زانکۆیا دهۆک، ب رێیا سەنتەرێ شێرەتکاریا دەروونی و جڤاکی و خزمەتێن قوتابیان، سمینارەکا هشیاریێ بۆ قوتابیێن کچ ل پشکا ناڤخۆیی یا "شیفا گەردی" ب هەماهەنگی دگەل دەزگەهێ Volunteer.krd رێکئێخست. ئەڤ دەستپێشخەریە ب مەرەما بلندکرنا ئاستێ هشیاریا تەندروستی، خۆشگوزەرانیا دەروونی-جڤاکی، و پشکداریا جڤاکی یا هشیار د ناڤ قوتابیان دا بوو، کو دگەل پێگیریا زانکۆیێ ب پشتەڤانیا قوتابیان و خزمەتکرنا جڤاکی دگونجیت.

د سمینارێ دا، چەندین گۆتارێن تایبەتمەند ل دۆر بابەتێن تەندروستی و جڤاکی یێن گرێدایی قوتابیێن کچ هاتنە پێشکێشکرن. د. هێژا مقداد ئەحمەد، تایبەتمەند د نەخۆشیێن ئافرەتان دا، پەیڤەك ل دۆر کارتێکرنێن رۆژانە یێن رۆژیگرتنێ د رەمەزانێ دا ل سەر هورمونێن ئافرەتێ و تەندروستیا گشتی پێشکێشکر. هەروەسا خانم خەلات جەمال ئەحمەد، بەرپرسا ناڤەندا دهۆک یا ئێکەتیا ئافرەتێن کوردستانێ، باس ل رەهەندێن جڤاکی کر کو دبنە ئەگەرێ پەیدابوونا ئاستەنگان ل هەمبەری ژنان و کچان، و دوپاتی ل گرنگیا هشیاری و بەرپرسیاریا جڤاکی کر. هەروەسا د سمینارێ دا د. گرین مستەفا خالد بابەتەک ل دۆر ئاڤاکرنا کەسایەتیەکا هەڤسەنگ و باوەربخۆ پێشکێشکر، و تیشک ئێخستە سەر هشیاریا خۆیی و خۆراگریێ د ناڤ قوتابیێن زانکۆیێ دا.

د دەستپێکا چالاکیێ دا، د. دلفین مقداد ئەحمەد کورتیەک ل دۆر سەنتەرێ شێرەتکاریا دەروونی و جڤاکی و خزمەتگوزاریێن قوتابیان پێشکێشکر، و باس ل بەرنامەیێن شێرەتکاری، رێنمایی، و پشتەڤانیا قوتابیان کر یێن کو بۆ قوتابیێن زانکۆیا دهۆک د بەردەستن. وێ دوپاتی ل رۆلێ سەنتەری د بهێزکرنا هشیاریا تەندروستیا دەروونی، پشتەڤانیا خۆپاراستنێ، و دابینکرنا جهێن ئارام بۆ قوتابیان ل سەرانسەری کەمپا زانکۆیێ کر.

ئەڤ چالاکیە رەنگڤەدانا گرنگیدانا ستراتیژی یا زانکۆیا دهۆکە ب خۆشگوزەرانیا قوتابیان، هشیاریا جێندەری، و هەڤپەیمانیان دگەل رێکخراوێن جڤاكێ سڤیل ب مەرەما پێشئێخستنا ژیانا قوتابیان و گەشەپێدانا کەسایەتی.

کلیک ل ڤێرێ بکە بۆ دیتنا وێنەیان
نڤیسینگەها راگەهاندنا زانکۆیێ، 25ـی شواتا 2026
ئامادەکرن: فاطمە محمود عەلی
وێنەگرتن: محەمەد ع. تاهر
پەیڤێن سەرەكی:

• پشتەڤانیا قوتابیێن زانکۆیا دهۆک
• شێرەتکاریا دەروونی-جڤاکی ل زانکۆیا دهۆک
• هشیاریا تەندروستیا ئافرەتان ل کوردستانێ
• بەرنامەیێن پشکێن ناڤخۆیی یێن قوتابیان ل زانکۆیا دهۆک
• پەیوەندیێن جڤاکی یێن زانکۆیێ