زانکویا دهۆک، ٢٣ـی ئەیلوونا ٢٠٢٥ـێ – نڤیسینگەها ڕاگەهاندنا زانکۆیێ | زانکویا دهۆک (UOD)، ب ڕێیا کولیژا پلانسازیا شار و هەرێمان (CCRP)، کۆنفرانسێ ناڤدەولەتی ل دۆر ڕۆلێ زانکۆیان د بجهئینانا ئارمانجێن گەشەپێدانا دۆمدار دا (ICRU-SDGs) ل سەنتەرێ خۆ یێ کۆنفرانسان ڤەکر. ئەڤ چالاکیا کو ل ژێر درووشمێ "پێشخستنا ئارمانجێن گەشەپێدانا دۆمدار ب ڕێیا پەروەردە، ڤەکۆلین و داهێنانێ" بۆ ماوێ دوو ڕۆژان (٢٣-٢٤ ئەیلوونێ) هاتە گێران، ئەکادیمیێن پێشەنگ، ڤەکۆلەر و داڕێژەرێن سیاسەتێ ژ نێزیکی ٢٠ وەلاتان کۆمکرن.

د ڕێورەسمێن ڤەکرنێ دا، د. داود سلێمان ئەتروشی، سەرۆکێ زانکۆیا دهۆک، دگەل سەرۆکا کۆنفرانسى و ڕاگرا کولیژا پلانسازیا شار و هەرێمان، د. لەیلا محەمەد ڕەسول، و هەڤسەرۆکێ کۆنفرانسی، و جیگرێ سەرۆکێ زانکۆیا جەرەش، د. ئەحمەد ئەلحەوامده، و نوینەرێن زانکۆیا جەرەش و جڤاتا ئەکادیمیێن ئوردنی، و هەروەسا پەیڤدارێن سەرەکی و مێهڤانێن هێژا ئامادەبوون.

د. ئەتروشی د پەیڤا خۆ دا تەکەزی ل سەر وێ چەندێ کر کو دڤێت زانکۆ ببنە بزوێنەرێن پێشکەڤتنێ، و ڕۆلەکێ سەرەکی د بەرهەمئینانا زانینێ و پێکئینانا هەڤپشکیان دا بگێڕن کو چارەسەریا ئاستەنگێن ئەڤرۆ یێن دۆمداریێ بکەن.

ل درێژاهیا کۆنفرانسێ، زنجیرەیەکا پەیڤێن سەرەکی، پرۆگرام دەولەمەندتر لێکر:

پەیڤدارێن سەرەکی یێن ڕۆژا ئێکێ: پ. د. هایکە وێندت (زانکۆیا گراز، نەمسا)، پ. د. ئانکا هاگیمان (زانکۆیا تەکنیکی یا بەرلین، ئەڵمانیا)، و پ. ه. د. مەعەن شبلی (زانکۆیا باهچەشەهیر، تورکیا).

پەیڤدارێن سەرەکی یێن ڕۆژا دووێ: د. یوهانس لوکینکوتەر (زانکۆیا تەکنیکی یا دورتموند، ئەڵمانیا) و د. ئەحمەد ع. غەنی (زانکۆیا کۆمار یا زانست و تەکنۆلۆژیایێ، عێراق).

د ڕوونشتنان دا ل سەر ڕۆلێ پەروەردە، ڤەکۆلین، داهێنان و سیاسەتێ د پێشخستنا ئارمانجێن گەشەپێدانا دۆمدار دا هاتە گەنگەشەکرن. کۆنفرانسی هەروەسا دەلیڤە ڕەخساند بۆ پێشکێشکرنا ڤەکۆلینێن هەرەنوی، بهێزکرنا هەڤکاریێن ناڤدەولەتی، و دەرفەتێن بەلاڤکرنێ د گۆڤارێن زانستی یێن پێداچوونکری و سکۆپەس-ئیندێکسکری دا.

ڕێورەسمێن گرتنێ ژی پانێلەکێ ڕاسپاردەیان و پێشکێشکرنا ئەنجامێن کۆنفرانسێ بخۆڤەگرت، و ل دویڤ دا ڕێورەسمێن خەلاتکرنێ هاتنە گێڕان. سێ باشترین پرۆژەیێن پۆستەران یێن قوتابیێن خواندنا بلند و پرۆژێ پۆستەرێ ئێکەم یێ خواندنا بەکالۆریۆسێ ژ بەر بەرهەمێن وان یێن بەرچاڤ د ڤەکۆلینێن گەشەپێدانا دۆمدار دا هاتنە خەلاتکرن.

ڕاسپاردەیێن سەرەکی بۆ پێشخستنا دۆمداریێ د خواندنا بلند دا

• تێکەلکرنا ڕێڤەبرنا زانینێ د خواندنا بلند دا گەلەک گرنگە بۆ هەماهەنگیکرنا سیاسەتێن زانکۆیێ ل گەل داخازیێن بازاڕێ کاری و بەلاڤکرنا کەلتوورێ دۆمداریێ د ناڤ قوتابیان دا.
• ل هەرێما کوردستانێ، ڤەکۆلینا ل سەر ڕەهەندێن جڤاکی یێن پەروەردێ دشێت پەیوەندیا د ناڤبەرا فێربوونا ئەکادیمی و گەشەپێدانا جڤاکی دا بهێز بکەت.
• بجهئینانا کاریگەرانە یا ئارمانجێن گەشەپێدانا دۆمدار (SDGs) د ناڤ دامەزراوەیێن خواندنا بلند دا دێ زانکۆیان کەتە پشکدارێن سەرەکی د پێشکەڤتنا جڤاکی، ئابووری و ژینگەهی دا.

ب پشتەڤانییا وەزارەتا خواندنا بلند و ڤەکۆلینێن زانستی (حکومەتا هەرێما کوردستانێ) و هەڤکارێن جیهانی وەک TU Berlin، زانکۆیا گراز، و VNG International، ئەڤ چالاکیە زانکۆیا دهۆک دکەتە بنگەهەکێ هەرێمی بۆ پێشخستنا گەشەپێدانا دۆمدار ب ڕێیا خواندنا بلند.

ب مێڤانداریکرنا ڤی کۆنفرانسی، زانکۆیا دهۆک پابەندبوونا خۆ ب پێشخستنا دۆمداریێ ب ڕێیا پەروەردە، ڤەکۆلین، و خزمەتا جڤاکی دووپات دکەت، و د هەمان دەم دا وەک مینبەرەکی کار دکەت بۆ دانوستاندنێن هەرێمی و ناڤدەولەتی ل دۆر ئارمانجێن گەشەپێدانا دۆمدار یێن نەتەوەیێن ئێکگرتی (SDGs).

ڤێرە كلیك بكە بۆ دیتنا وێنەیان

نڤیسینگەها ڕاگەهاندنا زانکۆیێ، ٢٣ـی ئەیلوونا ٢٠٢٥ـێ

راپۆرت ژ لایێ: فاطمە محمود علی

وێنەگرتن ژ لایێ: محەمەد ع. تاهر، عەلی حەبیب حەبیب، هەرمان جانگیر ئەحمەد