نڤیسینگەها راگەهاندنا زانکۆیێ، ٢٥ـی چریا دووێ، ٢٠٢٥ | ل رۆژێن ٢٢-٢٣ ـی چریا دووێ ٢٠٢٥, و ب ئامادەبوونا د. داود سلیمان ئەتروشى سەرۆکێ زانکۆیا دهۆک، و د. هۆنەر عیسا، سكرتێرێ گشتی یێ KAAE، و راگرێ كۆلیژا پەروەردا جەستەیی و زانستێن جەستەیی، د. زیاد مەحفوز عەبدولقادر، و د. فەلاح سەعدون، رێڤەبەرێ رێڤەبەریا وەرزشی، زانکۆیا دهۆک، ب رێیا رێڤەبەریا وەرزشی، مەزنترین قارەمانیا شەترەنجێ ل ناڤەندا قوتابیان ل زانکۆیا دهۆک بۆ قوتابیێن هەمى زانکۆیێن کوردستانێ رێکئێخست.

قارەمانیێ ١٠ زانکۆ ژ سەرانسەرى کوردستانێ کۆمکرن، ژ زانکۆیێن پارێزگەهێن دهۆک و هەولێر و سلێمانیێ, وەک زانکۆیێن (دهۆک، تیشک، زاخۆ، پزیشکی-هەولێر، سەلاحەدین، کۆمار، جیهان، Knowledge، پۆلیتەکنیک-دهۆک، پۆلیتەکنیک-هەولێر).

زانکۆیا دهۆک پشکداریەکا هەرەباش د ڤێ قارەمانیێ دا بخۆڤەدیت، کو یاریزانێ زانکۆیا دهۆک (مستەفا کەمال) شیا ببیتە باشترین یاریزانێ ئەڤێ قارەمانیێ, و پشتى هەڤرکیەکا بهێز دگەل زانکۆیا تیشک و زانکۆیا پزیشکى -هەولێر , زانکۆیا دهۆک شیا ناسناڤێ ڤێ قارەمانیێ بدەستخۆڤەبینیت و پلا ئێکێ مسۆگەر بکەت.

ڤێرە کلیک بکە بۆ دیتنا وێنەیان

نڤیسینگەها راگەهاندنا زانکۆیێ، ٢٥ـی چریا دووێ، ٢٠٢٥

بارین محەمەد ئەحمەد

وێنە: محەمەد عەبدولکەریم تاهر