زانکۆیا دهۆک، گولانا ٢٠٢٦ | نڤیسینگەها راگەهاندنا زانکۆیێ (UNPO)

ل دویڤ دیدا وێ یا ستراتیژی بۆ پێشئێخستنا هەڤکاریا ئەکادیمی یا ناڤدەولەتی و تێکەلبوونا کەلتۆری، زانکۆیا دهۆک (UOD) ئامادەبوونەکا بەرچاڤ ل یازدەمین فیستەڤالا شانۆیێ یا ناڤدەولەتی یا ئامەدێ هەبوو. ئەڤ فیستەڤالە یا کو ژ لایێ شارەدەریا مەزن یا ئامەدێ ب هەڤکاریا پەیمانگەها جیهانی یا شانۆیێ (ITI) هاتیە رێکخستن، چەندین ڤەکۆلەر، شارەزا و هۆنەرمەندێن دیار ژ سەرانسەری دەڤەرێ و دەرڤە پێكڤە کۆمکرن.

نوینەراتیا ئەکادیمی و ئالوگۆرا زانینێ
وەکو نوینەرێن کۆلیژا هۆنەرێن جوان ل زانکۆیا دهۆک، دکتۆر توخیب ئەحمەد قارۆ و مامۆستا فەخرەدین تاها نەبی ژ پشکا شانۆیێ ب چالاکی وەکو ڤەکۆلەر و پشکدار پشکداریکرن، چالاکیێن وان ئەڤ خالێن ل خوارێ بخۆڤەگرتن:

• پێشکێشکرنا سمینارێن ئەکادیمی ل سەر کارێن شانۆیا هەڤچەرخ.
• رێڤەبرنا وۆرکشۆپێن هەڤپشك دگەل پشكدارێن ناڤدەولەتی.
• پشکداریکرن د دیالۆگا كەلتۆری دا د پەروەردا هۆنەرێن نمایشکرنێ دا.

پشکداریکرنا وان پێگیرییا زانکۆیا دهۆک نیشان ددەت بۆ تێکەلکرنا بوارێن داهێنەرانە د ناڤ تۆرێن ئەکادیمی یێن جیهانی دا، و بهێزکرنا رۆلێ هۆنەری بۆ پێشئێخستنا دیالۆگێ، ناسنامە و داهێنانێ.

گەلەک چالاکی د چارچۆڤێ ڤی فیستەڤالێ دا هاتنە رێکخستن، کو چەندین زانکۆیێن ناڤدەولەتی ژ سەرانسەری جیهانێ پشکداری تێدا کربوو، ژ وان ژی زانکۆیا دهۆک، زانکۆیا بەغدا، زانکۆیا سلێمانیێ، و زانکۆیێن ژ تونس، ئەلمانیا و ئۆکرانیا. هەژی گۆتنێ یە کو ڤەکۆلەر د وارێ شانۆیێ دا و ئێک ژ ئەندامێن سەنتەرێ ڤەکۆلینێن جینۆسایدێ ل زانکۆیا دهۆک، خانم هەیبەت سدقی حاجی، رۆلەکێ سەرەکی هەبوو د رێکخستنا روینشتنێن دانوستاندنێ (گەنگەشەکرنێ) دا د ناڤ ڤان چالاکیان دا. زێدەباری ڤێ چەندێ، ئیحسان عوسمان عەبدوللا، کو کەسایەتیەکێ کوردە ژ دهۆکێ و ئەندامێ دەستەیا سەرەکی یا پەیمانگەها جیهانی یا شانۆیێ (ITI) و لقا ئەلمانی یا پەیمانگەهێ یە، رۆلەکێ تەوەرەی و سەرەکی هەبوو د رێکخستنا گشتی و سەرکەڤتنا ڤی فیستەڤالێ دا."

بهێزکرنا هەڤکاریا سازیێن ناڤدەولەتی
چەندین چالاکیێن فیستەڤالێ ب هەڤکاری دگەل سازیێن هەڤپشک هاتنە رێکخستن، و زانكۆیێن جودا ژ سەرانسەری جیهانێ پشكداریكرن.

دانپێدانانا فەرمی و هەڤکاریا پاشەرۆژێ
شاندێ زانکۆیا دهوک ب فەرمی ژ لایێ سەرا بوجاک (سەرۆکا شارەدەریێ) ڤە پێشوازی لێ هاتە کرن، کو دەستخۆشی ل پشكداریا چالاک یا زانکۆیێ کر.

پێشئێخستنا هۆنەر، کەلتۆر و تێکەلبوونا جیهانی
ئەڤ فیستەڤالە، کو ژ ٢٢ـی نیسانێ تا ٢ـی گولانا ٢٠٢٦برێڤەچوو، وەکو پلاتفۆرمەکا دینامیکی یە بۆ پێشئێخستنا هۆنەرێن شانۆیێ، ئالوگۆرا ئەکادیمی، و لێکتێگەگەهشتنا د ناڤبەرا كەلتۆران دا. پشكداریا زانکۆیا دهۆک تەکەزیێ ل سەر ئارمانجێن وێ یێن بەرفرەهتر دکەت بۆ:

• زێدەکرنا بەرچاڤبوونا ناڤدەولەتی و ناڤودەنگێ ئەکادیمی.
• پشتەڤانیکرنا پیشەسازیێن داهێنەرانە و دیپلۆماسیا كەلتۆری.
• هاندانا پشکداریکرنا قوتابی و فەرمانبەران د پلاتفۆرمێن هۆنەری یێن جیهانی دا.

ب رێیا دەستپێشخەریێن ب ڤی رەنگی، زانکۆیا دهۆک بەردەوامە د جهگیرکرنا خۆ وەکو سازیەکا پێشەنگ کو پێگیرە ب داهێنان، ئالوگۆرا كەلتۆری، و تێکەلبوونا ئەکادیمی یا جیهانی.

کلیک ل ڤێرە بکە بۆ دیتنا وێنەیان
نڤیسینگەها راگەهاندنا زانکۆیێ، ٣ـی گولانا ٢٠٢٦
راپۆرت ژ لایێ: فاطمە محمود عەلی
پێزانین دێ هێنە نوی کرن..

پەیڤێن سەرەکی یێن نوچەی:
پشکداریا ناڤدەولەتی یا زانکۆیا دهۆک، فیستەڤالا شانۆیێ ئامەد ٢٠٢٦، ئالوگۆرا كەلتۆری یا زانکۆیا دهۆک، هەڤکاریا ئەکادیمی د هۆنەرێن نمایشکرنێ دا، هەڤپشکیێن جیهانی یێن زانکۆیێ.