زانکۆیا دهۆک، 22ـی نیسانا 2026 | نڤیسینگەها راگەهاندنا زانکۆیێ (UNPO) —
ب مەرەما پێشڤەبرنا ڕۆلێ خۆ د پاراستنا کەلەپۆری و گەشەپێدانا شارسازیا دۆمدار دا، زانکۆیا دهۆک (UOD) پێشانگەهەک ب سەرپەرشتیا قوتابیان وەک پشکەک ژ چالاكیێن خۆ یێن بەرفرەهـ بۆ رۆژا جیهانی یا کەلەپۆری 2026 ڕێکئێخست. ئەڤ پێشانگەهە ژ لایێ پشکا پلانسازیا شار ل کۆلیژا پلانسازیا شار و هەرێمان ڤە هاتبوو ڕێکخستن، و تیشک ئێخستە سەر چەوانیا گۆهڕینا فێربوونا ئەکادیمی بۆ چارەسەریێن ڕاستەقینە یێن تایبەت ب پاراستنا کەلەپۆری.

ئەڤ چالاکیە ب ئامادەبوونا سەرۆکێ زانکۆیا دهۆک د. داود سلێمان ئەتروشی، ڕاگرا کۆلیژێ د. لەیلا محەمەد ڕەسول، و ئەندامێن جڤاتا زانکۆیێ بڕێڤەچوو، کو ڕاستەوخۆ دگەل قوتابیان پەیوەندیكرن و دویڤچوون بۆ پرۆژەیێن وان کرن. د پێشانگەهێ دا کارێن قوتابیێن قۆناغا سێیێ یێن کو د وانەیا "پلاندانان و دیزاین د کارکرنێ دا" (Planning and Design in Context) پشکدار بوون هاتنە نیشاندان، کو ڕەنگڤەدانا پێگیرییا زانکۆیا دهۆکە ب پەروەردەکرن و فێرکرنەکا ل سەر بنەمایێ قوتابی و کارێ پراکتیکی.

ب کارکرن د شەش گرووپێن هەڤپشک دا، و ب سەرپەرشتیا چار مامۆستایێن ئەکادیمی: د. شیرین یونس ئیسماعیل، د. ئیسماعیل ئیبراهیم سلێمان، م. هلبین یاسین یونس، و م. ڕەوەند فرسەت سەفەر؛ قوتابیان ڤەکۆلینێن شیکاری ل سەر جهێن سەرەکی یێن کەلەپۆری ل دهۆکێ پێشکێشکرن، ژ وان ژی کۆچکا دلب، باژێرێ کەڤنارێ ئەلقۆش، باژێرێ کەڤنارێ ئاکرێ، و تاخێن جوهیان و شەهیدان ل سەنتەرێ دهۆکێ. ئەڤ پرۆژەیە قۆناغا ئێکێ یا دەستپێشخەریەکا ئەکادیمی یا فرەقۆناغ پێکدهینن، کو تێدا قوتابی دێ پێنگاڤان هاڤێژن بەرەڤ دیزاینکرنا ستراتیژیێن پاراستنێ ل سەر بنەمایێ بەلگەیان و پێشکێشکرنا پلانێن ساخکرنا باژێری کو ژ لایێ دامەزراوەیێن ناڤخۆیی ڤە د شێن بهێنە بجهئینان.

هەروەسا، ئەڤ پێشانگەهە گرێدایە ب پشکداریا ناڤدەولەتیا بەر ب زێدەبوون یا زانکۆیێ د بوارێ پاراستنا کەلەپۆری دا، ب تایبەتی پشتی ڕێکەڤتنا فەرمی یا کو د شواتا 2026ـێ دا د ناڤبەرا زانکۆیا دهۆک و سندووقا شوینوارێن جیهانی (WMF) ل ژێر چاڤدێریا پەیمانگەها سوزان دیل بوث بۆ پاراستنا کەلەپۆری هاتیە ئیمزاکرن. ب ڕێیا ڤێ هەڤکاریێ، زانکۆیا دهۆک چوویە د ناڤ تۆڕەکا ئەکادیمیا جیهانیا ب ناڤودەنگ دا کو پێکهاتیە ژ زانکۆیا کۆلۆمبیا (GSAPP، ئەمریکا)، زانکۆیا پێنسیلڤانیا (ئەمریکا)، زانکۆیا تولەین (ئەمریکا)، و زانکۆیا کارلتۆن (کەنەدا). ئەڤ هەڤپەیمانیە تێکەلکرنا ڤەکۆلینێن ئەکادیمی، ڕاهێنانێن مەیدانی، و پراکتیزەکرنا پیشەیی بهێزتر لێ دکەت، و ڕۆلێ زانکۆیا دهۆک د چارەسەرکرنا ئاستەنگێن کەلەپۆری د ژینگەهێن ئالۆز و ئەوێن ب لەز دهێنە گۆهڕین دا، موکومتر دکەت.

کلیک ل ڤێرە بکە بۆ دیتنا وێنەیان

نڤیسینگەها ڕاگەهاندنا زانکۆیێ، 22ـی نیسانا 2026
ئامادەکرن: فاطمە محمود عەلی، ئەلند کەمال عوسمان
وێنەگرتن: هەرمان جانگیر ئەحمەد

پەیڤێن سەرەکی:
پرۆژەیێن کەلەپۆری ل زانکۆیا دهۆک، ڕۆژا جیهان ییا کەلەپۆری ل زانکۆیا دهۆک، قوتابیێن پلانسازیا شار ل کوردستانێ، هەڤپەیمانیا WMF دگەل زانکۆیا دهۆک، پەروەردا پاراستنا کەلەپۆری ل عیراقێ.