زانكۆيا دهۆك رێزێ ل پرهکا زیندی یا رەوشەنبیریا کوردی و جیهانی "بەدەل رەڤۆ"ی دگریت
زانكۆيا دهۆك – ١٥ـی شواتا ٢٠٢٦ | نڤيسينگهها راگەهاندنا زانكۆيێ
د رێورەسمەکێ رێزگرتنێ یێ پڕی رامان دا بۆ وان کەسایەتیێن کو ژیانا خۆ بۆ ئاڤاکرنا پرێن پەیوەندیان د ناڤبەرا کەلتووران دا تەرخان دکەن، ل رێکەڤتی ١٢ـی شواتێ ٢٠٢٦، سەرۆکاتیا زانکۆیا دهۆک رێزلێنانەکا تایبەت ل نڤیسکار، وەرگێر، و گەڕۆکێ کورد یێ ناڤدار لسەر ئاستێ جیهانی، "بەدەل رەڤۆ"ی گرت.
د رێورەسمەکێ دا ب ئامادەبوونا پ. د. داود سلێمان ئەتروشی، سەرۆکێ زانکۆیا دهۆک، و سەرکردایەتیا زانکۆیێ ژ هاریکارێ سەرۆکێ زانکۆیێ، بۆ کاروبارێن قوتابیان، و راگرێ کۆلیژا زمانان و هژمارەکا ستافێ ئەکادیمی، سەرۆکێ زانکۆیێ ب گەرمی بخێرهاتنا بەدەل رەڤۆی کر. د پەیڤا خۆ دا، د. ئەتروشی دەستخۆشی ل وی کارێ مەزن کر یێ کو ب رێکا وەرگێران و نڤیسینێن خۆ، ئەدەب و کەلتۆرێ کوردی ب جیهانێ ددەتە نیاسین و ئاماژە ب وی رۆلێ دیرۆکی کر د ئاڤاکرنا دیالۆگا شارستانی د ناڤبەرا گەلێ مە و گەلێن دی دا.
ژ لایێ خۆ ڤە، بەدەل رەڤۆی سوپاسیا پێشوازیا گەرم کر و ئەو خزمەتا پێشکێش دکەت ب ئەرکەکێ نشتیمانی و رۆناکبیری و مرۆڤایهتى زانی بۆ ئاڤاکرنا تێگەهشتنێ د ناڤبەرا گەلان دا.
د روینشتنێ دا، دانوستاندن لدۆر کەتوارێ رەوشەنبیریا هەرێما کوردستانێ و رۆلێ گرنگ یێ رەوشەنبیران د ناساندنا کەلتۆر و هۆنەرێ کوردی دا هاتنە کرن. ل دویماهیێ، و وەکو رێزگرتن ل ماندبوونا وی یا چەندین سالان د بياڤێ ديپلۆماسييهتا رهوشهنبيرى دا، باوەرنامەیا رێزلێنانێ، لۆگۆیێ زانکۆیێ، و هندەک بەرهەمێن ئەدەبی یێن چاپکری بۆ ناڤبری هاتنە پێشکێشرن.
ئهڤ رێزلێنانه دهربڕينێ ژ پلانا ستراتيژى يا زانكۆيا دهۆك (٢٠٢٣-٢٠٣٨) دكهت، ب تايبهتى د تهوهرێ پێگيرييا وێ ب تێكهلييا رهوشهنبيرى يا ناڤدهولهتى، ئالوگۆڕكرنا زانينێ، و ب هێزكرنا كاريگهرييا هزري يا زانكۆيێ ل سهر ئاستێ جيهانێ.
ڤێرە کلیک بکە بۆ دیتنا وێنەیان
راگەهاندنا زانکۆیا دهۆک؛ ١٥ـی شوباتێ ٢٠٢٦
راپۆرت: عسمەت خابوور
پهیڤێن سهرهكى:
زانكۆيا دهۆك
ديپلۆماسييهتا رهوشهنبيرى يا كوردستانێ
بهدهل رهڤۆ
وهرگێرانا ئهدهبێ كوردى
ديالۆگا د ناڤبهرا كهلتووران دا