهڤانێن هێژا و پێشوازیەکا گەرم
بەریا رێورەسمی، سەرۆک ئەتروشی دگەل کونسولا گشتی خانم گرین و شاندێ دگەل دا کۆمبوو بۆ گەنگەشەکرنا بهێزکرنا هەڤکاریێ. د. ئەتروشی پەسنا رۆلێ ئەمریکا كر د پشتەڤانیکرنا پێشکەڤتنا زانکویا دهۆک دا، و ژ لایێ خۆ ڤە خانم گرین، د سەرەدانا خۆ یا ئێکێ دا بۆ دهۆکێ، ستایشا کارێ یێ وێنە یێ كوژیێن ئەمریکی کر. هەر د كۆمبوونێ دا، د. نەزار ئەمین محەمەد، رێڤەبەرێ پەیوەندیێن ناڤدەولەتی، و د. زیرەک یوسف حەسەن، رێڤەبەرێ كوژیێ ئەمریکی ئامادەبوون.

برینا شریتێ و دەستپێکەکا هێمایی
بەرپرس بەرەڤ دەرگەهێ كوژیێ ئەمریکی ڤە چوون بۆ رێورەسمێ فەرمی یێ برینا شریتێ، کو نیشانا دەستپێکرنا قۆناغەکا نوی د پەیوەندیێن ناڤدەولەتی یێن زانکویا دهۆک دا بوو. پێشکێشکرنا سرودا نیشتمانی ب زمانێ هێمایی ژ لایێ قوتابیێن خۆدان پێدڤیێن تایبەت ڤە هەستەکێ بخۆڤەگرتنێ دایە رێورەسمی.

گۆتارێن ئیلهتمبەخش و دەستکەڤت
دناڤ دامەزراوا نوی دا، د. زیرەک حەسەن کورتیەک دەربارەی كوژیی پێشکێش کر، و ئەو وەک "پرا پەیوەندیێ دناڤبەرا كەلتووران دا" وەسف کر و ئاماژە دا کو د سالا بۆری دا پتر ژ ٤٠ چالاکی رێکخستینە کو گەهشتینە ٢٨٥٠ پشکداران.
د. ئەتروشی بخێرهاتنا کونسولا گشتی کر، و بارەگایێ نوی وەک "دەستپێکا قۆناغەکا نوی د فێرکرن، ئالوگۆڕا كەلتووری و هەڤپشکیێ دا" بناڤکر. وی سوپاسیا بالیۆزخانەیا ئەمریکا ل بەغدا، کونسولخانەیا ئەمریکا ل هەولێرێ، و هەڤکاران کر، دناڤ وان دا بەڕێز هاوبیر حەمە عەلی بۆ چاڤدێریا دارایی و بەڕێز رێڤینگ مزوری بۆ پشتەڤانیا فێرکرنێ.
کونسولا گشتی خانم گرین ستایشا سەرکردایەتیا زانکویا دهۆک کر و پابەندبوونا ئەمریکا ب بەرفرەهکرنا پەیوەندیێن فێرکرنێ و كەلتووری دوپاتکر. وێ تەکەز کر کو كوژی"ئێک ژ چالاکترینێن دەڤەرێ یە" و رۆلەکێ گرنگ د شیاندنا گەنجان و بهێزکرنا دیالۆگێ دا دگێڕیت: "گەنج سەرکردێن مەنە، و پاشەرۆژ د دەستێ وان دایە."

وێنەیێ بکۆم و ئاراستەیا ستراتیژی
رێورەسم ب گرتنا وێنەیەکێ بکۆم ل هۆلا كوژیێ ئەمریكی ب دوماهی هات، کو گیانێ هەڤکاریێ نیشان ددا. پاشی کونسولا گشتی بەرەڤ مێهڤانخانەیا پارێزگەهێ ڤە چوو.
ڤەکرنا بارەگایی ل گەل دیدا ستراتیژی یا زانکویا دهۆک دگونجیت ب رێیا:

• بەرفرەهکرنا هەڤپشکیێن ناڤدەولەتی د فێرکرنا بلند دا.
• شیاندنا قوتابیان ب رێیا زانینا جیهانی و ئەزموونێن كەلتووری.
• پشکداریکرنا چەندین پسپۆریێن جودا دناڤ دا پەیوەندیێن ازمانێ ئنگلیزی، خواندنێن كەلتووری، و راگەهاندنێ.
• بهێزکرنا رۆلێ زانکویا دهۆک وەک سەرکردەکێ هەرێمی د دیپلۆماسیەتا رەوشەنبیری دا.

ڤێرە كلیك بكە بۆ دیتنا روماڵا میدیایی یا ڤێ چالاکیێ

نڤیسینگەها راگەهاندنا زانکویێ، ٩ـی ئیلۆنا ٢٠٢٥ـێ
راپۆرت ژ لایێ: عصمەت مەحمود محەمەد، فاطمە محمود علی
وێنەگرتن ژلایێ: محەمەد عەبدولكەریم تاهر، هەرمان جەنگیر ئەحمەد

پەیڤێن سەرەكی:

• بارەگایێ كوژیێ ئەمریکی
• ناڤدەولەتیکرنا زانکویا دهۆک
• سەرەدانا کونسولا گشتی یا ئەمریکا بۆ زانکویا دهۆک
• پرۆگرامێن ئالوگۆڕا كەلتووری ل زانکویا دهۆک
• كەلتوورێ بخۆڤەگرتنێ – پێشکێشکرنا خۆدان پێدڤیێن تایبەت