ڕۆما – ٢٥ـی کانوونا دووێ ٢٠٢٦ | نڤیسینگەها ڕاگەهاندنا زانکۆیێ (UNPO) —
زانکۆیا دهۆک (UOD) پشکداری د هەفتیا ڕاهێنانا پڕۆژەیێ RISE دا کر کو ژ لایێ زانکۆیا ناڤدەولەتی یا ڕۆما (UNINT) ڤە هاتە مێڤانکرن، ئەڤە ژی وەک پشکەک ژ پاکێجا کارێ سێیێ (WP3) د چارچۆڤێ پڕۆژێ "بهێزکرنا تێکەلکرنا شیانان بۆ دابینکرنا هەلی کار و ناڤدەولەتیکرنێ" (RISE) یێ بپشتەڤانیا دارایی یا ئێکەتیا ئەورۆپا. ڕاهێنان ل ڕۆژێن ١٢ هەتا ١٥ـی کانوونا دوێ ٢٠٢٦ بڕێڤەچوو.

ئەڤ ڕاهێنانا چوار ڕۆژی، سەرکردێن ئەکادیمی، بەرپرسێن پەیوەندیێن ناڤدەولەتی، و شارەزایێن گەشەپێدانا کاری ژ هەرێما کوردستانێ، ئیتالیا، ئیسپانیا و دەڤەرا دەریایا ناڤەڕاست کۆمکرن، بۆ ئاڵوگۆڕکرنا باشترین ئەزموون و پراکتکێن دەربارەی ناڤدەولەتیکرنێ، شیانێن کارکرنێ (Employability)، وەرچەرخانا دیجیتاڵی، و هەڤبەشیێن ستراتیژی د خواندنا بلند دا.

شاندێ زانکۆیا دهۆک و نوێنەرایەتیا دامەزراوەیی
زانکۆیا دهۆک ژ لایێ شاندەکێ بلند یێ ئەکادیمی و کارگێڕی ڤە هاتە نوێنەرایەتیکردن کو ڕەنگڤەدانا نێرینا وێ یا گشتگیرە بۆ ناڤدەولەتیکرن و دابینکرنا دەرفەتێن کاری. شاند پێکهاتبوو ژ د. لقمان هادی حەسەن، هاریکارێ سەرۆکێ زانکۆیا دهۆک، د. نەزار ئەمین محەمەد، ڕێڤەبەرێ ڕێڤەبەریا پەیوەندیێن ناڤدەولەتی (DOIR)، د. ئەحمەد خەیرەددین عەلی، ڕێڤەبەرێ سەنتەرێ گەشەپێدانا کاری (CDC)، دگەل د. ڕزگار مستەفا محەمەد و د. جوان محەمەد مەهدی، وەک نوێنەرێن DOIR. پشکداریا وان تەکەزی ل سەر پێگیریا زانکۆیێ کر بۆ چەسپاندنا پرەنسیپێن دابینکرنا کاری، هەڤکاریا ناڤدەولەتی، و پێشئێخستنا شیانان.

ڕۆل و پشکداریا زانکۆیا دهۆک
پشکداریا زانکۆیا دهۆک نیشاندەرێ ڕۆلێ وێ یێ پێشەنگە د ناڤ هەڤپەیمانیا RISE دا، ب تایبەت د پێشئێخستنا چاکسازیا دامەزراوەیی، فێرکرنا ئاراستەکری بەرەڤ بازاڕێ کاری، و تێکەلبوونا ئەکادیمی یا جیهانی. هەفتیا ڕاهێنانێ ئامرازێن پراکتیکی و تێگەهیشتنێن سیاسەتی پێشکێشی نوێنەرێن زانکۆیێ کرن دەربارەی:

• تەڤگەرا کرێدیتێن ناڤدەولەتی (Erasmus+ KA171).
• دانپێدان ب باوەرنامە و شیانێن جیهانی.
• مۆدێلێن ڕێنیشاندەرییا کاری و گرێدانا زانکۆیێ ب کەرتی پیشەسازی ڤە.
• تێکەلکرنا ژیرییا دەستکرد (AI) و ئامرازێن دیجیتاڵی د ستراتیژیێن دابینکرنا کاری دا.

پشکداریا ئەکادیمی و سیاسەتدانانا ئاست بلند
بەرنامە ب پشکداریا نوێنەرێن بلند ژ UNIMED، UNINT، وەزارەتا زانکۆ و ڤەکۆلینێن ئیتالی، سەنتەرێ زانیارییێن تەڤگەرا ئەکادیمی و یەکسانکرنێ (CIMEA)، و زانکۆیێن هەڤپشک بڕێڤەچوو، زیدەباری پێشکێشکرنا کەیسێن خواندنێ (Case studies) ژ ئیتالیا، ئوردن و هەرێما کوردستانێ. دیسان روینشتنێن کارلێکەر، دیدارێن دامەزراوەیی یێن دووقۆلی (B2B)، و وۆركشۆپێن تایبەتمەند هاریکار بوون بۆ دروستکرنا هەڤکاریا ڕاستەوخۆ د ناڤبەرا زانکۆیێن کوردی و ئەوروپی دا.

دەربارەی پڕۆژێ RISE
پڕۆژێ RISE، کو ل مەها شوباتا ٢٠٢٥ دەستپێکریە و ئێکەتیا ئەورۆپا پارەدار دکەت و ژ لایێ UNIMED ڤە رێکخستن بۆ دهێتە کرن، ئارمانجا وێ نویکرنا خواندنا بلندە ل هەرێما کوردستانێ ب ڕێکا گونجاندنا بابەتینخواندنێ دگەل پێدڤیێن بازاڕێ کاری و بهێزکرنا هەڤکاریا ناڤدەولەتی. زانکۆیا دهۆک ڕۆلەکێ سەرەکی دگێڕیت، ب سەرپەرشتیکرنا هەوڵێن سەرەکی بۆ نەخشەڕێیا دابینکرنا کاری و ناڤدەولەتیکرنێ ل دویڤ پلانا وێ یا ستراتیژی ٢٠٢٣-٢٠٣٨.

ڤێرە کلیک بکە بۆ دیتنا وێنەیان

نڤیسینگەها ڕاگەهاندنا زانکۆیێ – ٢٤ـی کانوونا دووێ ٢٠٢٦
ڕاپۆرت ژ لایێ: فاطمە محمود علی