واشنتۆن – ٢٢ـی کانوونا ئێکێ ٢٠٢٥ | نڤیسینگەها راگەهاندنا زانکۆیێ (UNPO) —

زانکۆیا دهۆک (UOD) بەردەوامیێ ددەتە پێشڤەبرنا ئەجێندایا خۆ یا ناڤدەولەتیکرنێ، ل دەمێ کو گرووپەک ژ قوتابیێن دبلۆمایێ ل کۆلیژا زانستێن سیاسی پشکداری د پرۆگرامەکێ ئەکادیمی و پیشەیی بۆ ماوێ شەش هەفتیان دکەن ل ویلاتێن ئێکگرتی (ئەمریکا) دکەن، کو ژلایێ پەیمانگەها سیاسەتا جیهانی (IWP) ڤە ل واشنتۆن دهێتە بڕێڤەبرن.

ئەڤ گەشتا ئەکادیمی د چارچۆڤێ رێککەڤتنا باوەرناما هەڤپشک یا د ناڤبەرا UOD و IWP دا دهێتە ئەنجامدان، یا کو د سالا ٢٠٢٣ـێ دا هاتبوو ئیمزاکرن. ئارمانجا ڤێ رێککەڤتنێ بهێزکرنا هەڤکاریا ئەکادیمی، پێشئێخستنا فێربوونا جیهانی، و ئامادەکرنا قوتابیانە بۆ کارکرنێ د بوارێن دپلۆماسی، پەیوەندیێن ناڤدەولەتی و سیاسەتا گشتی دا.

ژ فێربوونا گریمانەیی (ئۆنلاین) بۆ راهێنانا دپلۆماسی یا مەیدانی

قوتابیێن پشکدار خواندنا خۆ د چارچۆڤێ پرۆگرامێ هەڤپشک دا د سالا ٢٠٢٤ـێ دا دەستپێکر، دەستپێکێ ب کۆرسەکێ ئۆنلاین یێ دپلۆماسیێ کو ژلایێ هاریکارێ سەرۆکێ پەیمانگەهێ یێ پێشئێخستنا کارێن حکومی، پرۆفیسۆر پۆل دەیڤس ڤە هاتبوو پێشکێشکرن، کو ئەکادیمیەکێ پلەبلندە ل IWP. پرۆگرام هاتیە دیزاینکرن داکو زانیاریێن تیۆری دگەل ئەزموونا دیپلۆماسی یا پراکتیکی (کرداری) تێکەل بکەت، ل دویڤ مۆدێلێن خواندنا بلند یێن ناڤدەولەتی.

وەکو پشکەک ژ قۆناغا نها، پێنج قوتابی خواندنا خۆ ب شێوازێ ئامادەبوونێ ل واشنتۆن ئەنجام ددەن، ل دەمێ کو قوتابیێن مای ل هەرێما کوردستانێ ب رەنگێ ئۆنلاین بەردەوامیێ ددەنە خواندنا خۆ. قوتابیێن ل ئەمریکا پشکداری د کۆرسەکێ چڕ دا کرینە ب ناڤونیشانێ "چەک و کاریگەری" (Arms and Influence)، تەڤی چالاکیێن گەشەپێدانا پیشەیی یێن رێکخستی.

ئەزموونا پراکتیکی د دامەزراوەیێن دپلۆماسی دا

ژبلی فێربوونا ناڤ هۆلێن خواندنێ، قوتابیان راهێنان ل بالیۆزخانەیا کۆمارا ئیراقێ ل واشنتۆن و نوینەرایەتیا حکومەتا هەرێما کوردستانێ (KRG) ل ئەمریکا ئەنجام ددەن.
ئەڤ لایەنێ پراکتیکی ب رەنگەکێ بەرچاڤ پرۆفایلێن ئەکادیمی یێن قوتابیان بهێزدئێخیت و ئامادەبوونا وان بۆ بازارێ کاری یێ جیهانی زێدە دکەت.

پشتگیریکرنا دیدا ستراتیژی یا زانكۆیێ

ئەڤ دەستپێشخەریە رەنگڤەدانا پلانا ستراتیژی یا زانکۆیا دهۆکە (٢٠٢٣–٢٠٣٨)، ب تایبەتی تەکەزیکرنا وێ ل سەر:

• هەڤکاریێن ئەکادیمی یێن ناڤدەولەتی
• گەشتكرنا قوتابیان و پشكداریا جیهانێ
• دامەزراندن و پەروەردا ئاراستەکری بۆ کاری

ب رێکا هەڤکاریا بەردەوام دگەل دامەزراوەیێن ناڤدار یێن وەکی IWP، زانکۆیا دهۆک بەردەوامە ل سەر جێگیرکرنا پێگەهێ خۆ وەکی سەنتەرەکێ هەرێمی بۆ خواندنا ناڤدەولەتی و دیپلۆماسیا ئەکادیمی، و بهێزکرنا قوتابیێن خۆ دا کو ب باوەری ڤە ل گۆڕەپانا جیهانی پشكدارببن.

نڤیسینگەها راگەهاندنا زانکۆیێ، ٢٢ـی کانوونا ئێکێ ٢٠٢٥
راپۆرت: فاطمە محمود علی

پەیڤێن سەرەکی

• زانستێن سیاسی یێن زانکۆیا دهۆک
• پرۆگرامێ باوەرنامەیا هەڤپشك یا UOD–IWP
• ئاڵوگۆڕکرنا قوتابیان ل ئەمریکا
• پەروەردا پەیوەندیێن ناڤدەولەتی
• دپلۆماسیا ئەکادیمی و فێربوونا جیهانی