پەكین-چین | ٣ـی ئیلۆنا ٢٠٢٦، نڤیسینگەها ڕاگەهاندنا زانکۆیێ (UNPO) – شیروان سالح رەمەزان، قوتابیێ ماستەرێ ل پشکا رابەریا پەروەردەیی ل کۆلێژا پەروەردا بنیات ل زانکۆیا دهۆك (UOD)، نوینەراتیا زانکۆیێ د سمینارا ناڤدەولەتی یا گەشەپێدانا كەسك یا دۆمدار دا کر، کو ل ٦-١٩ـی تەباخا ٢٠٢٦ـێ ل کۆمارا گەل یا چینێ بڕێڤەچوو.

ئەڤ پرۆگرامێ راهێنانێ یێ ناڤدەولەتی ب رێیا ئەکادیمیا نیشتیمانی یا رێڤەبەریا دارستان و پاوانان ڤە،
د چوارچۆڤێ بزاڤێن جیهانی دا بۆ ڕووبڕووبوونا گۆڕانکاریێن سەقا و ئاڤوهەوای، ئاستەنگێن ژینگەهی، و گەشەپێدانا دۆمدار دا هاتبوو سازکرن، کو پشکدار ژ وەلاتێن جودا جودا کۆم کرن بۆ ئالۆگۆڕکرنا زانین و شارەزاییان ل دۆر گەشەپێدانا کەسک و دۆمدار.

شیروان سالح بەنانی ب شێوەیەکێ فەرمی ژ لایێ حکومەتا هەرێما کوردستانا عیراقێ، رێڤەبەریا ڕێکخراوێن نەحکومی (DNGO) ڤە بۆ پشکداریکرنێ هاتبوو هەلبژارتن. پشکداریا وی دەلیڤەیەك ڕەخساند بۆ تێکەلبوون د دانوستاندنێن ئەکادیمی و پیشەیی دا و وەرگرتنا شارەزاییان ل دۆر شێوازێن برێڤەبرنا ژینگەهی و گەشەپێدانا دۆمدار.

د دەمێ پرۆگرامی دا، قوتابیێ ماستەرێ یێ زانکۆیا دهۆك دەلیڤە هەبوو کو ئەزموون و پراکتیکێن چینێ د گەشەپێدانا دۆمدار و بڕێڤەبرنا ژینگەهی دا بخوینیت و شارەزابیت، دگەل ئالۆگۆڕکرنا دیتنان ل گەل پشکدارێن ناڤدەولەتی و پسپۆرێن بواری. هەروەسا ئەڤ پرۆگرامە وەك پلاتفۆرمەکا گرنگ بۆ پێشخستن و بهێزکرنا پەیوەندیێن ئەکادیمی و پیشەیی یێن ناڤدەولەتی خزمەت کر.

دهێتە چاڤەڕێکرن کو ئەو زانین و شارەزاییا ب ڕێیا ڤی پرۆگرامی هاتیە بدەستڤەئینان، پشکداریێ د پێشئێخستنا ئەکادیمی یا مامۆستا شیروانی دا بکەت و پشتەڤانیێ ل ئالۆگۆڕکرنا زانینێ گرێدایی ب بەردەوامیا ژینگەهی و گەشەپێدانا دۆمدار د ناڤ زانکۆیێ و جڤاکێ بەرفرەهتر دا بکەت.

ئەڤ پشکداریە ڕەنگڤەدانا پابەندبوونا زانکۆیا دهۆکە بۆ هەڤکاریا ئەکادیمی یا ناڤدەولەتی، پێشخستنا شیانێن قوتابیان، و گەشەپێدانا بەردەوام، کو پشتەڤانیێ ل ئاراستەیێ وێ یێ ستراتیژی دکەت بۆ بەرهەڤکرنا دەرچوویێن خودان شیان کو بشێن پشکداریێ د چارەسەرکرنا ئاستەنگێن تازەپێگەهشتی یێن ژینگەهی و گەشەپێدانێ دا ل هەرێما کوردستانێ و دەرڤەی وێ ژی بکەن.

ڤێرە كلیك بكە بۆ دیتنا وێنەیان

نڤیسینگەها ڕاگەهاندنا زانکۆیێ، ٣ـی ئیلۆنا ٢٠٢٦
راپۆرت: فاطمە مەحمود عەلی