زانكۆیا دهۆك | ٢٤ـی گولانا ٢٠٢٦ | نڤیسینگەها ڕاگەهاندنا زانكۆیێ (UNPO) — وەكو پشكەك ژ

سەرەدانا خوە یا فەرمی بۆ پارێزگەها دهۆكێ، د. ئارام محەمەد قادر، وەزیرێ

خواندنا بلند و ڤەكۆلینێن زانستی، دگەل جڤاتا زانكۆیا دهۆك (UOD)، هەروەسا

دگەل رێڤەبەرێن سەنتەرێن زانكۆیێ و یەكەێن كارگێڕی كۆمبوو، ژ بۆ گەنگەشەكرنا

پاشەرۆژا خواندنا بلند، پێشڤەبرنا دامەزراوەیی، و هەڤكاریا ئەكادیمی ل هەرێما

كوردستانێ.

كۆمبوون ژ لایێ پ. د. داود سلێمان ئەتروشی، سەرۆكێ زانكۆیا دهۆك ڤە هاتە ڤەكرن، كو

ب گەرمی بخێرهاتنا بەرێز وەزیری كر و سوپاسیا خۆ بۆ پشتەڤانیا بەردەوام یا

وەزارەتێ بۆ زانكۆیا دهۆك دیاركر، ب تایبەتی د بوارێ پێشڤەبرنا چاكسازیێن

ئەكادیمی، هەڤچەرخكرنا دامەزراوەیی، و بلندكرنا كوالیتییا پەروەردەیی دا.

دوپاتیكرن ل سەر ئازادیا ئەكادیمی و پێشڤەبرنا دامەزراوەیی

د دەمێ كۆمبوونێ دا، وەزیری پەسنا دلسۆزی و خوەڕاگریا ستافێ ئەكادیمی و كارگێڕی یێ زانكۆیا دهۆك كر،

و بزاڤێن وان د ئەڤ سالا خواندنێ دا ب "نەئاسایی و بێ وێنە" وەسفكرن سەرباری

ئاستەنگێن سیاسی و ئابووری یێن بەردەوام. د. ئارام محەمەد قادر جەخت ل سەر

گرنگییا ڤان خالان كر:

- ئازادییا ئەكادیمی و سەربەخۆییا زانكۆیێ

- ب هێزكرنا سەربەخۆییا دامەزراوەیی

- ئاڤاكرنا زانكۆیێن ڤەكری و هەڤچەرخ

- بلندكرنا رۆلێ جڤاكی یێ خواندنا بلند

د پەیڤا خۆ دا، وەزیری گۆت: "ئەگەر زانکۆ ئازاد نەبیت، ئەقڵ ئازاد نابن، و بێی ئەقڵەکێ ئازاد ژی جڤاکەکێ ئازاد ئاڤا نابیت."

هەروەسا تیشك ئێخستە سەر وێ چەندێ كو تایبەتمەندیێن زانكۆیەك هەڤچەرخ و تێكەل ب

جڤاكی ڤە ب رۆهنی ل زانكۆیا دهۆك دهێنە دیتن ب رێكا پێشڤەچوونا وێ یا ئەكادیمی،

پشكدارییا وێ د ناڤ جڤاكی دا، و دیتنا وێ یا ستراتیژی.

بهێزكرنا ئێكرێزییا ئەكادیمی ل سەرانسەری هەرێما كوردستانێ

تەوەرەكێ سەرەكی یێ كۆمبوونێ رۆلێ نشتیمانی یێ كەسایەتیێن ئەكادیمی بوو بۆ بهێزكرنا ئێكرێزی و

هەڤكاریێ د ناڤبەرا زانكۆیێن هەرێما كوردستانێ دا. وەزیری دوپاتی ل گرنگییا ڤان

خالان كر:

- بەرفرەهكرنا هەڤكاریا ئەكادیمی د ناڤبەرا زانكۆیان دا

- هاندانا هاتنوچوون و ئالوگۆڕكرنێ د ناڤبەرا ستاف و قوتابیان دا

- بهێزكرنا هەماهەنگیێ د ناڤبەرا پارێزگەهان دا

- ئاڤاكرنا ژینگەهەكا ئەكادیمی یا ئێكگرتی ل سەرانسەری هەرێمێ

زێدەباری وێ یەكێ، دوپاتی ل وێ چەندێ كر كو پێدڤیە زانكۆ بەردەوام بن ل سەر

پاراستنا دەستكەڤتێن پەروەردەیی یێن هەرێما كوردستانێ، د هەمان دەم دا خۆ

دگەل گۆهڕینێن جیهانی بگۆنجینن و قوتابیان بۆ ئاستەنگێن پاشەرۆژێ ئامادە بكەن.

دیتنا ستراتیژی یا پاشەرۆژێ بۆ زانكۆیا دهۆك

ژ لایێ خۆ ڤە، پ. د. داود سلێمان ئەتروشی دیتنا ستراتیژی یا زانكۆیا دهۆك بۆ قۆناغا بهێت پێشكێش كر، و جەخت ل

وێ چەندێ كر كو كارتێكرنا زانكۆیێ گەلەك بەرفرەهترە ژ رۆلێ كلاسیكی یێ وانەگۆتن و

ڤەكۆلینان. سەرۆكێ زانكۆیێ تیشك ئێخستە سەر:

- گرنگییا پاراستنا سەربەخوەیییا زانكۆیێ

- رۆلێ خواندنا بلند د پێكڤەگرێدانا جڤاكی و ئێكرێزیێ دا

- پێگیرییا زانكۆیا دهۆك ب داهێنان و نێڤدەولەتیكرنێ

- پشكدارییا زانكۆیێ د پێشڤەبرنا بەردەوام یا جڤاكی دا

د گەنگەشەیان دا چەندین پرسێن گرنگ یێن ئەكادیمی هاتنە بەحسكرن، ژ وان ژی سیاسەتێن

خواندنا بلند و پلانێن وەرگرتنا قوتابیان د پاشەرۆژێ دا. د دوماهیا كۆمبوونێ دا،

وەزیری دوپاتی ل پێگیریا وەزارەتێ كر بۆ پشتەڤانیكرنا پێدڤییێن زانكۆیێ و

پاراستنا وان ئاستێن بلند یێن ئەكادیمی كو زانكۆیا دهۆك ب دەستڤە ئیناینە.

پشتەڤانیكرنا پلانا ستراتیژی یا زانكۆیا دهۆك

ئەڤ كۆمبوونە دگەل پلانا ستراتیژی یا زانكۆیا دهۆك (٢٠٢٣–٢٠٣٨) دگۆنجیت، ب تایبەتی د ڤان بواران دا:

- پێشەنگییا ئەكادیمی و حوكمرانییا دامەزراوەیی

- ناڤدەولەتیكرن و هەڤچەرخكرن

- پشكداریا جڤاكی و بەرپرسیاریەتیا جڤاكی

- ڤەكۆلین، داهێنان، و بەردەوامی

- پاراستنا ئازادیا ئەكادیمی و سەربەخۆییا دامەزراوەیی

ب رێكا هەماهەنگیا بەردەوام دگەل وەزارەتا خواندنا بلند و ڤەكۆلینێن زانستی،

زانكۆیا دهۆك بەردەوامە ل سەر ب هێزكرنا پێگەهێ خوە وەكو ئێك ژ دامەزراوەیێن

پێشەنگ یێن خواندنا بلند ل هەرێما كوردستانێ و عیراقێ.

ل ڤێرە كلیك بكە بۆ دیتنا روومالا ڕاگەهاندنێ

نڤیسینگەها ڕاگەهاندنا زانكۆیێ، ٢٤ـی گولانا ٢٠٢٦
ئامادەكرن: عسمەت مەحمود محەمەد

پەیڤێن سەرەكی: كۆمبوونا جڤاتا زانكۆیا دهۆك، وەزیرێ خواندنا بلند یێ

كوردستانێ، ئازادیا ئەكادیمی ل زانكۆیێن عیراقێ، چاكسازیا خواندنا بلند ل

هەرێما كوردستانێ، پێشڤەبرنا ستراتیژی یا زانكۆیا دهۆك.