زانکۆیا دهۆك، ١٨ـی چریا ئێکێ ٢٠٢٦ | نڤیسینگەها راگەهاندنا زانکۆیێ (UNPO) — زانکۆیا دهۆك، ب رێیا رێڤەبەریا پەیوەندیێن ناڤدەولەتی (DOIR) و ب هەڤکاری دگەل سەنتەرێ پەرەپێدانا کاری (CDC)، وۆرکشۆپەك ل دۆر بەلاڤکرنا "نەخشەڕێیا هەڤپشك" یا پرۆژێ (RISE) ل دۆر ناڤدەولەتیکرن و کارسازیێ سازکر. ئەڤ وۆرکشۆپە ل سەنتەرێ رەوشەنبیری و جڤاکی یێ زانکۆیێ ل ١٤ـی چریا ئێکێ، ب ئامادەبوونا نوینەرێن رێڤەبەریا پەیوەندیێن ناڤدەولەتی ل سەرانسەری کۆلیژ و سەنتەرێن ئەکادیمی یێن زانکۆیا دهۆك برێڤەچوو، ژبۆ گەنگەشەکرنا پێنگاڤێن کرداری بۆ بهێزکرنا هەڤکاریا ناڤدەولەتی، پێشڤەبرنا کارامەییێن پیشەیی یێن قوتابیان، و گونجاندنا خواندنا بلند دگەل پێدڤیێن بازاڕێ کاری.

پرۆژێ RISE — کو مەبەست ژێ بهێزکرنا ئاوێتەکرنا کارامەییانە بۆ کارسازیێ و ناڤدەولەتیکرنێ ل هەرێما کوردستانا عیراقێ — ئارمانج ژێ بهێزکرنا شیانێن دامەزراوەیی یە د ناڤدەولەتیکرنێ دا دگەل بلندکرنا ئاستێ بەرهەڤیا قوتابیان بۆ بازاڕێ کاری. وۆرکشۆپێ گرنگی دا گوهۆرینا نەخشەڕێیێن پرۆژەی بۆ کارێن هەماهەنگکری، دگەل دانانا پلانێن کورتخایەن، ناڤین، و درێژخایەن ژبۆ پێشڤەبرنا کارێ رێڤەبەریا DOIR و چالاکترکرنا رۆلێ سەنتەرێ CDC د پشتەڤانیکردنا قوتابی و دەرچوویان دا.

د پەیڤا خۆ دا، د. نەزار ئەمین محەمەد، رێڤەبەرێ پەیوەندیێن ناڤدەولەتی ل زانکۆیا دهۆك، ئاماژە ب گرنگیا دانانا پلانێن کرداری کر بۆ باشترکرنا کارێ رێڤەبەریێ، بەرفرەهکرنا دەلیڤەیێن سکۆلەرشیپان، و بهێزکرنا هەماهەنگیێ دگەل سەنتەرێ پەرەپێدانا کاری. هەروەسا دوپات ل سەر پێدڤیا گوهۆرینا هەڤپەیمانی و هەڤکاریێن ناڤدەولەتی بۆ دەلیڤەیێن کارا کر، ب ئاوایەکێ کو مفا بگەهیتە قوتابیان، ستافێ ئەکادیمی، و زانکۆیێ ب گشتی.

دانوستاندنێن پشکا ناڤدەولەتیکرنێ تیشک ئێخستە سەر کاراکرنا رێککەڤتننامەیێن لێكتێگەهشتنێ (MoUs) یێن هەین، پێشڤەبرنا دەلیڤەیێن ئاڵوگۆڕا قوتابیان و مامۆستایان، پرۆگرامێن ئاڤاکرنا شیانان بۆ ستافێ پەیوەندیێن ناڤدەولەتی، و هاندانا

پرۆگرامێن باوەرنامەیێن هەڤپشك و دووقۆلی (Joint and Double-Degree). هەروەسا نەخشەڕێ تەئکیدێ ل سەر بلندکرنا دیاربوونا زانکۆیێ ل سەر ئاستێ جیهانی، هاندانا قوتابیان بۆ پشکداریکرن د پرۆگرامێن گەشتكرنێ دا (Mobility)، و بهێزکرنا هەماهەنگیا دامەزراوەیی دگەل کۆلیژان ب رێیا پلانێن ساڵانە و ئارمانجێن دیارکری دکەت.

ژ لایەکێ دی ڤە، د. تارا ئیحسان عەبدوللا باس ل نەخشەڕێیا کارسازیێ و بەرهەڤیا بازاڕێ کاری کر، ب تیشك ئێخستن سەر گرێدانا دناڤبەرا خواندنا زانکۆیێ و پێدڤیێن بازاڕێ کاری دا. ژ گرنگترین پێشینەیان: پێداچوون و نویکرنا پرۆگرامێن خواندنێ

دا کو دگەل پێدڤیێن خۆدان كار و کۆمپانیان بگونجن، بەرفرەهکرنا راهێنانێن هاڤینی و کرداری (Internships) یێن قوتابیان ژ قۆناغێن دەستپێکێ یێن خواندنێ، باشترکرنا رێنماییکرنا پیشەیی، و بهێزکرنا هەڤکاریێ دگەل کەرتێ تایبەت. نەخشەڕێ هەروەسا پێشنیازا دروستکرنا داتابەیسەکێ ل سەر ئاستێ زانکۆیێ بۆ دەلیڤەیێن راهێنانێ، دیارکرنا نوینەرێن پەرەپێدانا کاری ل کۆلیژان، و پشتەڤانیکردنا خۆدانکاریێ (Entrepreneurship) ل دەڤ قوتابیان ب رێیا رێبەرایەتیکرنێ و دامەزراندنا هێلانەیا کارسازیێ (Business Incubator) دکەت.

ئەڤ نەخشەڕێیە قۆناغێن بجهئینانێ د ناڤبەرا ساڵێن ٢٠٢٦ هەتا ٢٠٣٠ دیار دکەن. پێشینەیێن کورتخایەن برتینە ژ: بەرفرەهکرنا دەلیڤەیێن راهێنانێ، راهێنانا ستافێ ئەکادیمی، و بهێزکرنا هەماهەنگیێ د ناڤبەرا کۆلیژان دا. پێنگاڤێن قۆناغا ناڤین دابینکرنا خۆلێن کورت یێن باوەرنامەدار و دروستکرنا پەیوەندیێن بەردەوام دگەل بازرگان و کارسازیێ بخۆڤەدگرن؛ ل دەمەکێ دا پلانێن درێژخایەن پێکدهێن ژ ڤەکرنا پرۆگرامێن خواندنێ د بوارێن پڕداخوازی دا و دامەزراندنا ناڤەندەکا سەرەکی یا نویگەریێ (Central Innovation Hub). ئەڤ پێنگاڤە ئارمانج ژێ باشترکرنا دەلیڤەیێن کاری یە بۆ دەرچوویان، هاندانا داهێنانێ، و ئاوێتەکرنا هەڤکاریا زانکۆ و پیشەسازیێ یە د ناڤ پێشڤەچوونا ئەکادیمی دا.

ئەڤ وۆرکشۆپە پێگری و پابەندبوونا زانکۆیا دهۆك ب گۆرەی پلانا وێ یا ستراتیژی نیشان ددەت د بوارێن ناڤدەولەتیکرنێ، فێربوونا قوتابی-تەوەر، کارپێکرنێ، نویگەریێ، و هەڤپەیمانیێن ستراتیژی دا. ب رێیا پرۆژێ RISE، زانکۆیا دهۆك بزاڤێ دکەت هەڤکاریا

دامەزراوەیی بهێز بکەت، پتر دەلیڤەیان بۆ قوتابیان برەخسینیت دا ئەزموونا ناڤدەولەتی و پراکتیکی وەربگرن، و پشتڕاست بیت کو پرۆگرامێن ئەکادیمی ب شێوەیەکێ کاراتر بەرسڤا پێدڤیێن جڤاکی و بازاڕێ کاری ددەن.

ڤێرە کلیك بکە بۆ دیتنا روومالا میدیایی

نڤیسینگەها راگەهاندنا زانکۆیێ (UNPO)، ١٨ـی چریا ئێکێ ٢٠٢٦

راپۆرت: بارین محەمەد ئەحمەد

وێنە: محەمەد ع. تاهر

پەیڤێن سەرەکی:

- زانکۆیا دهۆك پرۆژێ RISE

- ناڤدەولەتیکرنا خواندنا بلند

- دەلیڤەیێن کارپێکرنا دەرچوویان ل کوردستانێ

- سەنتەرێ پەرەپێدانا کاری (CDC)

- هەڤکاریا د ناڤبەرا زانکۆ و پیشەسازیێ دا