زانکۆیا دهۆک، ٢٣ێ چریا ئێکێ، ٢٠٢٥ | نڤیسینگەها راگەهاندنا زانکۆیێ (UNPO) –
ل ژێر سەرپەرشتیا د. داود سلێمان ئەتروشی، سەرۆکێ زانکۆیا دهۆک، و ب رێڤەبرنا د. بسام ئەحمەد عەبدوڵا، راگرێ کۆلیژا کارگێری و ئابووری، و ب هەڤکاری ل گەل بەنکا ناڤەندیا عیراقێ، کۆلیژا کارگێری و ئابووری ل زانکۆیا دهۆک ب سەرکەڤتیانە دووەمین کۆنفرانسێ خۆ یێ زانستی ل رۆژێن ٢٢-٢٣ـی چریا ئێکێ یا ٢٠٢٥، ل سەنتەرێ کۆنفرانسان یێ زانکۆیێ ئەنجامدا.

کۆنفرانس ل ژێر ناڤونیشانێ:
"بەرەڤ ژینگەهەکا بەلێندەر و دۆمدار ب رێكا كاراكرن و پەیروەكرنا پارەدانا ئەلیکترۆنی و بهیزكرنا گشتگیركرنا دارایی" هاتە سازکرن.

ئەڤ چالاکیا ئەکادیمی یا گرنگ، ڤەکۆلەرێن نیشتیمانی و سیاسەتدانەر، و پسپۆرێن پیشەسازیێ کۆمکرن دا کو گەنگەشێ ل سەر ڤەگوهاستنا دارایی یا عیراقێ و رۆلێ داراییێ دیجیتاڵی د گەهشتنا ب گەشەپێدانەکا ئابووری یا دۆمدار دا بکەن.

ئامادەبوونا بەرچاڤ و رێورەسمێن ڤەکرنێ

چەندین مێهڤانێن پایە بلند ئامادەیی رێورەسمێن ڤەکرنێ بوون، د ناڤ دا بەرێز د. عەلی محسن ئەلعەلاق، پارێزگارێ بەنکا ناڤەندیا عیراقێ؛ د. صباح وەیسی، شیرەتکارێ وەزیرێ خواندنا بلند و ڤەکۆلینێن زانستی؛ د. داود سلێمان ئەتروشی، سەرۆکێ زانکۆیا دهۆک؛ و د. بسام ئەحمەد عەبدوڵا، راگرێ کۆلیژا کارگێری و ئابووری.
هەروەسا راگر، ئەندامێن دەستەیا مامۆستایان، ڤەکۆلەر ژ زانکۆیێن جودا یێن عیراقێ و نوینەرێن دامەزراوەیێن دارایی یێن حکومی و تایبەت ئامادە بوون.

د پەیڤا خۆ یا ڤەکرنێ دا، د. داود سلێمان ئەتروشی جەخت ل سەر پابەندیا زانکۆیا دهۆک کر بۆ پشتەڤانیکرنا گەشەپێدانا ئابووریا نیشتیمانی ب رێیا ڤەکۆلین و داهێنانێ د زانستێن دارایی و ڤەگوهاستنا دیجیتاڵی دا. د. ئەلعەلاق دەستخۆشی ل دەستپێشخەریا زانکۆیێ کر و تیشک ئێخستە سەر هەولێن ستراتیژی یێن بەنکا ناڤەندی بۆ بەرفرەهکرنا ژێرخانا پارەدانا دیجیتاڵی ل سەرانسەری عیراقێ. پەیڤا بخێرهاتنا کۆنفرانسی ژ لایێ د. بسام ئەحمەد عەبدوڵا ڤە هاتە پێشکێشکرن، کو گرنگیا گرێدانا ڤەکۆلینێن ئەکادیمی ب سیاسەتا دارایی ڤە بۆ گەهشتنا ب ئارمانجێن بەردەوامیا نیشتیمانی دیار کر.

پاشی، دیاریێن رێزلێنانێ هاتنە لیكگوهارتن ژ لایێ زانكۆیا دهۆك و بانكا ناڤەندی یا عیراقی و وەزارەتا خواندنا بلند و وەزارەتا دارایی و ئابووری ل هەرێما كوردستانی.

پشتی رێورەسمێن دەستپێكێ، پانیلەكێ گەنگەشێ برێڤەچوو كو تێدا چار پسپۆر پشكدار بوون ئەو ژی: ریڤەبەرێ گشتی یێ ئامار و ڤەكۆلینان ل بانكا ناڤەندی، د. سەمیر فەخری نعمە، سەرۆكێ پشكا گشتگیركرنا دارایی ل بانكا ناڤەندی، بەرێز حسێن عەبدولئەمیر جابر، شیرەتكاێ وەزارەتا دارایی و ئابووری ل هەریما كوردستانێ، د. هاورێ كەمال محەمەد، و مامۆستایی كۆلیژا كارگێری و ئابووری ل زانكۆیا دهۆك، د. شڤان ئەحمەد محەمەد.
ل دوماهیا رێورەسمێن ڤەکرنێ، ئامادەبوویان گەریانەک د ناڤ پێشانگەهەکێ دا کر کو تێدا بانکێن پشکدار، کۆمپانیایێن تەکنۆلۆژیایا دارایی، و دامەزراوەیێن دارایی بەرهەم و داهێنانێن خۆ یێن دیجیتاڵی نیشان دان.

روینشتنێن زانستی و خەلات

د ماوێ دوو رۆژان دا، ڤەکۆلەران ڤەکۆلین پێشکێشکرن کو بابەتێن وەکو سیستەمێن پارەدانا ئەلیکترۆنی، گەشەپێدانا کەرتێ بانکی، گشتگیریا دارایی، و داراییا دۆمدار بخۆڤەگرتن. روینشتنان دیالۆگەکا چالاك د ناڤبەرا ئەکادیمی، پیشەسازی، و نوینەرێن حکومەتێ دا پەیدا کر، و هەڤکاری بەرەڤ نویکرنا سیستەمێ دارایی یێ عیراقێ هاندا.
د روینشتنا دوماهیێ دا، خەلات بۆ پشکداریێن نایاب هاتنە پێشکێشکرن:

• باشترین ڤەکۆلینا زانستی
• باشترین ڤەکۆلەر
• باشترین پێشکێشکرن

چالاکی ب راگەهاندنا راسپاردەیێن سەرەکی ب دوماهی هات کو بۆ پشتەڤانیکرنا ڤەگوهاستنا عیراقێ بەرەڤ سیستەمەکێ دارایی یێ دۆمدار و گشتگیر هاتبوونە دارێژتن.

راسپاردەیێن کۆنفرانسی

• بهێزکرنا کەرتێ بانکی:
• بهێزکرنا گشتگیریا دارایی بۆ زێدەکرنا قازانجا بانکان، بەرفرەهکرنا دەلیڤەیێن وەرگرتنا قەرزان، و پشتەڤانیکرنا پرۆژەیێن بچویک و گەشەپێدانا ئابووری.
  بلندکرنا هشیاریا جڤاکی:
• دەستپێکرنا کەمپینێن رەوشەنبیری و وۆرکشۆپێن راهێنانێ بۆ بەلاڤکرنا رەوشنبیریا دارایی یا دیجیتاڵی و پەیرەوکرنا پارەدانا ئەلکترۆنی، ب تایبەتی ل دەڤەرێن دوور.
  بەرفرەهکرن و ستانداردکرنا خزمەتگۆزاریێن دارایی:
• گەشەپێدانا پرۆگرامێن قەرزان یێن ئارمانجدار بۆ شیاندنا گەنج و ئافرەتان.
• ئێکخستنا سیستەمێن دارایی یێن دیجیتاڵی ل هەمی هەرێمێن عیراقێ.
• پشتەڤانیکرنا دەستپێشخەریا بەنکا ناڤەندی بۆ دانانا دینارەکێ عیراقی یێ دیجیتاڵی دا کو گشتگیریێ بهێز بێخیت و بەرەنگاری ساختەکاریێ ببیت.
  فەرزکرنا پارەدانێن دیجیتاڵی یێن حکومی:
• پێدڤی کرنا دامەزراوەیێن حکومی، د ناڤ دا وەزارەت و دەزگەهێن باج و گومرکان، کو ب تنێ کەناڵێن پارەدانا دیجیتاڵی وەکو ئامیرێن POS، ڤەگوهاستنێن بانکی، و ئەپڵیکەیشنێن پارەدانێ بکاربینن.
  بەرفرەهکرنا ژێرخانێ و دابینکرنا هاندەران:
• ب لەزکرنا بەلاڤکرنا ئامیرێن خالێن فرۆتنێ (POS) و ATM ل سەرانسەری وەلاتی و پێشکێشکرنا داشکاندنێن باجێ یان هاندەرێن خزمەتگۆزاریێ بۆ راكێشانا بازرگان و بکارهێنەران بۆ بکارئینانا پارەدانا ئەلکترۆنی.
  پشتەڤانیکرنا داراییا دۆمدار:
• هاندانا بانک و دامەزراوەیێن دارایی بۆ گەشەپێدانا بەرهەمێن دارایی یێن دیجیتاڵی یێن کەسک، د ناڤ دا قەرزێن ژینگەهی و پۆرتفۆلیۆيێن وەبەرهێنانا کەسک.

دیدەک بۆ گەشەپێدانەکا ئابووری یا دۆمدار

دووەمین کۆنفرانسێ زانستی یێ ناڤدەولەتی ل زانکۆیا دهۆک رۆلێ پێشەنگ یێ دامەزراوەیێ د گرێدانا ڤەکۆلینا ئەکادیمی ب پێشینەیێن ئابووری یێن نیشتیمانی ڤە دووپات کر. ب رێکا پەیداکرنا دیالۆگێ د ناڤبەرا ئەکادیمی، حکومەت، و کەرتێ تایبەت دا، کۆنفرانس پشکداریێ د ڤەگوهاستنا دیجیتاڵی، گشتگیریا دارایی، و گەشەپێدانا دۆمدار یا عیراقێ دا دکەت.

بۆ دیتنا وێنەیێن کۆنفرانسی، ڤێرە كلیك بكە.

بۆ دیتنا دیمەنێن راستەوخۆ ژ كۆنفرانسی ڤێرە كلیك بكە

نڤیسینگەها راگەهاندنا زانکۆیێ | ٢٣ـی چریا ئێکێ، ٢٠٢٥
راپۆرتکرن: فاطمة محمود علی & حسین اسماعیل محمد
وێنە: محمەد عەبدولكەریم تاهر، عەلی حەبیب حەبیب، هەرمان جانگیر ئەحمەد

پەیڤێن سەرەکی:

• کۆنفرانسێ زانستی یێ زانکۆیا دهۆک
• گشتگیریا دارایی ل عیراقێ
• تەکنۆلۆژیایێن پارەدانا ئەلیکترۆنی ل کوردستانێ
• هەڤکاریا بەنکا ناڤەندیا عیراقێ
• داراییا دۆمدار و ڤەگوهاستنا دیجیتاڵی