زانكۆیا دهۆك – ١٠ـى شوااتا ٢٠٢٦ | نڤیسینگەها راگەهاندنا زانكۆیێ (UNPO) —

كۆلیژا یاسا ل زانكۆیا دهۆك وۆركشۆپەكا زانستی و هشیاریێ ل ژێر ناڤێ "خۆكوشتن: ئەگەر و چارەسەری" ل دۆر دیاردەیا خۆكوشتنێ ژ لایێ ئایینی، جڤاكی و دەروونی ڤە ئەنجامدا.

وۆركشۆپ ل هۆلا كۆلیژا یاسا ب ئامادەبوونا پ. د. ئەڤین خالد عبدالرحمن، راگرا كۆلیژا یاسا، و هژمارەكا مامۆستا و قوتابیان هاتە ئەنجامدان. مەرەم ژ ڤێ چالاكیێ بلندكرنا ئاستێ هشیاریێ بوو د ناڤ قوتابیان دا و دروستكرنا دیالۆگێ ل دۆر مەترسیێن خوەكوشتنێ و رێكێن پاراستنا جڤاكی.

دیتنا ئایینان ل دۆر خۆكوشتنێ

وۆركشۆپێ گەنگەشە ل دۆر دیتنا ئایینێن جودا یێن دەڤەرێ كرن:

• ئایینێ كرستیان: قەشە یوسف یعقوب یوسف دیاركر كو د ئایینێ كرستیان دا خۆكوشتن گونەهەكا مەزنە، چونكی ژیان دیاریەكا خودایی یە و مرۆڤ بۆی نینە وێ دیاریێ ژ ناڤ ببەت.
• ئایینێ ئێزدی: ڤەكۆلەر و چالاكڤان گوهدار علی جوقی دێ ناڤكر كو د ئایینێ ئێزدی دا مرۆڤ جەوهەرێ ئافڕاندنێ یە و پاراستنا ژیانێ ئەركەكێ پیرۆزە و وەك ئەمانەتەكێ خودێ یە.
• ئایینێ ئیسلامێ: د. محمد أمین وحید ابراهیم باس ل حوكمێ شەرعی كر و دیاركر كو گیان ئەمانەتەكێ مەزنە و خۆكوشتن ژ گونەهێن مەزن دهێتە هەژمارتن، و ئەگەرێن وێ بۆ بێ ئۆمێدیێ و فشارێن جڤاكی و ئابووری زڤراندن.

گەنگەشە و راسپاردە

وۆركشۆپ ب گەنگەشەیەكێ ب دووماهی هات كو تێدا هندەك پێشنیار و راسپاردەیێن زانستی بۆ كێمكرنا ڤێ دیاردێ و بلندكرنا هشیاریا جڤاكی هاتنە پێشكێشكرن.

نڤیسینگەها راگەهاندنا زانكۆیێ، ١٠ـی شواتا ٢٠٢٦ـێ
راپۆرت: نیبار حەجی حسێن
وێنە: محەمەد عەبدولکەریم تاهر