زانكۆیا دهۆک – 11ـی شواتا 2026 | نڤيسينگەها راگەهاندنا زانينگەهێ

زانكۆیا دهۆک پانێلەکێ ئەکاديمى يا ئاست بلند ل ژێر ناڤونيشانێ "سەرۆک بارزانى: وەک مەرجەعەک بۆ چارەسەرکرنا پرسا کوردى ل رۆژئاڤا" رێکئێخست، کو تێدا ژمارەکا بسپۆر، شرۆڤەکارێن سياسى و کەسايەتيێن ديار بەرهەڤ ببون بۆ گەنگەشەکرنا پێشهاتێن داويێ ل سوريا و رەوشا دەڤەرێ ب گشتى.

ئەڤ چالاکيە ب هەڤکارى د ناڤبەرا پێنج سەنتەرێن ڤەکۆلينان يێن زانكۆیێ دا هاتە رێکخستن: سەنتەرێ بێشکچى بۆ ڤەکۆلينێن مرۆڤايەتى، سەنتەرێ ڤەکۆلينێن جينۆسايدێ، سەنتەرێ ڤەکۆلينێن فيدراليزمێ، سەنتەرێ ڤەکۆلينێن ئاشتى و چارەسەرکرنا ململانێ، و سەنتەرێ خواندنێن يەکسانيا جێندەرى. پانێل ل سەنتەرێ كۆنفرانسان يێ زانكۆیێ، ب ئامادەبوونا ئەکاديمى، برياربدەر، رەوشەنبير و مامۆستايێن زانكۆیێ هاتە برێڤەبرن.

د پەیڤا خۆ يا دەستپێکێ دا، د. داود سلێمان ئەتروشى، سەرۆکێ زانكۆیێ، تەکەز ل سەر بەرپرسيارەتييا زانستى و نەتەوەيى يا زانكۆیێ کر بۆ پێشکێشکرنا شڕۆڤەکرنێن ئەکاديمى يێن بێلايەن ل سەر پرسێن هەستيار يێن دەڤەرێ، ب تايبەتى ئەوێن گرێدايى پاشەرۆژا گەلێ کورد. ناڤبرى پابەندبوونا زانكۆیێ دوپات کر بۆ بەردەواميدان ب ديالۆگا زانستى ل سەر رۆژئاڤا و بابەتێن دى يێن ستراتيژى يێن کو سەقامگيريا دەڤەرێ ديار دکەن.

رەهەندێن ستراتيژى و ديپلۆماسى

پەیڤدارێ ئێکێ: بەرێز سەربەست لەزگين
بابەت: پێشهاتێن جيۆپۆليتيکى ل سوريا و رۆلێ ديپلۆماسى يێ سەرۆک بارزانى

بەرێز سەربەست لەزگين، بەرپرسێ نڤيسينگەها رێکخستنا دهۆک يا پارتى ديموکراتى کوردستان، شرۆڤەکا ورد ل سەر گوهۆڕينێن سياسى ل ڕۆژهەلاتا ناڤين و سياسەتا جيهانى يا کاريگەر ل سەر دەڤەرێ پێشکێش کر. ناڤبرى تيشک ئێخستە سەر ڕۆلێ ديپلۆماسى يێ بەردەوام يێ سەرۆک مەسعود بارزانى د قەيرانا سوريا دا، ژ وان ژى:

• پشتەڤانيا مرۆڤى بۆ نێزيکى 200,000 ئاوارەيێن رۆژئاڤا.
• بريارا ديرۆکى يا هنارتنا هێزێن پێشمەرگەی بۆ کۆبانێ.
• بزاڤێن ناڤبەينکاريا ديپلۆماسى ب مەرەما رێگرتن ل ئاڵۆزيان و پاراستنا جڤاکێ کوردى.

هەروەسا ئاماژە ب بزاڤێن ديپلۆماسى يێن داويێ کر کو بووينە ئەگەرێ هێوەرکرن و ديالۆگێ د ناڤبەرا لايەنێن سوريا دا، و تەەکەز ل سەر گرنگيا ستراتيژى يا حيکمەتا سياسى کر بۆ رێگرتن ل بەرفرەهبوونا شەڕى.

پەیڤدارا دووێ: د. زوبەيدە سەعيد سالح (رێڤەبەرا روینشتنێ)
سەرۆکا پشکێ كۆمەلناسی ل کۆليژا زانستێن مرۆڤايەتى، کو ب رێڤەبرنا روینشتنا دووێ رابوو.

پەیڤدارێ سيێ: بەرێز ئەحمەد زاويتەيى
بابەت: پێگەهێ سەرۆک بارزانى د راگەهاندنا ناڤدەولەتى و شەرعيەتا سياسى دا

بەرێز ئەحمەد زاويتەيى، بەرپرسێ سەنتەرێ ميديا و پەيوەندى و ديالۆگێ، شرۆڤەک ل سەر وێنەيێ سەرۆک بارزانى د گۆتارا ميديايا جيهانى دا پێشکێش کر. ناڤبرى ديار کر کو دەزگەهێن راگەهاندنێ يێن جيهانى ب بەردەوامى وى وەک مەرجەعەکێ شەرعى و کاريگەر د پرسێن چارەنڤيسساز يێن دەڤەرێ دا د دەيننە روو.
هەروەسا دوپات کر کو ستراتيژيەتا سياسى يا هەڤسەنگ و پەيوەنديێن ديپلۆماسى رۆلەکێ سەرەکى هەبوويە د رێگرتنێ ل دروستبوونا ناکۆکيێن کوردى-عەرەبى، و ئەڤ رێبازە ب "حيکمەتا سياسى" ناڤکر کو ئەخلاق و دانوستاندنێن ستراتيژى د ناڤ خۆ دا دگونجينيت.

پشکداريا ئەکاديمى و هەڤگونجانا ستراتيژى

روینشتن ب گەنگەشەيەکا ئەکاديمى يا ڤەکری بدوماهىهات، کو تێدا ئامادەبوویان ديتن و بۆچوونێن خۆ ل سەر پاشەرۆژا کوردان ل سوريا و کاريگەريا پێشهاتێن داويێ ل سەر دەڤەرێ پێشکێش کرن.
ئەڤ بويەرە رەنگ ڤەدانا پلانا ستراتيژى يا زانكۆیا دهۆک (2023–2038) ، ب تايبەتى جەختکرنا وێ ل سەر بهێزکرنا سەنتەرێن ڤەکۆلينان، پێشئێخستنا ڤەکۆلينێن ئاشتى و چارەسەرکرنا نەخۆشيان، هاندان بۆ ڤەکۆلينێن پەيوەنديدار ب سياسەتان ڤە، و دانانا زانكۆیا دهۆک وەک پلاتفۆرمەکا هەرێمى بۆ سەرکردايەتیێ و ديالۆگا پشتەبەستى ب بەڵگەيان.

ڤێرە كلیك بكە بۆ دیتنا وێنەیان

نڤیسینگەها راگەهاندنا زانكۆیێ، 11ـی شواتا 2026ـێ
راپۆرت: عسمەت مەحمود محەمەد
وێنە: محەمەد عەبدولكەریم تاهر