سلێمانی – ٢٠ـی کانوونا ئێکێ ٢٠٢٥ | نڤیسینگەها ڕاگەهاندنا زانکۆیێ (UNPO)

زانکۆیا دهۆک (UOD)، وەک دامەزراوەیا رێكخەر یا پرۆژێ Erasmus+ TRANSITION، ب شێوەیەکێ چالاک پشکداری د هەفتیا ڕاهێنانێ یا WP4 (پاكێجا كاری) یا ٤ـێ دا کر ل سەر کەلەپۆرێ کەلتووری و گەشەپێدانا دۆمدار کو ژ لایێ زانکۆیا سلێمانیێ ڤە هاتبوو مێهڤانداریکرن. ڕاهێنانا ئەکادیمی یا چوار ڕۆژی زانکۆیێن هەڤپشک ژ هەرێما کوردستانا عیراقێ و یەمەنێ ل گەل هەڤپشکێن ئەوروپی کۆمکرن، و ڕۆلێ ستراتیژی یێ زانکۆیا دهۆک د ئاڤاکرنا شیانێن ناڤدەولەتی و پاراستنا کەلەپۆری دا بهێزتر لێکر.

ڕاهێنان ب پەیڤێن بخێرهاتنێ ژ لایێ د. کارزان خدر، ڕێڤەبەرێ پەیوەندیێن ئەکادیمی یێن ناڤخۆیی ل زانکۆیا سلێمانیێ دەستپێکر، و پاشان پێشکێشکرن ژ لایێ هەڤپشکێن ئەوروپی؛ زانکۆیا ساپیێنزا یا ڕۆما (ئیتاڵیا) و زانکۆیا ئێڤۆرا (پۆرتوگال) هاتنە ئەنجامدان. ئەڤان روینشتنان ئارمانج، مێتۆدۆلۆژی و چوارچۆڤێ فرە-پسپۆری یێ WP4 دیارکرن، کو گرنگیێ ددەتە گرێدانا کەلەپۆرێ کەلتووری — یێ جەستەیی و نە جەستەیی — ب ئارمانجێن گەشەپێدانا دۆمدار (SDGs)، ب تایبەتی د ڕەوشێن کێمینە و قۆناغێن پشتی ململانێیان دا.

ئامادەبوونا زانكۆيا دهۆك
زانكۆيا دهۆك هاتە نوونەرايەتيكرن ژ لايێ ڤان بەرێزان ڤە:

• د. ژيار سديق رەمەزان (سەرۆكا پشكا شوینوارناسيێ)
• هلبين محەمەد ئەحمەد (مامۆستا)
• جاسم محەمەد جەميل (قوتابی)
• ديلان محەمەد فائق (قوتابی)

د ماوەیێ بەرنامەی دا، کو ژ ٨ تا ١١ـی کانوونا ئێکێ بەردەوام بوو، ستافێ زانکۆیا دهۆک ب شێوەیەکێ کاریگەر پشکداری د دیالۆگا ئەکادیمی، ئالوگۆڕا زانینێ و چالاکیێن فێربوونا مەیدانی دا کر. پشکداربوویان لێگەڕیان د ڕێکێن نویخواز دا کر بۆ بەڵگەکرن، پاراستن و تێکەلکرنا کەلەپۆرێ کلتووری د ناڤ پرۆگرامێن خواندنا بلند و تێکەلبوونا جڤاکی دا.

سەرەدانێن مەیدانی سەنتەرێ کوردستان یێ هونەر و کەلتووری، مۆزەخانا سلێمانیێ و مۆزەخانا کەلەۆرێ کوردی بخۆڤەگرتن، و تێگەهشتنەکا پراکتیکی ل سەر بەڵگەکرنا کەلەپۆری، ئەرشیفکرنا دیجیتاڵی و تێکەلبوونا جەماوەری پێشکێش کر. تێكەلیێن مەیدانی دگەل جڤاکێن خۆجهی ل سابونکەران، گوندێ هاوار و هەورامان ڕۆلێ کەلەۆری د دیالۆگا ناڤبەرا کەلتووران، هەڤگرتنا جڤاکی و پێكڤەژیانا ئاشتیانە دا بەرچاڤ کر.

ڕاهێنان ب مەراسیمەکا بەخشینا باوەرنامەیان ب دوماهیک هات، کو تێدا د. کارزان خدر پێزانین بۆ پشکداریا زانکۆیا دهۆک وەک ڕێکخەرێ پرۆژەی، هەروەسا بۆ بزاڤێن هەڤپشکێن ئەوروپی و دامەزراوەیێن هەرێمی دیارکرن. ئامادەبوونا د. محەمەد عەزیز، هەلسەنگێنەرێ دەرەکی یێ پرۆژێ TRANSITION، هێشتا پتر جەخت ل سەر کوالێتییا ئەکادیمی و کاریگەریا ڕاهێنانێ کر.

ڤێرە کلیک بکە بۆ دیتنا وێنەیان

نڤیسینگەها ڕاگەهاندنا زانکۆیێ، ٢٠ـی کانوونا ئێکێ ٢٠٢٥
راپۆرت ژ لایێ: فاطمە محمود علی

پەیڤێن سەرەکی:

• زانکۆیا دهۆک
• پرۆژێ TRANSITION
• ئاڤاکرنا شیانێن کەلەپۆرێ کەلتووری
• ڕاهێنانا Erasmus+ WP4
• هەڤکاریا ئەکادیمی یا ناڤدەولەتی
• گەشەپێدانا دۆمدار و کەلەپۆر