٤٠٠ پشکدار و ئێك سەکۆیا سەرکەڤتنێ: یاریزانا زانکۆیا دهۆك پلا سێیێ د ماراسۆنا زاخۆ دا بدەستڤەدئینیت
زاخۆ، ١٥ـی چریا دووێ، ٢٠٢٦ | نڤیسینگەها راگەهاندنا زانکۆیێ (UNPO) — ل ١٢ـی چریا دووێ، ٢٠٢٦، تیما وەرزشی یا زانکۆیا دهۆك پشکداری د “ماراسۆنا ساخلەمی یا زاخۆ” دا کر، کو قارەمانیەکا غاردانا جەماوەری بوو ل سەر کۆرنیشێ ئیدارەیا سەربەخۆیا زاخۆ برێڤەچووی، ب پشکداریا چالاکانە یا ژمارەکا یاریزانێن تیمێ یێن کچ و کـوڕ.
د ڤێ قارەمانیێ دا، کو نێزیکی ٤٠٠ کەسان پشکداری تێدا کربوو (نێزیکی ٣٠٠ کـوڕ و ١٠٠ کچ)، یاریزانێن زانکۆیا دهۆك شیان ئاستەکێ بلند پێشکێش بکەن و دەستکەڤتێن بەرچاڤ بدەستڤەبینن؛ کو تێدا یاریزانا زانکۆیێ (رەنا بەرەکات) شیا پلا سێیێ ل سەر ئاستێ
قارەمانیێ بدەستخۆڤەبینیت. ئەڤ پشکداریە ژی ب سەرپەرشتیا رێڤەبەریا وەرزشی یا زانکۆیێ و د. ئازاد ئەحمەد خالد، مامۆستایێ کۆلیژا پەروەردا جەستەیی و زانستێن وەرزشی هاتە ئەنجامدان.
پشکداریکرن د چالاکیێن وەرزشی یێن جەماوەری دا رەنگڤەدانا پێگریا زانکۆیا دهۆكە ب گرنگیدان ب پشکداریا قوتابیان، چالاکیا جەستەیی و پەیڕەوکرنا ژیانەکا ساخلەم؛ د هەمان دەم دا، دەرفەتێ بۆ قوتابیان دڕەخسینیت دا کو شیانێن خۆ دیار بکەن، بەهرەیێن
خۆ یێن وەرزشی پێش بێخن و ب شێوازەکێ شایستە نوینەراتیا زانکۆیێ د روودانێن وەرزشی یێن دەڤەرێ دا بکەن.
هەروەسا ئەڤ دەستکەفتە پشتەڤانیێ ل کارێن ل پێشین یێن ستراتیژی یێن زانکۆیێ دکەت، نەخاسمە د ستوونێن "ب هێزکرنا شیانێن قوتابیان" و "پشکداریا کارتێکەر د جڤاکی دا"، ب رێیا هاندانا قوتابیان بۆ وەرزشێ، بەلاڤکرنا کەلتوورێ ساخلەمیێ و موکۆمکرنا پەیوەندیا زانکۆیێ دگەل جڤاکی ب گشتی.
ڤێرە کلیك بکە بۆ دیتنا وێنەیان
نڤیسینگەها راگەهاندنا زانکۆیێ، ١٥ـی چریا دووێ، ٢٠٢٦
راپۆرت: فاطمە مەحمود عەلی
پەیڤێن سەرەکی یێن نووچەی:
تیما وەرزشی یا زانکۆیا دهۆك | ماراسۆنا ساخلەمی یا زاخۆ ٢٠٢٦ | رەنا بەرەکات | دەستکەڤتێن وەرزشی یێن زانکۆیێ | وەرزشا قوتابیان و چالاکیا جەستەیی.