دیاربەكر، تركیا ، گولانا 2026 | نڤیسینگەها راگەهاندنا زانکۆیێ (UNPO)

وەکو پشکەک ژ پێگیریا خۆ یا ستراتیژی بۆ پێشخستنا ئاڤاکرنا ئاشتیێ، دادپەروەریا

جێندەری، هەڤگرتنا جڤاکی و پشکداریا ئەکادیمی یا ناڤدەولەتی، سەنتەرێ ڤەکۆلینێن

یەکسانیا جێندەری ل زانکۆیا دهۆک پشکداری د "دیدارا ئاشتی و ئازادیا كۆمەلایەتی " دا

کر، کو ل باژێرێ دیاربەكرێ، ژ 12 تا 16ـی گولانا 2026 بەردەوامە.

ئەڤ دیدارە كو پارێزگارێ دهۆكێ، د. عەلی تەتەر تێدا ئامادەبوو، ژ لایێ شارەدەریا مەزن یا دیاربەكرێ ڤە هاتیە رێکخستن و تێدا ئەکادیمی،

ڤەکۆلەر، نوینەرێن جڤاکێ سڤیل، و شارەزایێن ئاڤاکرنا ئاشتیێ ژ سەرانسەری دەڤەرێ

کۆمکرن بۆ گەنگەشەکرنا بابەتێن گرێدایی:

- ئاوارەبوون و ڤەگەڕیان

- دادپەروەری و پێکڤەژیان

- یەکسانیا جێندەری و ئاشتیا جڤاکی

- مافێن کێمینەیان و خۆڕاگریا جڤاکی

- کۆچبەری و هەڤگرتنا جڤاکی

وەکو پشکەک ژ چالاکیێن کۆربەندی، سەنتەری پشکداری د وۆرکشۆپەکا تایبەتمەند دا کر ل

ژێر ناڤێ: "ژ ئاوارەبوونێ بەرەڤ پێکڤەژیانێ: دادپەروەری، ڤەگەڕیان، و هەڤگرتنا

جڤاکی ل هەرێما کوردستانێ" ئەڤ وۆرکشۆپە ب هەڤکاری دگەل سەنتەرێ ئاشتی و

ئاسایشا مرۆڤی ل زانکۆیا ئەمریکی ل کوردستانێ هاتبوو رێکخستن و مەرەم پێ

ئافراندنا ژینگەیەکا دیالۆگێ یا بەراوردکاری بوو کو ئەزموونێن هەرێما کوردستانێ

و جڤاکێن کوردی ل تورکیا ب هەڤڤە گرێ بدەت.

پشکداریا زانکۆیا دهۆک دەربارەی دادپەروەریا جێندەری و هەڤگرتنا جڤاکی د چارچووڤەیێ

روینشتنێن وۆرکشۆپێ دا، رێڤەبەرا سەنتەری، د. دلین سەردار زوهدی ژ زانکۆیا دهۆک

پشکداری د روونشتنەکێ دا کر ب ناڤێ: "هەڤسەنگیا جێندەری: رێیەک بۆ ئاڤاکرنا ئاشتیا کۆمەلایەتی دناڤبەرا یاسا و راستیێ دا"

ئەڤ روینشتنە تیشک ئێخستە سەر:

- گەهشتنا ئافرەتان ب دادپەروەریێ

- پشکداریا ژنائافرەتان ن د پرۆسەیێن ئاڤاکرنا ئاشتیێ دا

- ئەو ئاستەنگێن رووبڕووی ژنێن کێمینە و ئاوارە دبن

- کەلێنا د ناڤبەرا چارچۆڤەیێن یاسایی و راستیێن ژیانا جڤاکێن پشتی ململانێیان

د گەنگەشەیان دا تەکەزی ل سەر گرنگیا تێکەلکرنا دیتنێن جێندەری د ناڤ دەستپێشخەریێن

ئاڤاکرنا ئاشتیێ، حوکمڕانی و ڤەژاندنا جڤاکی دا هاتە کرن، ب تایبەتی ل وان جڤاکێن ژ

ئەگەرێ ئاوارەبوونێ زیانڤێکەفتی.

پێشخستنا دیالۆگێ، ئاڤاکرنا ئاشتیێ و هەڤکاریا ناڤدەولەتی کۆربەند ب روینشتنێن

کارلێکەر و فرەزمان هاتبویە دیارکرن کو بابەتێن کۆچبەری، پێگرێدان،

حوکمڕانی، بیردانک، ناسنامە و ساخکرنا جڤاکی بخۆڤە دگرتن. ڤی هەلکەڤتێ پلاتفۆرمەکا

هەرێمی یا گرنگ ئافراند بۆ ئالۆگۆرکرنا ئەزموونان و بهێزکرنا دیالۆگا ئەکادیمی و

جڤاکی یا سنووربەزێن ل سەر پێکڤەژیانا ئاشتیانە و مافێن مرۆڤی.

پشکداریکردن د ڤی کۆربەندێ ناڤدەولەتی دا، رەنگڤەدانا پێشینەیێن ستراتیژی یێن

بەرفرەهتر یێن زانکۆیا دهۆکە د ڤان بواران دا:

- پێشئێخستنا یەکسانیا جێندەری و گەشەپێدانا گشتگیر

- بهێزکرنا هەڤکاریا ئەکادیمی یا ناڤدەولەتی

- هاندان بۆ ئەنجامدانا ڤەکۆلین و دیالۆگێن ئاراستەکری بۆ جڤاکی

ب رێیا ڤان پشکداریێن ناڤدەولەتی، زانکۆیا دهۆک بەردەوامە ل سەر بهێزکرنا پێگەهێ

خۆ وەکو دامەزراوەیەکا ئەکادیمی یا چالاک کو پشکداریێ د ئاشتی، دادپەروەری،

دیالۆگا ناڤبەرا کەلتۆران و گەشەپێدانا جڤاکی یا دۆمدار دا دکەت.

ڤێرە کلیک بکە بۆ دیتنا وێنەیان

نڤیسینگەها راگەهاندنا زانکۆیێ، 16ـی گولانا 2026
ئامادەکرن: فاطمە محمود عەلی

پەیڤێن سەرەکی: پشکداریا زانکۆیا دهۆک د دیدارا ئاشتیێ دا،

دادپەروەریا جێندەری ل زانکۆیا دهۆک، کۆربەندێ ئاشتی و ئازادیێ ل ئامەدێ،

هەڤگرتنا جڤاکی ل هەرێما کوردستانێ، پشکداریا ئەکادیمی یا ناڤدەولەتی یا زانکۆیا

دهۆک.