زانكۆیا دهۆك، گولانا ٢٠٢٦ | نڤیسینگەها راگەهاندنا زانكۆیێ (UNPO)

ل دویڤ دیتنا وێ یا ستراتیژی بۆ بهێزكرنا نایابیا ئەكادیمی و ڤەكۆلینێن زانستی و

ڤەگۆهاستنا دیجیتاڵی و تێكەلبوونا ل گەل جڤاكی، جڤاتا زانكۆیا دهۆك (UOD) ل

مەها گولانا ٢٠٢٦ـێ دوو كۆمبوونێن گرنگ ئەنجامدان، كو تێدا گەنگەشە ل سەر

كۆمەك ژ دەستپێشخەریێن ستراتیژی یێن ئەكادیمی و ڤەكۆلین و پێشخستنا سازیاتی كر،

كو ئارمانج ژێ بلندكرنا پێگەهێ هەرێمی و ناڤدەولەتی یێ زانكۆیێ یە.

كۆمبوونا ئێکێ – ٦ـی گولانا ٢٠٢٦

جڤاتا زانكۆیا دهۆك پڕۆژێ ئەتڵەسا پارێزگەها دهۆكێ و دەستپێشخەریێن گەشەپێدانا ئەكادیمی پەسەند دكەت

جڤاتا زانكۆیێ ڕوینشتنا خۆ یا ئاسایی یا نەهێ بۆ سالا خواندنێ ٢٠٢٥-٢٠٢٦ ب

سەرپەرشتیا دكتۆر داود سلێمان ئەتروشی، سەرۆكێ زانكۆیا دهۆك، و ب پشكداریا

ئەندامێن جڤاتێ و سەركردایەتیا ئەكادیمی ئەنجام دا.

ئێک ژ گرنگترین ئەنجامێن كۆمبوونێ پەسەندكرنا پڕۆژێ ئەتڵەسا پارێزگەها دهۆكێ بوو،

كو ژ لایێ پشكا جوگرافیایێ ڤە هاتبوو پێشكێشكرن. ئارمانجا پڕۆژەی دروستكرنا

لێڤەگەرەکێ زانستی و جوگرافی یێ گشتگیرە كو داتایێن هویر یێن جهی و دیمۆگرافی

ب خۆڤە دگریت ب مەرەما پالپشتیكرنا:

- سازیێن حكومی

- پلاندانانا شارسازی و هەرێمی

- پڕۆژەیێن گەشەپێدانێ

- ڤەكۆلەر و بڕیاردەران

- خزمەتگۆزاریێن جڤاكی و پلاندانانا گەشەپێدانا دۆمدار

ئەڤ دەستپێشخەرییە ڕەنگڤەدەرا رۆلێ بەرچاڤ یێ زانكۆیا دهۆكە وەكو سەنتەرەکێ

ڤەكۆلینێن ستراتیژی كو ب ڕێیا پلاندانانا ل سەر بنەمایێ داتایان و ڤەكۆلینێن

زانستی یێن كارەكی، خزمەتا هەرێما كوردستانێ دكەت.

پێشخستنا پڕۆگرامێن ئەكادیمی و تێكهەلکرنا سیستەمێن پێزانینێن جوگرافی (GIS)

وەك پشكەک ژ بزاڤێن نویژەنكرنا پڕۆگرامێن ئەكادیمی و گونجاندنا وان ل گەل پێدڤیێن

بازاڕێ كاری و پێشكەڤتنێن تەكنۆلۆژی، جڤاتا زانكۆیێ بڕیار دا ناڤێ پشكا جوگرافیا

ل كۆلیژا زانستێن مرۆڤایەتی بێتە گوهۆرین بۆ پشكا جوگرافیا كارەكی و سیستەمێن

پێزانینێن جوگرافی (GIS).

ئەڤ بڕیارە پالپشتیێ ل پابەندبوونا زانكۆیا دهۆكێ دكەت بۆ:

- تەكنۆلۆژیایێن دیجیتاڵی و جهی یێن پێشكەڤتی

- پەروەردەیا زانستی یا كارەكی

- فێربوونا ل سەر بنەمایێ ڤەكۆلینێ

- بلندكرنا دەلیڤەیێن كاری یێن دەرچوویان و شیانێن وان یێن تەكنیکی

پاڵپشتیكرنا قوتابیان و ئاسانكاریا ئەكادیمی

هەروەسا جڤاتێ چەندین دەستپێشخەریێن گرێدای قوتابیان پەسەند كرن، ژ وان ژی:

- ڕێکخستنا سەیران و گەشتێن قوتابیان ب هەماهەنگی ل گەل ئێکەتیا

قوتابی و لاوێن دیموکراتا کوردستانێ

- درێژكرنا دەمێ تۆماركرنا بابەتان د پرۆسێسا بۆلۆنیا دا ژ ١٠ـێ گولانێ بۆ ١٩ـی

گولانێ ب مەرەما پێشكێشكرنا ئاسانكاریا كارگێڕی یا پتر و پالپشتیكرنا

قوتابیان

كۆمبوونا دووێ – ١١ـی گولانا ٢٠٢٦

جڤاتا زانكۆیا دهۆك گەنگەشەیا ستراتیژیەتێن ڤەكۆلینێن زانستی و پڕۆژەیێن ڤەگەهاستنا دیجیتاڵی دكەت

ل ١١ـی گولانا ٢٠٢٦ـێ، جڤاتا زانكۆیێ كۆمبوونەکا نەئاسایی ب سەرپەرشتیا دكتۆر داود

سلێمان ئەتروشی، سەرۆكێ زانكۆیا دهۆك، و ب پشكداریا ئۆنلاین یا دكتۆر ئەمیر چالی،

بریکارێ وەزارەتا خواندنا بلند و ڤەكۆلینێن زانستی، هەروەسا ب ئامادەبوونا ئەندامێن

جڤاتا زانكۆیێ و نوینەرێن ئەكادیمی ئەنجام دا.

ل دەستپێكا كۆمبوونێ دا، دكتۆر داود جەخت ل سەر گرنگیا بجهئینانا ستراتیژیەتەکا

دامەزراوەیی یا ڕوون كر كو تێدا ڤەكۆلینێن زانستی ببنە پاڵنەرەک بۆ چارەسەركرنا

كێشەیێن جڤاكی و پێشڤەبرنا گەشەسەندنا زانستی ل سەرانسەری هەرێمێ.

بلندكرنا ئاستێ بەرچاڤبوونا ڤەكۆلینان د ئاستێ ناڤدەولەتی دا

د دەمێ كۆمبوونێ دا:

- دكتۆر هشیار عەزۆ نەجیب، جێگرێ ڕاگرێ سەنتەرێن ڤەكۆلینێن زانستی، ستراتیژیەتەک

بۆ زێدەكرنا بەلاڤۆكێن ناڤدەولەتی و كاریگەریا ڤەكۆلینان پێشكێش كر.

- ئاماران دیار كر كو بەرهەمداریا ڤەكۆلینان ل زانكۆیا دهۆك ژ ١٤٨ ڤەكۆلینێن

بەلاڤكری د سالا ٢٠١٧ـێ دا بلند بوویە بۆ ٤٠٠ ڤەكۆلینان د سالا ٢٠٢٤ـێ دا.

- هەروەسا هاتە ڕاگەهاندن كو ٨٧٥ مامۆستایێن زانكۆیا دهۆك ڤەكۆلینێن خۆ د

داتابەیسا جیهانی یا سکۆپەس (Scopus) دا بەلاڤکرینە، كو ئەڤە ژی

ڕەنگڤەدەرا گەشەسەندنا ئامادەبوونا ئەكادیمی یا ناڤدەولەتی یا زانكۆیێ

یە.

هێلێن ڤەكۆلینێ و ستانداردێن بەلاڤكرنێ

هەروەسا راگرێ ەسەنتەرێ ڤەكۆلینان، د. شێرزاد سەبری عەلی، گەنگەشە ل سەر ڤان خالان كر:

- نویكرنا هێلێن ڤەكۆلینا زانكۆیێ ل دویڤ پێدڤیاتیێن بازاڕی و پێشڤەچوونێن زانستی

یێن سەردەمیانە

- پێشخستنا ڕێبازێن ڤەكۆلینا تێكەل و كارەكی

- دانانا ستانداردێن ئێکگرتی بۆ دیزاین و ناسنامەیا بینینێ یا چاپكریێن زانكۆیا

دهۆك ل سەر بنەمایێ ڕێنمایێن زانستی یێن ناڤدەولەتی وەكو شێوازێ (APA)

وەرچەرخانا دیجیتاڵی و تێكەلکرنا ژیریا دەستكرد

د بیاڤێ دیجیتاڵكرنێ دا، رێڤەبەرێ خزمەتین پێزانینان، م. دلێر ئەحمەد یونس، پێداچوون ب پلانێن ل خوارێ كر:

- نویژەنكرنا وێبسایتێ زانكۆیێ و ئێکگرتنا سەبدۆمەینێن كۆلیژان

- سەردەمیانەكرنا سیستەمێ ئیمێلێن دامەزراوەیی و پرۆفایلێن ئەكادیمی

- ئامادەكاری بۆ كاراکردنا خزمەتگۆزاریێن دیجیتاڵی یێن پێشكەڤتی، ژ وان ژی

ناسنامەیا دیجیتاڵی یا زانكۆیا دهۆك (UOD Digital ID) و هاریكارێ ژیریا

دەستكرد یێ زانكۆیا دهۆك (UOD AI Assistant)

ئەڤ دەستپێشخەرییە ستراتیژیەتا پێشینە یا زانكۆیا دهۆك د حوكمڕانیا دیجیتاڵی،

تێكەلکرنا ژیریا دەستكرد، و سیستەمێن زانكۆیا زیرەك دا نیشان ددەن.

گونجانا ستراتیژی ل گەل دیتنا زانكۆیا دهۆك

ئەو دەستپێشخەریێن د هەردوو كۆمبوونان دا هاتینە گەنگەشەكرن، پێشینەیێن

زانكۆیا دهۆك بهێز دكەن د بیاڤێن:

- هەڤڕكیا ڤەكۆلینێن ناڤدەولەتی

- وەرچەرخانا دیجیتاڵی و داهێنان

- ڤەكۆلینێن زانستی یێن ئاراستەكری بۆ خزمەتا جڤاكی

- گەشەپێدانا هەرێمی یا دۆمدار

- خزمەتگۆزاریێن ئەكادیمی یێن قوتابی-تەوەر

- سەردەمیانەكرنا سازیاتی و پشكداریا جیهانی

ب ڕێكا ڤان دەستپێشخەریێن ستراتیژی، زانكۆیا دهۆك بەردەوامە ل سەر بهێزكرنا پێگەهێ

خۆ وەكو دامەزراوەیەکا ئەكادیمی و ڤەكۆلینێ یا پێشەنگ كو پابەندە ب داهێنان،

گەشەپێدانا جڤاكی، و نایابیا ئەكادیمی.

كلیك ل ڤێرێ بكە بۆ دیتنا وێنەیان

نڤیسینگەها راگەهاندنا زانكۆیێ، ١٣ـی گولانا ٢٠٢٦
ڕاپۆرت: عسمەت مەحموود محەمەد

ێنەگرتن: هەرمان جانگیر ئەحمەد

پەیڤێن سەرەكی: پڕۆژەیێن ستراتیژی یێن زانكۆیا دهۆك، ستراتیژیەتا

ڤەكۆلینێن زانستی یا زانكۆیا دهۆك، پڕۆژێ ئەتڵەسا پارێزگەها دهۆكێ،

ڤەگۆهاستنا دیجیتاڵی یا زانكۆیا دهۆك، سیستەمێ پێزانینێن جوگرافی و

جوگرافیا كارەكی كوردستان.