زانكۆيا دهۆك، ٢١ـی ئیلۆنا ٢٠٢٦ | راگەهاندنا زانکۆیا دهۆك (UNPO) — زانکۆیا دهۆك، ب نوینەرایەتیا کۆلیژا پزیشکی، بۆ دەمێ سێ رۆژان مێهڤانداریا حەفتەمین کۆنفرانسێ ناڤدەولەتی یێ نەخۆشیا شەکرێ کر ل ١٦ـی ئیلۆنێ، وەك هەڤپشکەکا ئەکادیمی دگەل کۆمەلا نەخۆشیا شەکرێ ل کوردستانێ. ئەڤ کۆنفرانسە بوویە ئەگەرێ کۆمکرنا پزیشك، پسپۆر، ئەکادیمی و کارمەندێن چاڤدێریا ساخلەمیێ یێن ناڤخۆیی و نێڤدەولەتی، ب مەرەما گفتوگۆکرنێ ل دۆر پێشهات و ئالنگاریێن پەیوەندیدار ب نەخۆشیا شەکرێ ڤە.

د رێورەسمێن ڤەکرنا کۆنفرانسی دا، د. داود سلێمان ئەتروشی، سەرۆکێ زانکۆیا دهۆك؛ بەرێز ماجد سەید سالح، نوینەرێ پارێزگەها دهۆکێ؛ د. دلۆڤان جەلال، نوینەرێ وەزیرێ ساخلەمیێ؛ د. میسباح سەید کامیل، سەرۆکێ هەلبژێرتی یێ فیدراسیۆنا ناڤدەولەتی یا شەکرێ– رۆژهەلاتا ناڤەڕاست و باکوورێ ئەفریقا؛ د. ئەسما دیپ، سەرۆکا کۆمەلا کویرەرژێنێن و شەکرا زارۆکان ل رۆژهەلاتا ناڤەراست و باکوورێ ئەفریقا؛ د. عەباس مەهدی، سەرۆکێ کۆمەلا عیراقی یا شەکرێ و کویرەرژێن؛ د. مازیار جەبار، سەروکێ

کۆمەلا نەخۆشیا شەکرێ ل کوردستانێ؛ د. دلدار حاجی موسا، راگرێ کۆلیژا پزیشکی؛ و د. ئاراز عەبدال، سەرۆکێ سەندیکا پەرستارێن کوردستانێ - تایێ دهۆك، دگەل ژمارەیەکا مەزن ژ پزیشك و پسپۆرێن ناڤخۆیی و ناڤدەولەتی ئامادەبوون.

بهێزکرنا ڤەکۆلین و چاڤدێریا ساخلەمیێ د پەیڤا خۆ یا ڤەکرنێ دا، د. داود سلێمان ئەتروشی جەخت ل وێ چەندێ کر کو ئەرکێ زانکۆیێ بتنێ فێرکرن و ئامادەکرنا پزیشکان نینە. ناڤبری تیشك ئێخستە سەر گرنگیا پشکداریا زانکۆیێ د ئەنجامدانا ڤەکۆلینێن

کاریگەر، پێشکێشکرنا چارەسەریێن پزیشکی ل سەر بنەمایێ بەلگەیان، و بلندکرنا ئاستێ هوشیاریا ساخلەمیێ د ناڤ کۆمەلگەهێ دا.

هەروەسا ناڤبری هیڤی خواست کو ئەڤ کۆنفرانسە ببیتە پلاتفۆرمەکا بەرهەمدار بۆ دیالۆگا زانستی، ئاڤاکرنا پەیوەندیێن پیشەیی، و گەشەپێدانا پرۆژەیێن هەڤپشك، دگەل جەختکرنێ ل سەر گرنگیا مسۆگەرکرنا وێ چەندێ کو راسپاردەیێن ئەڤی کۆنفرانسی کاریگەریەکا راستەقینە ل سەر خزمەتگوزاریێن ساخلەمیێ و ژیانا وەلاتیان هەبن.

ل بەرامبەر رۆلێ چالاك یێ زانکۆیا دهۆك د مێهڤانداریکرن و پشتەڤانیکرنا کۆنفرانسی دا، لیژنا بلندا حەفتەمین کۆنفرانسێ ناڤدەولەتی یێ نەخۆشیا شەکرێ رێز و سوپاسی پێشکێشی سەرۆکێ زانکۆیا دهۆك کرن.

د رۆژێن دووێ و سێیێ یێن کۆنفرانسی دا، زێدەتر ژ ٤٠ وانەیێن زانستی و پێشکێشکرنێن ڤەکۆلینان ژ لایێ پسپۆرێن ناڤخۆیی و ناڤدەولەتی ڤە هاتنە پێشکێشکرن، زێدەباری دوو وۆرکشۆپان کو ل دۆر نەخۆشیا شەکرێ و پرسێن ساخلەمیێ یێن پەیوەندیدار برێڤەچوون.

ئەڤ کۆنفرانسە پابەندبوونا زانکۆیا دهۆك ب پێشئێخستنا فێرکرنا پزیشکی، ڤەکۆلینێن زانستی، داهێنان د چاڤدێریا ساخلەمیێ دا، و ساخلەمیا جڤاکی نیشان ددەت، دگەل بهێزکرنا هەماهەنگیێ د ناڤبەرا زانکۆیێ و دامەزراوەیێن ساخلەمیێ یێن نیشتیمانی و

ناڤدەولەتی دا.

ڤێرە كلیك بكە بۆ یتنا وێنەیان

نڤیسینگەها راگەهاندنا زانكۆیێ، ٢١ـی ئیلۆنا ٢٠٢٦