زانکۆیا دهۆك، ١٩ـی چریا ئێکێ ٢٠٢٦ | نڤیسینگەها راگەهاندنا زانکۆیێ (UNPO) — پشكا زانست و تەكنۆلۆژیا خوارنێ ل کۆلیژا زانستێن ئەندازیاریا چاندنێ ل زانکۆیا دهۆك، ب رێکخستنا دووەم وۆرکشۆپا نیشتمانی یا سالانە ل ژێر درویشمێ «ئەڤرۆ داهێنانێ بکە. بۆ دابینکرنا خوارنا سوباهی» (Innovate Today. Nourish Tomorrow)، رۆژا جیهانی یا

خوارنێ ساخ کر. ئەڤ هەلكەڤتە ب ئامادەبوونا ستافێ ئەکادیمی، پسپۆرێن بیاڤێ خوارن و چاندنێ، و قوتابیان برێڤەچوو ژبۆ گەنگەشەکرنا ئاسایشا خوارنێ، سیستەمێن خوارنێ یێن دۆمدار، سەلامەتیا خوارنێ، و رێیێن داهێنەرانە بۆ بهێزکرنا کەرتێن چاندن و خۆراکێ.

ئەڤ وۆرکشۆپە ل ١٥ـی چریا ئێکێ هاتبوو ئەنجامدان، ب ئامادەبوونا راگرێ كۆلیژا زانستێن ئەندازیاریا چاندنێ د. شوكری حەجی سالح، هاریكارێ راگری د. مەروان بەشیر ئیسماعیل، سەرۆکێ پشكا زانست و تەكنۆلۆژیا خوارنێ د. خەبات نوری حسێن، و رێزدار

فەهەد محەمەد، هەماهەنگکارێ مەیدانی ل ناڤەندا بازرگانیا ناڤدەولەتی (ITC)، زێدەباری مامۆستایێن كۆلیژێ، پسپۆر و قوتابیان.

بەرنامەی چەندین گەنگەشەیێن زانستی بخۆڤەگرتن ل دۆر ئاستەنگ و دەلیڤەیێن سەرەکی یێن بەرهەمئینانا خوارنێ، زنجیرەیێن بهایێ چاندنێ، و سیستەمێن خوارنێ یێن دۆمدار. پەیڤداران تیشک ئێخستە سەر رۆلێ ڤەکۆلینێن زانستی و تەکنۆلۆژیا خوارنێ د باشترکرنا

کوالێتیا خوارنێ، کێمکرنا زێدەڕۆیی و بەفیڕۆدانا خوارنێ، و پشتەڤانیکردنا سیستەمێن خوارنێ یێن خۆڕاگرتر.

پێشکێشکرنێن سەرەکی یێن وۆرکشۆپێ ئەڤ تەوەرە بخۆڤەگرتن:

- سیستەمێن خوارنێ یێن دۆمدار: د. خەبات نوری حسێن باس ل رۆلێ زانست و تەکنۆلۆژیا خوارنێ د گەشەپێدانا سیستەمێن خوارنێ یێن دۆمدار دا کر.

- زنجیرەیێن بهایێ چاندن و خوارنێ: بەرێز فەهەد محەمەد تیشک ئێخستە سەر رۆل و پشکداریا ناڤەندا بازرگانیا ناڤدەولەتی (ITC) د بهێزکرنا زنجیرەیێن بهایێ چاندن و خۆراکێ ل عیراقێ دا.

- ڤەکۆلینێن خۆجهی و ئاسایشا خوارنێ: د. رەفائیل س. تۆما ڤەکۆلینەك ل سەر جورێن بەرهەمێن چاندنێ یێن خۆجهی، شیانێن وان، و دەلیڤەیێن بەرهەمئینانا بەرهەمێن خۆراکی یێن ب بها پێشکێش کر.

- زیندەوەرێن هویر یێن خوارنێ (Microorganisms): د. عیسا موسا باس ل مفا و مەترسیێن ڤەشارتی یێن زیندەوەرێن هویر د ناڤ خوارنێ دا کر.

- رێگری ل ساختەکاریێن خوارنێ: بەرێز شوکری سلێمان باس ل رێیێن داهێنەرانە بۆ ئاشکراکرن و رێگریکرن ل فێڵ و ساختەکاریێن د خوارنێ دا کر.

- پاشماوەیێن خوارنێ و ئابوورا بازنەیی: بەرێز سیامەند نزار تیشك ئێخستە سەر وان تەکنۆلۆژیایان یێن کو دشێن پاشماوەیێن خوارنێ بگوهۆڕنە ژێدەرێن ب بها و ب مفا ژبۆ پشتەڤانیکردنا سیستەمێن خوارنێ یێن بازنەیی.

ل دزیڤ روینشتنێن زانستی دا، د چالاکیێ دا پێشانگەهەکا بەرهەمێن خوارنێ و پێشکێشکرنا پۆستەرێن زانستی برێڤەچوون، کو تێدا ئەنجامێن ڤەکۆلینان و چارەسەریێن پراکتیکی بۆ کەرتێ چاندن-خوارنێ هاتنە نیشاندان. هەروەسا باوەرنامەیێن رێزلێنانێ پێشکێشی

پشكداران هاتنە کرن، و وۆرکشۆپ ب دەستنیشانکرنا چەندین راسپاردەیان ب دوماهی هات دا کو بۆ جێبەجێکرنێ ئاراستەی جهێن پەیوەندیدار بهێنە کرن.

ب رێیا گرێدانا ڤەکۆلینێن زانستی ب ئاستەنگێن پراکتیکی یێن بەرهەمئینانا خوارنێ و سەلامەتیا وێ، وۆرکشۆپێ رۆلێ خواندنا بلند د پشتەڤانیکردنا گەشەپێدانا چاندنێ یا دۆمدار، بهێزکرنا ئاسایشا خوارنێ، و هاندانا داهێنانێ دا دیار کر. هەروەسا ئەڤ

چالاکیە رەنگڤەدانا پێگریا ستراتیژی یا زانکۆیا دهۆکە ب ڤەکۆلینان، خزمەتکرنا جڤاکی، و دروستکرنا هەڤپەیمانیێن خزمەتکەر بۆ گەشەپێدانا دەڤەرێ.

ئەڤ چالاكیە راستەوخۆ پشتەڤانیا ئارمانجێن گەشەپێدانا دۆمدار (SDGs) دکەت: ئارمانجا دوویێ (نەهێلانا برسیاتیێ - Zero Hunger) ب رێیا تیشک ئێخستنە سەر ئاسایشا خوارنێ و چاندنا دۆمدار، ئارمانجا دوازدێ (مەزاختن و بەرهەمئینانا بەرپرسانە - Responsible Consumption and Production) ب رێیا کێمکرنا بەفیڕۆدانا خوارنێ و بکارئینانا دروست

یا ژێدەران، و ئارمانجا نەهێ (پیشەسازی، داهێنان، و ژێرخان - Industry, Innovation and Infrastructure) ب رێیا ڤەکۆلین و داهێنانا تەکنۆلۆژیا خوارنێ.

ڤێرە کلیك بکە بۆ دیتنا روومالا میدیایی

نڤیسینگەها راگەهاندنا زانکۆیێ، ١٩ـی چریا ئێکێ ٢٠٢٦

راپۆرت: نیبار حەجی حسێن

وێنە: سەربەست سەعید حەمۆ

پەیڤێن سەرەکی:

- زانکۆیا دهۆك رۆژا جیهانیا خوارنێ 2026

- ئاسایشا خوارنێ و سیستەمێن خوارنێ یێن دۆمدار

- زانست و تەکنۆلۆژیا خوارنێ

- زنجیرەیێن بهایێ چاندن و خوارنێ

- ئارمانجێن گەشەپێدانا دۆمدار (SDGs)