زانکۆیا دهۆك، 20ـی تەباخێ 2026، نڤیسینگەها راگەهاندنا زانکۆیێ (UNPO) | کوژیێ ئەمریکی ل زانکۆیا دهۆك، ب هەڤکاری دگەل رێکخراوا کیان یا هاریکاریێن مرۆڤایەتی و گەشەپێدانێ، بەرنامەکێ راهێنانێ بۆ ماوێ سێ هەیڤان پێشكێشدكەت یێ کو تەکزیێ ددەتە سەر زمانێ هێما و زمانێ جەستەیی، ب مەبەستا بهێزکرنا شیانێن پەیوەندیکرنێ یێن پشکداران و پەرەپێدانا تێگەهشتن و پەیوەندیکرنێن پێکڤەگرێدای دناڤ جڤاکێ دا.

ب رێیا سێ روینشتنان د حەفتیەکێ دا، 11 پشکدار شیانێن خۆ یێن بنەڕەتی یێن زمانێ هێما و زمانێ جەستەیی پێشدئێخن، و فێری رێیێن کاریگەر یێن پەیوەندیکرن، تێگەهشتنا کەسانێن دی و دەربڕینا خۆ ب رێیێن ژ پەیوەندییا گوتنێ دەربازدبیت، دبن.

پشكا ئێکێ یا بەرنامەی ل کوژیێ ئەمریکی ل زانکۆیا دهۆك بەردەوام دبیت، لێ د نیڤا دووێ دا، پشکدار دێ سەردانێن مەیدانی ەکەن بۆ راهێنانێ د ناڤ دامەزراوە و لایەنێن پەیوەندیدار دا، ب مەبەستا بهێزکرنا ئەزمۆنا کاری و پەرەپێدانا زانیاریێن وان.

بەرنامە بۆ ماوێ سێ هەیڤان بەردەوام دبیت و سێ روینشتن د حەفتیەکێ دا گرێددەت، ب هەڤکاریا رێکخراوا کیان. ئەڤ بەرنامە شیانێن پەیوەندیکرنێ یێن کاریگەر بۆ پشکداران دگەهینیت، کو دشێن پشكدار بن د ئاڤاکرنا جڤاکەکێ پێکڤەگرێدای، پەیوەندیدار و پشتەڤان دا.

هەروەسا، بەرنامە گرێدانهك دگەل پلانا ستراتیجی یا زانکۆیا دهۆك هەیە، ب تایبەتی د بوارێ فێربوونا پێکڤەگرێدای و پەرەپێدانا قوتابیان دا، ب رێیا پەرەپێدانا پەیوەندیکرنێ بۆ هەمی کەسان، بهێزکرنا شیانێن کەسی و ئاڤاکرنا ژینگەهەکا فێربوونێ یا پێکڤەگرێدایتر.

بۆ دیتنا وێنەیان ڤێرێ کلیك بکە

نڤیسینگەها راگەهاندنا زانکۆیێ، 20ـێ تەباخێ، 2026
ئامادەکرن: فاطمە محمود عەلی
وێنەگر: محەمەد ع. تاهر