زانکۆیا دهۆك (UOD)، تیرمەها ٢٠٢٦ | نڤیسینگەها راگەهاندنا زانکۆیێ (UNPO)

رێڤەبەریا راگەهاندنێ و پەیوەندیێن گشتی، ب رێیا نڤیسینگەها راگەهاندنا زانکۆیێ (UNPO)، و ل سەر داخوازیا سەرۆكێ زانكۆیا دهۆك، د. داود سلێمان ئەتروشی، ب شانازی ڤە ژمارا ئێکێ یا "بەلاڤۆکا زانکۆیا دهۆك" (UOD Newsletter) دەرئێخست، کو وەرچەرخانەكا گرنگە د پەیوەندیێن سازی و پێگیریا ستراتیژی یا زانکۆیێ دا. وەکو بەلاڤۆکا فەرمی یا زانکۆیێ، ئەڤ بەلاڤۆکە پلاتفۆرمەکا نوی پەیدا دکەت بۆ بەلگەکرنا دەستکەڤتێن سازی، پیرۆزکرنا پێشکەڤتنا ئەکادیمی، و دیارکرنا کارتێکرنا پەروەردە، ڤەکۆلین، داهێنان، هەڤپەیمانیێن ناڤدەولەتی و پشکداریا جڤاکی یا زانکۆیا دهۆك.

بەلاڤۆکا هەیڤانە یا زانکۆیا دهۆك حەفتیا ئێکێ ژ هەر هەیڤ ب زمانێن ئینگلیزی، کوردی و عەرەبی دهێتە بەلاڤکرن، کو دەستپێشخەریەکا پەیوەندیا ستراتیژی یە و پشتەڤانیێ ل بجهئینانا پلانا ستراتیژی یا زانکۆیا دهۆك (٢٠٢٣-٢٠٣٨) دکەت. مەرەم ژێ بهێزکرنا ناسنامەیا سازی، بەرەڤپێشبرنا شەفافیەتێ، زێدەکرنا دیاربوونا ناڤدەولەتیە، هەروەسا دبیتە ئەرشیفەکێ دیجیتاڵی یێ بەردەوام بۆ بەلگەکرنا دەستکەڤتێن ئەکادیمی، جڤاکی، و ڤەکۆلینێن زانکۆیێ، د هەمان دەم دا جڤاکێ زانکۆیا دهۆك و هەڤپشکێن وێ ب ئاگەهدار و گرێدای دهێلێت.

ژمارا ئێکێ یا بەلاڤۆکا زانکۆیا دهۆك بخوینە
ڤێرە كلیك بکە بۆ خواندنا ژمارا ئێکێ.

د پەیوەندیێ دا بمینە
بەلاڤۆکا زانکۆیا دهۆك سەبسكرایب کە بۆ وەرگرتنا ژمارێن داهاتی ب شێوەکێ راستەوخۆ.

ژمارا ئێکێ تیشکێ دئێخیتە سەر پێشکەڤتنا زانکۆیێ بەرەڤ باوەرپێکرنا دامەزراوەیی ب رێیا دەستەیا متمانەبەخشینا پرۆگرام و دامەزراوەیێن پەروەردە و خواندنێ ل هەرێما کوردستانێ (KAAE)، هەروەسا دەستکەڤتەکێ بەلاڤکرنێ یێ ناڤدەولەتی یێ پرۆفیسۆرەکێ زانکۆیا دهۆك، دەستپێشخەریێن ڤەکۆلین و داهێنانێ، بزاڤێن دۆمداریێ، خالێن گرنگ یێن سازی، و چەندین چیرۆك ژ کۆلیژ و سەنتەرێن زانکۆیێ.

ئەڤ بەلاڤۆکە بەرهەمێ بزاڤەکا هەڤپشکە ژ لایێ نڤیسینگەها راگەهاندنا زانکۆیێ ڤە. ب سەرپەرشتیا سەرنڤیسەرێ جێبەجێکار (عسمەت م. خابوور) و سەرنڤیسەر (فاطمە محمود علی)، دگەل ئەندامێن تیما نڤیسینێ (ماهر تاهر سالح) و (مێهڤان م. سالح)، وێنەگر (عەلی حەبيب حەبيب)، و دیزاینەر (باوەر محەمەد سدیق) هاتیە بەرهەڤکرن. شارەزایی و دلخوازیا وان یا هەڤپشك، بەلاڤۆکەکا سازی یا پیشەیی بەرهەم ئینایە کو رەنگڤەدانا ناسنامە، بها و ئاراستەیا ستراتیژی یا زانکۆیێ یە.

دەرئێخستنا بەلاڤۆکا زانکۆیا دهۆك، پێگیریا زانکۆیێ ب پەیوەندیێن سازی یێن کارا و پشکداریا لایەنێن پەیوەندیدار بهێزدکەت. وەکو بەلاڤۆکەکا سازی یا بەردەوام، دێ بەردەوام بیت ل سەر بەلگەکرنا کاروانێ زانکۆیێ، پیرۆزکرنا پێشکەڤتنێ، و بهێزکرنا دیاربوون و ناڤودەنگێ ناڤدەولەتی یێ زانکۆیا دهۆك ب رێیا گێڕانا چیرۆکێن کاریگەر و پەیوەندیێن ستراتیژی.

ژمارا ئێکێ یا بەلاڤۆکا زانکۆیا دهۆك بخوینە
ڤێرە كلیك بکە بۆ خواندنا ژمارا ئێکێ.

د پەیوەندیێ دا بمینە
بەلاڤۆکا زانکۆیا دهۆك سەبسكرایب کە بۆ وەرگرتنا ژمارێن داهاتی ب شێوەکێ راستەوخۆ.

نڤیسینگەها راگەهاندنا زانکۆیێ، تیرمەها ٢٠٢٦
راپۆرت ژ لایێ: فاطمە محمود عەلی