زانكۆیا دهۆك – ٢١ـی كانوونا ئێكێ ٢٠٢٥ | نڤیسینگەها راگەهاندنا زانكۆیێ (UNPO)

كۆلیژا پزیشكی ل زانكۆیا دهۆك (UOD) ب سەركەڤتیانە پرۆگرامەكێ راهێنانێ یێ تایبەتمەند ل دۆر ڤەكۆلینان بۆ قوتابیێن پزیشكی یێن قوناغا چارێ بدوماهیئینا، كو ل رۆژێن ١٤ هەتا ١٨ـی كانوونا ئێكێ ٢٠٢٥ هاتبوو ئەنجامدان.

ئەڤ پرۆگرامێ راهێنانێ پشكەك بوو ژ "پرۆگرامێ ڤەكۆلینێن قوتابیان" و مەرەم ژێ ب هێزكرنا شیانێن ڤەكۆلینێ یێن قوتابیان و بەرهەڤكرنا وان بوو بۆ كارێ پزیشكی یێ ئەكادیمی و ئەوێن گرێدای ب جڤاكی ڤە. هەژمارەكا مەزن ژ قوتابیێن قوناغا چارێ تێدا پشكداربوون و د گرووپێن بچویك یێن شەش كەسی دا هاتبوونە رێكخستن، داكو هاندانا كارێ ب گرووپ، دانوستاندن و پشكداریا پراكتیكی بهێتە كرن.

سەرپەرشتیا ئەكادیمی و مامۆستا

پرۆگرامێ راهێنانێ ب رێكا وانەیێن کارلێککەر (interactive)، دانوستاندن و چالاكیێن ب گرووپ ژ لایێ ستافێ ئەكادیمی یێ تایبەتمەند یێ كۆلیژا پزیشكی ڤە هاتە پێشكێشكرن، ژ وان (د. ئاری حەبیب محەمەد، د. سەعەد یونس سەعید، پزیشکێ ڤەکۆلەر د. ئازری سالح، و د. هەژمەت عەبدولخالق عەلی). د ڤان روینشتنان دا، قوتابی فێری بنەمایێن تیۆری و رێنمایێن پراكتیكی یێن ڤەكۆلینێن پزیشكی و خواندنێن گرێدای ب جڤاكی ڤە بوون.

دوو تەوەرێن سەرەكی یێن راهێنانێ

راهێنان ل سەر دوو تەوەرێن سەرەكی هاتبوو دابەشكرن:

١. پێشێخستنا میتۆدۆلۆژیا ڤەكۆلینێ د فێركرنا پزیشكی دا
ئەڤ تەوەرە ل سەر ئاڤاكرنا شیانێن سەرەكی یێن ڤەكۆلینێ ل دەف قوتابیان ل كۆلیژا پزیشكی رژد بوو، و ئەڤ خالە بخۆڤەدگرتن:

• تێگەهشتن ل چەمك و گرنگیا ڤەكۆلینا پزیشكی.
• میتۆدۆلۆژیا ڤەكۆلینێ و دیزاینا خواندنێ.
• پێداچوونا ژێدەران و دارێژتنا ئاریشێ.
• رێكێن كۆمكرنا داتایان و شیكاریا ئاماری یا سەرەتایی.
• نڤیسینا پێشنیازێن ڤەكۆلینێ (Proposals) و بەلاڤكرنا بەرهەمێن زانستی.
• پێشەكیەك ل سەر ئیتیكێن ڤەكۆلینێ.

٢. ڤەكۆلینێن گرێدای ب جڤاك و نەخۆشان ڤە
تەوەرێ دووێ گرنگی دا پەیوەندیا د ناڤبەرا پزیشكی، جڤاك و نەخۆشان دا. ئەڤ خالە هاتنە باس کرن:

• پشکدارریکرنا كاریگەر دگەل جڤاكان.
• تێگەهشتن و شیكاركرنا دیاردەیێن جڤاكی یێن كو كاریگەریێ ل سەر ساخلەمیا گشتی دكەن.
• سەرەدەریكرنا ئیتیكی و پیشەیی دگەل نەخۆشان.
• بكارئینانا ئەنجامێن ڤەكۆلینان د ژیانا راستەقینە یا پزیشكی و جڤاكی دا.

ب هێزكرنا كەلتوورێ ڤەكۆلینێ ل زانكۆیا دهۆك

پرۆگرام ب رێكا وانەیێن کارلێککەر هاتە پێشكێشكرن و ژ لایێ ستافێ ئەكادیمی یێ تایبەتمەند یێ كۆلیژا پزیشكی ڤە هاتە برێڤەبرن. ئەڤێ چەندێ فێربوونا دناڤبەرا هەڤالان دا و پشكداریا كارا بهێزئێخست، و پێگیریا زانكۆیا دهۆك ب فێركرنا بنەمایێ ڤەكۆلینان، تێكەلبوونا جڤاكی و بەرهەڤكرنا پزیشكێن پاشەڕۆژێ دوپات كر.

ڤێرە کلیک بکە بۆ دیتنا وێنەیان

نڤیسینگەها راگەهاندنا زانكۆیێ، ٢١ـی كانوونا ئێكێ ٢٠٢٥
راپۆرت ژ لایێ: فاطمە محمود علی
وێنەگرتن: محەمەد عەبدولکەریم تاهر

پەیڤێن سەرەكی:

• زانكۆیا دهۆك
• كۆلیژا پزیشكی
• راهێنانا ڤەكۆلینا پزیشكی
• چاڤدێریا ساخلەمیێ یا گرێدای ب جڤاكی ڤە
• پرۆگرامێ ڤەكۆلینێ