زانکۆیا دهۆك، ١٧ـی چریا ئێکێ ٢٠٢٦ | نڤیسینگەها راگەهاندنا زانکۆیێ (UNPO) — بۆ ئێکەمین جار ل سەرانسەری عیراقێ، زانکۆیا دهۆك ل رێکەڤتی ١٣ـی چریا ئێکێ ٢٠٢٦ ب فەرمی چاپتەرێ قوتابیان یێ کۆمەلا ئەندازیارێن وزێ یا ئەمریکی و جیهانی (AEE) ل کۆلیژا ئەندازیاری ڤەکر. ئەڤ دەستپێشخەرییە پێنگاڤەکا گرنگە بۆ بهێزکرنا گرێدانا قوتابیان ب تۆڕێن پیشەیی یێن ناڤدەولەتی ڤە، و پێشڤەبرنا دەلیڤەیێن فێربوون، ڤەکۆلین و گەشەپێدانا پیشەیی د کةرتێ ئەندازیاریا وزێ دا.

ئەڤ رێورەسمە ب ئامادەبوونا د. نەشوان شەوکەت مەحمود، راگرێ کۆلیژا ئەندازیاری، و شاندەکێ لقێ کۆمەلێ ل بەغدا کو پێکهاتبوو ژ د. جۆزێف حەبیب وەك سەرۆکێ کۆمەلێ، دگەل دەستەیا بڕێڤەبرنێ و چەندین ئەندازیار و ئەندامێن دی یێن کۆمەلێ بڕێڤەچوو.

بەرنامەیێ رێورەسمێ پەیڤ، رێزلێنان و پێشکێشکرنا پرۆژەیێن قوتابیێن ئەندام بخۆڤەگرت.

د پەیڤەکێ دا، راگرێ کۆلیژێ گرنگیا ڤێ دەستکەڤتێ بلند نرخاند و پشتەڤانیا خۆ یا تەمام بۆ وان (١٩) قوتابی و دەرچوویان دیار کر یێن کو د ڤی چاپتەری دا پشکدارن ب سەرپەرشتیا مامۆستایێ کۆلیژێ د. سەعید رەجەب، سەرۆکێ پشکا ئەندازیاریا میکانیك.

ناڤبری تةكةزي ل سەر گرنگیا رەخساندنا دەلیڤەیان بۆ قوتابیان کر ژبۆ بهێزکرنا زانینا وان یا ئەکادیمی، پێشخستنا شیانێن پراکتیکی، و تێکەلکربوونا وان دگەل جڤاکێن پیشەیی د بوارێن وان دا.

د. جۆزێف حەبیب ئاماژە ب وێ یەکێ کر کو پشکداریکرن د ڤی چاپتەری دا دێ دەرگەهێ دەلیڤەیێن مەزن ل پێشیا قوتابیێن چالاك ڤەکەت، ژ وان ژی: ئەنجامدانا چەندین گەشتێن زانستی ل عیراقێ، بەریكانەیێن زانستی و تەکنیکی، خەلات و گەلەك چالاکیێن دی یێن

پیشەیی. چاڤەڕێ دهێتە کرن ئەڤ پێنگاڤە هاریکاریا قوتابیان بکەن بۆ بەرفرەهکرنا شارەزاییێن وان، گرێدانا پەیوەندیان ل گەل کەسێن پسپۆر و پیشەکار، و خۆبەرهەڤکرن بۆ کارێ پاشەڕۆژێ د بوارێ ئەندازیاریا وزێ دا.

کۆمەلا ئەندازیارێن وزێ (AEE) رێکخراوەکا پیشەیی یا جیهانی و نەقازانجە، کو تایبەتە ب پێشڤەبرنا کارامەییا وزێ، بڕێڤەبرنا وزێ، وزەیا نویبووی، و دۆمداریێ ب رێیا گەشەپێدانا پیشەیی، ژێدەرێن تەکنیکی، و پێدانا باوەرنامەیێن باوەرپێکری ل سەر ئاستێ ناڤدەولەتی. ب هەبوونا تۆڕەکا جیهانی ژ ئەندامان، AEE پەیوەندیێ د ناڤبەرا پسپۆرێن وزێ دا دروست دکەت و هاندانا ئاڵوگۆڕا

زانینێ، نووگەری، و باشترین شێوازێن کاری دکەت ژبۆ پشتەڤانیکردنا پاشەڕۆژەکا بەردەوام یا وزێ.

دامەزراندنا ئێکەم چاپتەرێ قوتابیان یێ AEE ل عیراقێ ل زانکۆیا دهۆک رەنگڤەدانا پێگری و پابەندبوونا زانکۆیێ یە ب باشترین ئاستێ ئەکادیمی، خواندنا قوتابی-تەوەر، کارلێکرنا نێڤدەولەتی، و بهێزکرنا گرێدانا ناڤبەرا خواندنا بلیند و کاریگەریێن پراکتیکی یێن پیشەیی. هەروەسا ئەڤ دەستکەفتە پشتەڤانیا ئارمانجێن پلانا ستراتیژی یا زانکۆیا دهۆک ژی دکەت ب رێیا هاندانا فێربوونا پراکتیکی، ئاڤاکرنا شیانێن پیشەیی، نوDگەری، و دابینکرنا دەلیڤەیان بۆ قوتابیان دا کو پشکداریێ د پێشڤەبرنا کەرتێ وزێ

دا بکەن.

ڤێرە كلیك بكە بۆ دیتنا وێنەیان

نڤیسینگەها راگەهاندنا زانکۆیێ (UNPO)، ١٧ـی چریا ئێکێ ٢٠٢٦

ئامادەکرن: فاطمە مەحمود عەلی

وێنەگرتن: محەمەد ع. تاهیر

پەیڤێن سەرەکی یێن نووچەیی:

- زانکۆیا دهۆك

- کۆمەلا ئەندازیارێن وزێ (AEE)

- ئێکەم چاپتەرێ قوتابیان یێ AEE ل عیراقێ

- فێرکرنا ئەندازیاریا وزێ

- کۆلیژا ئەندازیاری ل زانکۆیا دهۆك