زانكۆیا دهۆك، ٥ـی شواتا ٢٠٢٦ـێ، نڤسینگەها راگەهاندنا زانکۆیێ | ب مەرەما زیندی راگرتنا کۆمکوژیا ئاشووریان و ڤەکۆلینا ریشەیی یا ڤێ تاوانێ، ئەڤرۆ، رێکەڤتی ٤ـی شوباتێ، ٢٠٢٦، سەنتەرێ بێشکچی یێ ڤەکۆلینێن مرۆڤایەتی ب هەڤکاری دگەل سەنتەرێ جینۆسایدێ ل زانکۆیا دهۆک، دیدارەکا زانستی یا گرنگ ل دۆر ""کۆمکوژیا ئاشووریان (ئاسووریان) یا سالا ١٩٣٣ ل سێمێلێ: شرۆڤەکرنەکا زانستی و گشتگیر" ل سەنتەرێ کۆنفرانسان یێ زانکۆیێ گێڕا.

ئەڤێ دیدارإ، کو ب ئامادەبوونا هژمارەکا بەرچاڤا نڤیسکار، رەوشەنبیر، مامۆستایێن زانکۆیێ، و کەسایەتیێن تایبەتمەند د بیاڤێ دیرۆک و جینۆسایدێ دا هاتبوو گێڕان، ب پەیڤا بخێرهاتنێ ژ لایێ د. سەلاح محەمەد سەلیم، رێڤەبەرێ سەنتەرێ بێشکچی ڤە دەستپێکر. د پەیڤا خۆ دا، ناڤبری ئاماژە دا گرنگیا ڤەکۆلینا ئەکادیمی یا ڤان رویدانێن دیرۆکی، نە بتنێ بۆ زیندی راگرتنا بیرەوەریان، بەلکو بۆ تێگەهشتنا ریشەیێن کێشەیان و مفا وەرگرتنێ ژ وان بۆ پاشەرۆژێ.

د پشکێن دی یێن دیدارێ دا، سێ پانێلیستێن بسپۆر، هەر ئێک ژ گۆشەنێرینەکا زانستی، تیشک ئێخستە سەر رەهەندێن جودا یێن ڤێ تاوانێ:

• د. محەمەد سالح زێباری، د بابەتێ خۆ دا ل دۆر "رەهەندێن دیرۆکی د کۆمکوژیا ئاشووریان دا" راوەستیا و ب شێوەیەکێ هویر باس ل وان ئەگەر و رویدانێن سیاسی کر یێن کو بووینە ئەگەرێ ڤێ کارەساتێ، ودیارکر کۆ جینوسایدا ئاشووریان ئێکەم جینوسایدبوو ل سەرانسەری عیراقێ بوو.
• د. سیپەل سالم محەمەد ئەمین، د ڤەکۆلینا خۆ دا ل دۆر "کۆمکوژیا ئاشووریان ١٩٣٣ د رۆژنامەڤانیا بریتانی دا"، رۆل و کاریگەریا میدیایا جیهانی د وێ قۆناغێ دا و چاوانییا روومالکرنا رویدانان شرۆڤە کر.دیارکر کا چەوا هەڤپەیمانا خۆ یا ئاشوری بجهدهێلیت و سوزێن خۆ دگەل دشکێنیت و دیاردکەت کۆ بۆ بەرژەوەندیێن خۆ بکارئینابوو و هەروەسا د روژنامێ دا باسێ وێ چەندێ کریە کا پرسگرێکێن ئاشووریان چەند مەزن بوون پشتی کۆ ئاشوری هاتینە ڤەگوهاستن بۆ عراقێ دکەمپاندان دا هاتینە ئاکنجی کرن و ئەڤەژی ببو بارگرانیەکا ئابوری ل سەر عراقێ پاشی هاتنە ڤەگوهاستن بۆ گوندو باژێران ل عراقێ کۆ هندەک دەڤەرێن کوردستانێ هەروەسا بەحسێ کوشتارا ئاشووریان دهێتە کرن د روژنامێن بریتانی دا کۆ نێزیکی ٦٠٠ ئاشووری ل ئەڤان کوشتارا ندا هاتنە کوشتن کۆ ٣٠٠ کەسێن ئاشوری ل کوشتارا سێمێلێ بوو.
• م. لۆرانس نادر مخو، د بابەتێ خۆ دا کو تایبەت بوو ب "هەلویستێ کوردان ل هەمبەر کۆمکوژیا ئاشووریان ١٩٣٣"، باس ل رەوشا جڤاکی و پەیوەندیێن د ناڤبەرا کورد و ئاشووریان دا د وێ قۆناغا هەستیار دا کر،

ئەڤ دیدارە بوو دەلیڤەیەک بۆ دانوستاندنەکا زانستی یا ڤەکری د ناڤبەرا پانێلیست و ئامادەبوویان دا، کو تێدا گەلەک پرسیار و تێبینیێن گرنگ هاتنە ئاراستەکرن.

ل دوماهیێ ژی پەرتوکا (الکتاب الأزرق) ئەوا کۆ ژ لایێ حکومەتا عراقێ ڤە سەبارەت ب یاخیبوونا ڤێ دوماهێی ئاشووریان دایە دیارکرن کۆ ئەڤ پەرتوکە ژ لایێ د.صلاح محمد سلیم محمود یا هاتیە ئامادەکرن و پێشکێش کرن ل سەر ئامادەبوویان هاتە دابەشکرن.

ئەڤ چالاکیا ئەکادیمی دگەل پلانا ستراتیژیک یا زانکۆیا دهۆک (٢٠٢٣-٢٠٣٨) هەڤتەریبە، ب تایبەتی د وارێ پێگیریا وێ ب ب هێزکرنا ڤەکۆلینان د زانستێن مرۆڤایەتی و جڤاکی دا، هاندانا ڤەکۆلینێن دیروکی یێن رەخنەیی، پاراستنا بیرا کەلتووری، و پێشئێخستنا هەڤگرتنا جڤاکی و پێکڤەژیانا ئاشتیانە ب رێیا گوتارا ئەکادیمی یا پشت بەستێ ب بەلگەنامەیان.

ڤێرە کلیک بکە بۆ دیتنا وێنەیان

نڤیسینگەها راگەهاندنا زانکۆیا دهۆکێ – ٥ـی شواتا ٢٠٢٦
راپۆرت: رندک فازل عادل
وێنە: محەمەد عەبدولکەریم تاهر

پەیڤێن سەرەکی:

• جینۆسایدا ئاشووریان ١٩٣٣
• زانکۆیا دهۆک
• لێکۆلینێن جینۆسایدێ
• سەنتەرێ بێشکچی بۆ ڤەکۆلینێن مرۆڤایەتی
• بیرا دیروکی و پێکڤەژیان