زانکۆیا دهۆك، ١٩ـی تیرمەها ٢٠٢٦ـێ، نڤیسینگەها راگەهاندنا زانکۆیێ | د چوارچۆڤێ بزاڤێن بەردەوام یێن زانکۆیێ بۆ بهێزکرنا هەڤپشکیێن ناڤدەولەتی و فراوانکرنا هەڤکاریێن ئەکادیمی، ئەڤرۆ ١٩ـی تیرمەها ٢٠٢٦، د. داود سلێمان ئەتروشی، سەرۆکێ زانکۆیا دهۆك، پێشوازی ل لۆکاش گیوریچ (Lukáš Gjurič)، قونسلێ گشتیێ کۆمارا چیک ل هەولێرێ کر.

ئەڤ دیدارە ب ئامادەبوونا د. لقمان هادی حەسەن (هاریکارێ سەرۆکێ زانکۆیێ)، د. محەمەد عەزیز ئیبراهیم (راگرێ کۆلیژا زانست)، د. جەلال حەسەن يونس (رێکخەرێ دیدارێ)، د. نەزار ئەمین محەمەد (رێڤەبەرێ پەیوەندیێن ناڤدەولەتی)، و م. عسمەت م. خابوور (رێڤەبەرێ راگەهاندنێ و پەیوەندیێن گشتی) بڕێڤەچوو.

بهێزکرنا هەڤکاریێ

د دیدارێ دا، گەنگەشە ل سەر فراوانکرنا کارێن هەڤپشک د بیاڤێن زانستی، کولتوری، مرۆڤایەتی، تەکنۆلۆژی و چاندنێ دا هاتە کرن بۆ مفا وەرگرتن ژ ئەزمۆنا وەڵاتێ چیک. هەروەسا سەرۆکێ زانکۆیێ جەخت ل سەر ستراتیژیەت و حەزا زانکۆیێ کر بۆ بدەستڤەئینانا متمانەیا ناڤدەولەتی و پێگەهاندنا نڤشەکێ خودان کارامەیی و شارەزا بۆ خزمەتکرنا جڤاکی.

سەرەدانا پەیمانگەها چارەسەریا دەروونی و تراومایێ

د پشکەکا دی یا سەرەدانێ دا، قونسلێ چیک سەرەدانا پەیمانگەها چارەسەریا دەروونی وچارەسەریا تراومایێ (IPP) کر و ژ لایێ د. بهار سلێمان عیسا، هاریکارا رێڤەبەرێ پەیمانگەهێ و ستافێ وێ ڤە هاتە پێشوازیکرن، دا کو ژ نێزیک ئاگەهدارێ پڕۆگرامێن ئەکادیمی و خزمەتگۆزاریێن مرۆڤایەتی یێن پەیمانگەهێ بیت.

قونسلێ گشتی ستایشا زانکۆیێ دکەت

ل دویماهیێ، قونسلێ کۆمارا چیک سەرسامییا خۆ ب ئاستێ بەرز یێ زانکۆیێ دیار کر و راگەهاند کو زانکۆیا دهۆك سازیەکا گەلەك سەردەم، داینامیکی و پێشکەڤتیە، و ئەڤ چەندە دێ بیتە ئەگەرێ پتر دەولەمەندکرن و برنا پەیوەندیێن ئەکادیمی بەرەڤ قۆناغەکا نوی و ڤەکرنا لاپەرەکێ نوی یێ هەڤکاریێ ل گەل هەڤپشكان ل وەڵاتێ چیک.

زانیاری دێ هێنە نویكرن..

ڤێرە کلیك بکە بۆ دیتنا وێنەیان

نڤیسینگەها راگەهاندنا زانکۆیێ؛ ١٩ـی تیرمەهێ ٢٠٢٦

عسمەت م. خابوور

وێنە: محەمەد ع. تاهر