هەنگاریا، چریا ئێكێ ٢٠٢٦ | نڤیسینگەها راگەهاندنا زانکۆیێ (UNPO) — د. نەسرین محەمەد عەبدوللا، مامۆستا ل کۆلیژا پەروەردا بنیات ل زانکۆیا دهۆك، پشکداری د بیستەمین کۆنفرانسێ پاسکال (PASCAL ) یێ ناڤدەولەتی یێ باژێڕێن فێربوونێ کر ل ژێر ناڤونیشانێ: "گەشەکرنا ژینگەهێن باژێڕێن فێربوونێ بۆ ئابوورێن بازنەیی یێن داهێنەر"، کو ل زانکۆیا پێچ (Pécs) ل وەلاتێ هەنگاریا ل رۆژێن ٢٤ و ٢٥ـی ئیلۆنا ٢٠٢٦ بڕێڤەچوو.

د. نەسرین پشکداری د ڤی کۆنفرانسێ ناڤدەولەتی دا كر ب ڤەکۆلینا خۆ ل ژێر ناڤونیشانێ "فێربوونا نەفەرمی ب یارمەتییا زیرەکیا دەستکرد ل دەف گەنجێن دهۆکێ: دەرفەت و ئاڵەنگارییێن پەرەپێدانا کارامەییان " کر. ئەڤ پشكداریە بۆ وێ ئەزموونەکا زۆر ب نرخ بوو، کو هەول دا زانکۆیا دهۆك و باژێرێ دهۆكێ ل سەکۆیەکا ناڤدەولەتی نوێنەرایەتی بکەت ل گەل ڤەکۆلەر و پسپۆرێن ژ وەلاتێن جۆراوجۆر و زانیاری و ئەزموونێن خۆ ئالوگۆر بكەت.

خالا هەرە بەرچاڤ یا پشکداریا وێ ئەڤە بوو کو ب شانازی و خۆشحالی ڤە، ڤەکۆلینا وێ وەك ئێك ژ چوار باشترین ڤەکۆلینان ل سەر ئاستێ ئەڤی کۆنفرانسی هاتە هەلبژارتن.

ئەڤە ژی بهایەکێ تایبەت دا پشكداریا وێ و دەرفەتەکا باش بوو بۆ پێشکێشکرنا کارێ وێ ل بەردەم ڤەکۆلەران و ئەکادیمیێن ژ وەلاتێن جۆراوجۆر، و تیشك ئێخستە سەر کوالێتی و گرنگیا وان ڤەکۆلینێن ل زانکۆیا دهۆك دهێنە ئەنجامدان.

ئەڤ پشکداریە پابەندبوونا زانکۆیا دهۆك ب پێشەنگبوونا ئەکادیمی، گەشەپێدانا ڤەکۆلینان، پەیوەندیێن ناڤدەولەتی و ئالۆگۆڕکرنا زانیاریان نیشان ددەت، د هەمان دەم دا دەلیڤەیان ددەتە ئەکادیمیێن خۆ بۆ پشکداریکردن د گفتوگۆیێن زانستی یێن ناڤدەولەتی دا و نیشاندانا ڤەکۆلینێن زانکۆیێ ل سەر ئاستێ جیهانی.

زانکۆیا دهۆك پیرۆزباهیێ ل د. نەسرین محەمەد عەبدوللا دکەت بۆ ڤی دەستکەڤتێ نایاب و هیڤیا بەردەوامیا سەرکەڤتنێ د کاروانێ وێ یێ ئەکادیمی و ڤەکۆلینێ دا بۆ دخوازیت.

ڤێرە کلیك بکە بۆ دیتنا وێنەیان

نڤیسینگەها راگەهاندنا زانکۆیێ، ٤ـی چریا ئێكێ ٢٠٢٦
راپۆرت: فاطمە محمود عەلی