ئێڤۆرا، ٢٧ـی كانوونا دووێ ٢٠٢٦، نڤیسنگەها راگەهاندنا زانكۆیێ (UNPO) —
ل دویڤ دیدا وێ یا ستراتیژی بۆ ناڤدەولەتیكرنێ، و باڵادەستیا ئەكادیمی، و ئاڤاكرنا شیانان، زانكۆیا دهۆك (UOD) ب سەركەڤتیانە زنجیرەكا سەردانێن مەیدانی یێن ئەكادیمی یێن ئاست بلند كر بۆ زانكۆیا ساپینزا ل رۆما (ئیتاڵیا) و زانكۆیا ئێڤۆرا (پورتوگال) برێڤەبر د چارچۆڤێ پرۆژێ TRANSITION یێ كو ژ لایێ بەرنامێ Erasmus+ ڤە دهێتە پشـتەڤانی كرن.

رێبەرایەتیا زانكۆیا دهۆك وەكو رێكخەرا پرۆژەی
وەكو سازیا رێكخەر (Coordinator)، زانكۆیا دهۆك رۆلەكێ سەرەكی گێڕا د پلان دانان و رێكخستن و جێبەجێكرنا ڤان سەردانان دا ل ژێر "پاكێجا كاری یا ٤: راهێنان و ئاڤاكرنا شیانا". ئەڤ چالاكیە ب هویری هاتبوونە رێكخستن دا كو ل گەل پێشینەیێن ستراتیژی یێن دۆمدرێژ یێن زانكۆیا دهۆك بگونجن، ب تایبەتی د بهێزكرنا هەڤپشکیێن ناڤدەولەتی، و فێركرنا پشتبەستی ل سەر ڤەكۆلینان، و دومداریا سازیێ.

شاندێ زانكۆیا دهۆك

پشكدارێن زانكۆیا دهۆك د ڤێ سەردانێ دا ئەڤە بوون:

• د. ژیار سدیق رەمەزان، سەرۆكێ پشكا شوینواران، كۆلیژا زانستێن مرۆڤایەتی.
• د. حەسەن ئەحمەد قاسم، دكتۆرا د شوینوارێن رۆژهەلاتا ناڤین یا كەڤن دا و سەرۆكێ رێكخراوا شوینوارێن كوردستانێ (KAO).
• مامۆستا هلبین محەمەد ئەحمەد، وانەبێژ.
• بەرێز ئاماد ئەیاد محەمەد، جێگرێ رێڤەبەرێ رێڤبەریا پەیوەندیێن ناڤدەولەتی ل زانكۆیا دهۆك.
• خاتم زین سەباح محەمەد و خاتم مینا فەهیم عەبدوللا، ئەندامێن ستافێ كارگێڕی ل رێڤەبەریا پەیوەندیێن ناڤدەولەتی (DOIR).

ئاڤاكرنا شیانا ب رێیا باشترین پراكتیكێن ئەكادیمی یێن ئەوروپی
ئەڤ سەردانێن مەیدانی ستافێ ئەكادیمی ژ زانكۆیێن هەڤپشک ل هەرێما كوردستانا عیراقێ و یەمەنێ كۆمكرن، و دەلیڤە دا پشكداران كو ژ نێزیك ئاگەهداری باشترین پراكتیكێن ئەوروپی بن د بیاڤێ حوكمڕانیا خواندنا بلند، و پێشئێخستنا پرۆگرامێن خواندنێ یێن فرە-پسپۆری، و پاراستنا میراتێ كەلتووری، و تێكەلبوونا ئەكادیمی د قۆناغێن پشتی ململانێیان دا. هەروەسا وۆركشۆپێن كارلێكەر و ئەو روینشتنێن ژ لایێ بسپۆران ڤە هاتینە بڕێڤەبرن، بوونە ئەگەرێ بهێزكرنا شیانێن پشكداران د وانەگۆتن و ڤەكۆلین و دیزاینكرنا پرۆگرامێن خواندنێ دا.

ئاڵوگۆڕێ ئەكادیمی ل گەل زانكۆیا ساپینزا ل رۆما (١٩ و ٢٠ـی کانوونا دووێ)
ل زانكۆیا ساپینزا ل رۆما، دانوستاندن هاتنە كرن ل سەر مۆدێلێن ئەكادیمی یێن نویخواز، و خواندنێن میراتی، و تێكەڵكرنا ڤەكۆلینان د ناڤ پرۆسەیا فێركرنێ دا. ئەڤ ئاڵوگۆڕە تێگەهشتنەكا ب بها پێشكێش كر ل سەر نێڕینا ئەوروپی بۆ دلنیاییا جۆری (Quality Assurance)، و هەڤكاریا ڤەكۆلینان، و فێركرنا فرە-پسپۆری.

نێڕینێن جڤاكی ل زانكۆیا ئێڤۆرا (٢٣ و ٢٤ـی کانوونا دووێ)
سەردانا زانكۆیا ئێڤۆرا گرنگی دا بڕێڤەبرنا میراتێ كەلتووری یێ پشتبەستێ ل سەر جڤاكی، و گەشەپێدانا دۆمدار، و رۆلێ زانكۆیان د پشتەڤانیكرنا خۆڕاگریا جڤاكی و داڕێژتنا سیاسەتێن هشیار دا. پشكداران ڤەكۆلین كر كا دێ چەوا سازیێن ئەكادیمی شێن پشكدار بن د پاراستنا كەلتووری دا د هەمان دەم دا بەرسڤا پێدڤیێن گەشەپێدانا خۆجهی و هەرێمی بدەن.

بهێزكرنا رۆلێ زانكۆیا دهۆك وەكو سەنتەرەكێ ئەكادیمی یێ هەرێمی
ئەڤ سەردانێن ناڤدەولەتی دبنە تەمامكەر بۆ چالاكیێن راهێنانێ یێن بەرێ كو زانكۆیا دهۆك مێهڤانداریا وان كربوو، و ئەڤ چەندە پێگەهێ وێ وەكو سەنتەرەكێ هەرێمی بۆ هەڤكاریا ئەكادیمی یا ناڤدەولەتی بهێزتر لێ دكەت.

ڤێرە کلیک بکە بۆ دینا وێنەیان

نڤیسینگەها راگەهاندنا زانكۆیێ، ٢٧ـی كانوونا دووێ ٢٠٢٦
راپۆرت ژ لایێ: فاطمە محمود علی

پەیڤێن سەرەكی

Erasmus+
TRANSITION
هەڤبەشیێن ئەكادیمی یێن ناڤدەولەتی
ئاڤاكرنا شیانا د خواندنا بلند دا
فێركرنا میراتێ كەلتووری