زانکۆیێ سەرەدانا ئێکێ یا هەلسەنگاندنێ د چوارچۆڤێ قۆناغا شایستەیی یا KAAE دا ب دوماهی ئینا

زانکۆیا دهۆك، ٢٩ـی چریا ئێکێ، ٢٠٢٦، نڤیسینگەها راگەهاندنا زانکۆیێ | بۆ ئێکەم جار د مێژوویا خۆ دا، زانکۆیا دهۆك سەرەدانەکا هەلسەنگاندنا دامەزراوەیی ژ لایێ تیما هەلسەنگێنەرێن هاوتا ڤە ب دوماهیك ئینا، د چوارچۆڤێ پرۆسەیا پێداچوونا شایستەیی یا دەستەیا کوردستانێ بۆ متمانەبەخشینا پەروەردەیی و خواندنا بلند (KAAE). ئەڤ سەرەدانا دوو رۆژی، کو د رێکەڤتێن ٢٦–٢٧ـی چریا ئێکێی، ٢٠٢٦ـێ، ب شێوەیێ ئۆنلاین هاتە ئەنجامدان، پێنگاڤەکا مێژوویی یە د پابەندبوونا زانکۆیێ ب جۆری، پێشڤەبرنا دامەزراوەیی و بەرپرسیارەتیا وێ ل بەرامبەر جڤاکی دا.

تیما ناڤدەولەتی یا هەلسەنگاندنێ هەشت کۆمبوونین چڕ دگەل سەرکردایەتیا زانکۆیێ، ستافێ ئەکادیمی و کارگێڕی و نوینەرێن قوتابیان ئەنجام دان. د گەنگەشەیان دا، پەیام و پلانا ستراتیژی یا زانکۆیێ، شێوازێ حوکمرانیێ، بەرنامەیێن ئەکادیمی، سەرچاوە و خزمەتگوزاریێن قوتابیان، ل دویڤ ٢١ پیڤەرێن بنەرەتی یێن شایستەیی یا KAAE، پێداچوون بۆ هاتنە کرن و هاتنە هەلسەنگاندن.

زانکۆ بەردەوام قوتابیێن خۆ هەلدەسەنگینیت. لێ د ئەڤێ دەرفەتێ دا، زانکۆ ب خۆ د بەرامبەر تاقیکرنەکێ دا بوو؛ سەرکردایەتیا وێ، دیتنا وێ یا بۆ پاشەرۆژێ و شیانا وێ د ڤەگوهاستنا پابەندیێن ستراتیژی بۆ کردارەکا دامەزراوەیی یا کاریگەر.

ئەڤێ پێداچوونێ دەرفەتەك رەخساند بۆ پێشکێشکرنا بەلگەیێن پێشڤەچوونێ، گەنگەشەکرنا ئاشکرا یا ئاستەنگان و دیارکرنا پێشینەیێن باشترکرنێ. هەروەسا، ئەڤ پێنگاڤە پشت ب هەولێن بەردەوام یێن زانکۆیا دهۆك دبەستیت بۆ بهێزکرنا حوکمرانیا پشتبەستی ب سیاسەتێن رۆن و دامەزراندنا سیستەمێن بەردەوام د خزمەتا قوتابیان و جڤاکی دا.

زانکۆ سوپاسیا خۆ پێشکێشی تیما هەلسەنگاندنێ، KAAE و هەمی قوتابی و هەڤکارێن پشکدار د ئەڤێ پرۆسەیێ دا دکەت. تیما هەلسەنگاندنێ دێ راپۆرتا خۆ پێشکێشی KAAE کەت، دا د چوارچۆڤێ رێکارێن دیارکری دا پێداچوون بۆ بهێتە کرن.

نڤیسینگەها راگەهاندنا زانکۆیێ، ٢٩ـی چریا ئێکێ، ٢٠٢٦