زانکۆیا دهۆک، ١ـی گولانا ٢٠٢٦ | نڤیسینگەها راگەهاندنا یا زانکۆیێ (UNPO)

ل دویڤ دیتنا وێ یا ستراتیژی بۆ پێشئێخستنا نایابیا ئەکادیمی، دۆمداریا کەلتۆری، و هەڤکاریا ناڤدەولەتی، زانکۆیا دهۆک (UOD) زنجیرەیەکا سمینارێن راهێنانێ یێن تایبەتمەند بۆ قوتابیێن پشکا شوینواران، ل کۆلیژا زانستێن مرۆڤایەتی رێکئێخستن. ئەڤ چالاکیە د وارێ "بۆماوەیی کەلتۆری" دا هاتنە ئەنجامدان وەکو پشکەک ژ جێبەجێکرنا پراکتیکی یا پرۆژێ (TRANSITION)، کو ژ لایێ ئێکەتییا ئەورۆپا ڤە دهێتە پشتەڤانیکرن و تیشکێ دئێخیتە سەر پاراستنا بۆماوەیێ کەلتۆری یێ پێکهاتە و کێمینەیان.

پێشئێخستنا فێربوونا ئەکادیمی ب رێیا راهێنانا پراکتیکی
ئارمانج ژ ڤێ دەستپێشخەریێ نەهێلانا ڤالاتیێ بوو د ناڤبەرا زانینا تیۆری و پشكداریا پراکتیکی دا ب رێیا هاندانا قوتابیان بۆ ڤەدیتنا بۆماوەیێ کەلتۆری یێ بەرجەستە و نەبەرجەستە (مادی و مەعنەوی)، ب تایبەتی یێ پێکهاتە و کێمینەیان ل دەڤەرێ.
دوو روینشتنێن راهێنانێ یێن تایبەت هاتنە پێشکێشکرن:

• سمینارا ئێکێ (٢٢ـی نیسانا ٢٠٢٦):
  ژ لایێ مامۆستایێ هاریکار م. لۆرانس نادر مخۆ ڤە هاتە پێشکێشکرن، و تیشک ئێخستە سەر بۆماوەیێ کێمینەیان، ب تایبەتی پێکهاتەیێ ئاشووری. روینشتنێ لایەنێن سەرەکی یێن بۆماوەیێ کەلتۆری یێ نەبەرجەستە بەرچاڤکرن، و تێگەهشتنێن گرنگ ل سەر ناسنامە، کەڤنەشوپ، و ئاستەنگێن پاراستنا وان پێشکێشی قوتابیان کرن.
• سمینارا دووێ (٢٩ـی نیسانا ٢٠٢٦):
  ژ لایێ مامۆستا سەعد یوسف ئەلقەس عەبدولئەحەد ڤە هاتە پێشکێشکرن، کو باس بۆماوەیێ کەلتۆری یێ سریانی کر. وانەیێ دیتنێن کویر ل سەر گرنگیا دیرۆکی و کەلتۆری یا پێکهاتەیێ سریانی و پشكداریا وان د بۆماوەیێ دەڤەرێ دا بەرچاڤكر.

فێربوونا کارلێکەر و پشكداریا قوتابیان
هەر سمینارەکێ کو نێزیکی دوو دەمژمێران ڤەکێشا، ب گەنگەشەیێن کارلێکەر و دیالۆگەکا ڤەکری د ناڤبەرا مامۆستا و قوتابیان دا ب دووماهی هات.

پشتەڤانیکرنا پێشینەیێن ستراتیژی یێن زانکۆیا دهۆک
ئەڤ دەستپێشخەریە پێگیرییا زانکۆیا دهۆک نیشان ددەت بۆ:

• تێکەلکرنا پرۆژەیێن ناڤدەولەتی یێن وەکو TRANSITION د ناڤ پرۆگرامێن ئەکادیمی دا.
• پێشئێخستنا ڤەکۆلین، هشیاری، و پشكداریا جڤاکی.
• گونجاندنا دەرەنجامێن خواندنا بلند دگەل ئارمانجێن دۆمداریا جیهانی و پاراستنا کەلتۆری.

ب رێیا ڤان چالاکیان، زانکۆیا دهۆك بەردەوامە د جێگیرکرنا خۆ وەکو سازیەکا پێشەنگ د پێشئێخستنا پەروەردەیا بۆماوەیی، هەڤکاریا ناڤدەولەتی، و ئاڤاکرنا شیانان ل هەرێما کوردستانێ و دەرڤەی وێ دا.

ڤێرە كلیك بكە بۆ دیتنا دیمەنان

نڤیسینگەها راگەهاندنا یا زانکۆیێ، ١ـی گولانا ٢٠٢٦
راپۆرت ژ لایێ: فاطمە محمود عەلی

پەیڤێن سەرەکی:
پرۆژێ TRANSITION ل زانکۆیا دهوک، راهێنانا بۆماوەیی کەلتۆری ل عێراقێ، پاراستنا بۆماوەیی کێمینەیان، وۆرکشۆپا قوتابیێن شوینواران ل کوردستانێ، پەروەردەیا بۆماوەیی یا ب پشتەڤانیا ئێکەتییا ئەورۆپا.