زانکۆیا دهۆك، ١٧ـی چریا ئێکێ ٢٠٢٦ | نڤیسینگەها راگەهاندنا زانکۆیێ (UNPO) — رێڤەبەریا پەیوەندیێن ناڤدەولەتی (DOIR) ل زانکۆیا دهۆك رێورەسمەك ل سەنتەرێ پەرەپێدانا كاری (CDC) ب هەلکەڤتا "رۆژا ئێرەسمەس ٢٠٢٦" (Erasmus Days) رێکخست، کو ل جیهانێ د ناڤبەرا ١٢ هەتا ١٥ـی چریا ئێکێ دا دهێنە گێڕان. ئەڤ رێورەسمە كو ل ١٣ـی چریا ئێکێ ٢٠٢٦، برێڤەچووی ب ئامادەبوونا ستافێ ئەکادیمی، قوتابی، دەرچووی، و نوینەرێن رێکخراوێن نەحکومی (NGOs) برێڤەچوو، بۆ تیشك ئێخستن سەر کارتێکرنا پرۆژەیێن ناڤدەولەتی یێن زانکۆیا دهۆك ل سەر پێشڤەبرنا پەروەردەیی، نویگەریێن چاندنێ، ئاڤاکرنا شیانێن دامەزراوەیی، و رەخساندنا دەلیڤەیێن کاری.

د رێورەسمێ دا، د. نەبەز ئیبراهیم محەمەد، هاریکارێ سەرۆکێ زانکۆیێ بۆ کاروبارێن قوتابیان و دەرچوویان، و د. نەزار ئەمین محەمەد، رێڤەبەرێ پەیوەندیێن ناڤدەولەتی، ل گەل نوێنەرێن DOIR و ژمارەیەکا پشكداران ئامادە بوون. د پەیڤا خۆ دا، د. نەبەز

تەكەزی ل سەر گرنگیا پشکداریکرنا زانکۆیا دهۆك د پرۆژەیێن ناڤدەولەتی دا کر، ب تایبەتی پرۆژەیێن APPRAIS و RISE، د بوارێ بهێزکرنا هەڤکاریا ئەکادیمی، پێشڤەبرنا پرۆگرامێن خواندنێ، و دروستکرنا دەلیڤەیان بۆ قوتابی و دەرچوویان. پاشان، د. نەزار

کورتەیەك ل دۆر پرۆگرامێ Erasmus+ و دەستکەڤتێن پرۆژەیێن ناڤدەولەتی یێن زانکۆیا دهۆك پێشکێش کر، و تیشک ئێخستە سەر رۆلێ وان د پێشڤەبرنا پەروەردەیی و ئاڤاکرنا شیانان دا.

د پێشکێشکرنەکا سەرەکی دا ب ناڤونیشانێ "ژ زانینێ بۆ کاریگەریێ: کۆلێژا زانستێن ئەندازیاریا چاندنێ ل زانکۆیا دهۆك د پرۆژەیێن ناڤدەولەتی یێن چاندنێ دا"، د. رەفائیل س. تۆما ژ پشکا بیستانكاری ل کۆلێژا زانستێن ئەندازیاریا چاندنێ، دیار کر کا چەوا هەڤپەیمانیێن ناڤدەولەتی دشێن زانینا ئەکادیمی و ڤەکۆلینان بگوهۆڕنە سەر چارەسەریێن پراکتیکی بۆ گەشەپێدانا چاندنێ ل هەرێما کوردستانێ. گرنگیەکا تایبەت هاتە دان ب "پرۆژێ پەرەپێدانا زنجیرا بهایێ پەتاتەیان"، کو پەیوەندیێ د ناڤبەرا ڤەکۆلینان، پشتەڤانیا

جوتیاران، داهێنانا چاندنێ، و گەشەپێدانا بازاڕی دا دروست دکەت. پرۆژەی پشکداریەکا بەرچاڤ کریە د بهێزکرنا زنجیرا بهایێ پەتاتەیان، دابینکرنا راهێنان و رێنماییکرنا جوتیاران، و پێشڤەبرنا شارەزاییا چاندنێ ب رێیا هەڤکاریێ ل گەل رێکخراوێن

ناڤدەولەتی و هەڤپشکێن کەرتێ چاندنێ.

هەروەسا د. تۆما تیشك ئێخستە سەر پێشڤەبرنا چاندنا هایدرۆپۆنیک (چاندن بێی ئاخ) و ڤەکۆلین و تۆمارکرنا فەرمی یا دوو جورێن نوی یێن پەتاتەیا خۆجهی ب ناڤێن "ئەترا" و "یوسف". ئەڤ دەستکەڤتە نیشان ددەن کا چەوا هەڤکاریا ناڤدەولەتی دشێت پشتەڤانیا

ڤەکۆلینێن چاندنێ یێن گونجای بۆ دەڤەرێ بکەت، نویگەریێ هان بدەت، ئاسایشا خوارنێ بهێز بکەت، و دەلیڤەیان بۆ جوتیاران و دەرچوویێن چاندنێ پەیدا بکەت. سیمینارێا جەخت ل سەر گرنگیا گرێدانا ڤەکۆلینێن زانکۆیێ ب پێدڤیێن پراکتیکی، هەڤپەیمانیێن پیشەسازی، و گەشەپێدانا چاندنێ یا دۆمدار کر.

د سیمینارەکا دووێ دا، د. ئەحمەد خەیرەدین عەلی باس پرۆژێ RISE کر، و ئارمانج و پێشڤەچوونێن پرۆژەی، ل گەل رۆلێ سەنتەرێ پەرەپێدانا كاری (CDC) د ئامادەکرنا قوتابیان و دەرچوویان بۆ بازاڕێ کاری دا خستنە روو. د پێشکێشکرنێ دا گرنگیا

رێنماییکرنا پیشەیی، گەشەپێدانا شیانێن کارپێکرنێ، ئاڤاکرنا شیانێن دامەزراوەیی، و هەڤکاریا ناڤدەولەتی بۆ هاریکاریکردنا قوتابیان هاتە دووپاتکرن دا کو زانینا خۆ یا ئەکادیمی بگوهۆڕنە دەلیڤەیێن پیشەیی.

د ڤێ هەلکەڤتێ دا هەروەسا تیشك هاتە ئێخستن سەر پشکداریکرنا زانکۆیا دهۆك د پێنجاپرۆژەیێن ناڤدەولەتی دا: APPRAIS، MOVE، TeachersMOD، RISE، و TRANSITION. ب هەڤپشک، ئەڤ دەستپێشخەرییە پشتەڤانیا پێشڤەچوونا پەروەردەیی، هەڤکاریا ئەکادیمی یااناڤدەولەتی، باشترکرنا فێرکاری و فێربوونێ، ئاڤاکرنا شیانێن دامەزراوەیی، پێشڤەبرنا

کارامەییان، و هەڤکاریێ د بوارێ کەلەپۆرێ کەلتۆری دا دکەن. ئەڤ کارانە شێوازێن جودا جودا نیشان ددەن کا چەوا هەڤپەیمانیێن ناڤدەولەتی دکارن ژینگەها ئەکادیمی یا زانکۆیێ بهێز بکەن و خزمەتێن وێ بۆ جڤاکی بەرفرەهتر لێ بکەن.

ب رێیا Erasmus+ و هەڤکاریێن دی یێن ناڤدەولەتی، زانکۆیا دهۆك بەردەوامە د گرێدانا گرنگیپێدانێن خۆجهی ب شارەزاییێن ناڤدەولەتی ڤە، ب ڤێ ژی دەلیڤەیان بۆ ئاڵوگۆڕا زانینێ، هەڤکاریا ڤەکۆلینان، و نویگەریا پراکتیکی دروست دکەت. ئەڤ چالاكیە پێگری و پابەندبوونا ستراتیژی یا زانکۆیێ نیشان دا ب ناڤدەولەتیکرنێ، کوالێتیا پەروەردەیی، پێشڤەبرنا قوتابی و دەرچوویان، کارتێکرنا ڤەکۆلینان، و پشکداریا جڤاکی؛ و دا دیارکرن کا چەوا هەڤپەیمانیێن بەردەوام دشێن مفا و دەستکەڤتان ل دەرڤەی کەمپا

زانکۆیێ ژی بەرهەم بینن.

ڤێرە كلیك بكە بۆ دیتنا وێنەیان

نڤیسینگەها راگەهاندنا زانکۆیێ، ١٧ـی چریا ئێکێ ٢٠٢٦

ئامادەکرن: فاطمە محمود عەلی

وێنەگرتن: محەمەد ع. تاهر

پەیڤێن سەرەکی:

- رۆژێن ئێرەسمەس ٢٠٢٦

- پرۆژەیێن ناڤدەولەتی یێن زانکۆیا دهۆك

- هەڤکاریا ناڤدەولەتی یا Erasmus+

- پرۆژێ پەرەپێدانا زنجیرا بهایێ پەتاتەیان