زانکۆیا دهۆک – ٧ـی تەباخا ٢٠٢٥ | نڤیسینگەها ڕاگەهاندنا زانکۆیێ | وەک پشکەک ژ دیدگەها خۆ یا ستراتیژی بۆ بهێزکرنا پەروەردا ساخلەمیا دەروونی، سەرۆکایەتیا زانکۆیا دهۆک (UOD) سەرەدانا جهێ نوی یێ پەیمانگەها چارەسەریا دەروونی و چارەسەریا تراومایێ (IPP) کر، کو نەها ل ئاڤاهیێ بەرێ یێ کۆلیژا هونەرێن جوان دهێتە نویژەنکرن.

سەرۆکێ زانکۆیێ، د. داود سلێمان ئەتروشی، و هاریکارێ سەرۆکی بۆ کاروبارێن کارگێڕی و دارایی، د. دلشاد عەبدولجەبار حەلیم، گەریانەک د ناڤ ئاڤاهی دا کرن، کو دێ هەردوو پرۆگرامێن ئەکادیمی یێن پەیمانگەهێ و سەننتەرەکێ تایبەتمەند یێ چارەسەریا ئالودەبوونێ بخۆڤەگریت. دهێتە چاڤەڕێکرن نویژەنکرن تا دوماهیا مەها تەباخێ ب دوماهی بهێت.

بەرفرەهکرنا خواندنا بلند یا ناڤدەولەتی د ساخلەمیا دەروونی دا

ئاڤاهیێ نوی یێ ٥٠٠ مەترێن چوارگۆشە دهێتە گونجاندن دا کو باشتر خزمه‌تا پێدڤیێن قوتابیێن خواندنا بلند د چارەسەریا دەروونی دا بکەت، ئەوێن د پرۆگرامێ ماستەرێ د چارەسەریا دەروونی دا پشکدار، کو پرۆگرامەکێ باوەرناما دوانی یا ناڤدارە و ب هەڤپشکی دناڤبەرا زانکۆیا دهۆک و زانکۆیا بادن-ڤورتمبرگ (ئەلمانیا) دهێتە برێڤەبرن.

قاتێ ئێکێ یێ ئاڤاهی دێ هۆلێن خواندنێ یێن مۆدێرن، جهێن ڕاهێنانێ، و نڤیسینگەهێن مامۆستایان بخۆڤەگریت، دەمێ قاتێ دووێ دێ بیتە سەنتەرێ چارەسەریا ئالودەبوونێ، کو یێ ئێکێ یە ژ جۆرێ خۆ د ناڤ زانکۆیا دهۆک و كوردستنانێ دا. سەنتەر هاتیە دیزاینکرن دا کو خزمەتا خەلکی بکەت ب ڕێکێن چارەسەریێ یێن ل سەر بنەمایێ بەلگەیان، د هەمان دەم دا ئەزموونا کلینیکی یا کرداری بۆ قوتابیان دابین بکەت.

پەیڤێن سەرکردایەتیێ و پێگیریا دامەزراوەیی

د. داود ئەتروشی ستایشا هەولێن ڕێڤەبەرییا ئەندازە و پرۆژان کر، ب سەرپەرشتیا بەرێز ئەندازیار حاجی ئیسماعیل ئەحمەد، کو سەرپەرشتیا نویژەنکرنێ ل سەر بنەمایێن ستانداردێن بلند یێن تەلارسازی و تەکنیکی دکەت. وی ڕۆلێ ڕێڤەبەریێ د بجهئینانا ئارمانجێن درێژخایەن یێن گەشەپێدانا ژێرخانا زانکۆیێ دا بلند نرخاند.

د دەمێ گەریانێ دا، د. دلشاد حەلیم تەکەز ل سەر گرنگیدانا زانکۆیێ کر ب دروستکرنا ژینگەهێن پەروەردەیی کو پشتەڤانیا هەردوو ئاستێن ئەکادیمی و خۆشگوزەرانیا قوتابیان دکەن. وی ئاڤاهیێ نوی وەسف کر وەک "پێشڤەچوونەکا گرنگ د ژیانا قوتابیان و ژێرخانا فێربوونێ دا."

د. بەهار سلێمان عیسا، هاریکارا ڕاگرێ پەیمانگەها IPP، بەهایێ ڤی جهی د پشتەڤانیکرنا ئارمانجێن پەروەردەیی و چارەسەری یێن پەیمانگەهێ دا دووپات کر. وێ گۆت، "ئەڤ پێشڤەچوونە دێ کارتێکرنەکا ئەرێنی ل سەر پەروەردا ئەکادیمی یا قوتابیێن مە هەبیت و پشتەڤانیا ڕۆلێ مە یێ زێدەبوویی د خزمەتگوزاریێن ساخلەمیا دەروونی یا هەرێمی دا کەت."

قۆناغا بهێت یا IPP: وەرگرتنا قوتابیان بۆ سالا خواندنێ ٢٠٢٥–٢٠٢٦

پەیمانگەها IPP دێ ٣٠ قوتابیێن خواندنا بلند بۆ سالا خواندنێ ٢٠٢٥-٢٠٢٦ وەرگریت. تاقیکرن و چاڤپێکەڤتنێن وەرگرتنێ دێ ل ڕێکەفتی ٢٠ـی تەباخێ هێنە کرن، ب هەماهەنگی دگەل ستافێ ئەکادیمی و حکومەتا ئەلمانیا. پەیمانگەهـ خودان پرۆگرامەکێ باوەرناما دوانی یە دناڤبەرا زانکۆیا دهۆک، زانکویا بادن-ڤورتمبرگ یا هەڤکار (DHBW)، زانکویا توبینگن، و پرۆژێ TCultHS. ئەڤە قوناغەکا دی یا گرنگە د هەڤکاریا ئەکادیمی یا ناڤدەولەتی یا زانکۆیا دهۆک و پشتەڤانیا وێ بۆ ڕاهێنانا دەرووناسیا كرداری و چارەسەریا دەروونی دا.

دگەل دیدگەها ستراتیژی یا زانکۆیا دهۆک

ڤەگوهاستن و بەرفرەهکرنا IPP ڕاستەوخۆ پشکداریێ د پلانا ستراتیژی یا زانکۆیا دهۆک دا دکەت، کو تەکەزێ ل سەر ڤان خالان دکەت:

• هەڤپشکیێن ناڤدەولەتی د خواندنا بلند دا
• دەستپێشخەریێن ساخلەمیا دەروونی و خۆشگوزەرانیا جڤاکی
• ئاڤاکرنا شیانان د پرۆگرامێن خواندنا بلند دا

ئەڤ هەولەدانە زانکۆیا دهۆک وەک سەرکردەیەکێ هەرێمی د پەروەردا ساخلەمی یا د ناڤبەرا بواران دا، داهێنان، و فێرکرنا ل سەر بنەمایێ قوتابیان دا ددەنە نیاسین.

ڤێره کلیک بکە بۆ دیتنا وێنەیێن سەرەدانێ

ل ڤێرە کلیک بکە بۆ پێزانینین زێدەتر دەربارەی پرۆگرامێ IPP ل زانکۆیا دهۆک

نڤیسینگەها ڕاگەهاندنا زانکۆیێ، ٧ـی تەباخا ٢٠٢٥

ڕاپۆرت ژ لایێ: فاطمە محمود علی
وێنەگرتن ژ لایێ: هەرمان جانگیر ئەحمەد

پەیڤێن سەرەکی:

• پەیمانگەها IPP ل زانکۆیا دهۆک
• پەروەردا ساخلەمیا دەروونی ل عیراقێ
• باوەرناما دوانی د چارەسەریا دەروونی دا
• سەنتەرێ چارەسەرییا ئالودەبوونێ ل کوردستانێ
• پلانا ستراتیژی یا زانکۆیا دهۆک