📍 زانکۆیا دهۆک – ٨ـی گولانا ٢٠٢٥ـێ | نڤیسینگەها راگەهاندنا زانکۆیێ (UNPO) | وەک پشکەک ژ ئەرکێ خۆ بۆ دلنیابوون ژ ژینگەهەکا زانکۆیێ یا پاراستی، ئامادەکری، و هشیار ژ ساخلەمیێ، رێڤەبەریا تەندروستی و سلامەتیێ یا زانکۆیا دهۆک، ب هەڤکاری دگەل رێڤەبەریا بەرگریا شارستانی یا پارێزگەها دهۆکێ، وۆرکشۆپەکا گرنگ یا پاراستنێ ژ ئاگری و تەنگاڤیان و چارەسەریێن  دەستپێكی ل زانکۆیا دهۆک برێڤەبر.

وۆرکشۆپ بۆ کارمەندێن رێڤەبەریا تەندروستی و سلامەتیێ  و نوینەرێن وان ل کۆلیژێن زانکۆیا دهۆک هاتە برێڤەبرن، کو وان ب زانینا پراکتیکی د پرۆتۆکۆلێن چارەسەریێن دەستپێكی، رێڤەبرنا مەترسیێن ئاگری، و تەکنیکێن ڤالاکرنا بلەز دا پڕچەککر.

🔥 زانینا پراکتیکی یا پاراستنێ بۆ ئامادەباشیا جیهانا راستەقینە

د بۆنەیێ دا زانیاریێن کویر هەبوون، یێن کو ژلایێ بەڕێز بێوار عەبدولعەزیز، پەیڤدارێ رێ/ەبەریا بەرگریا شارستانی، هاتبوو برێڤەبرن. وی شارەزایی ل سەر ڤان خالان پێشکێشکر:

• رۆل و ئەرکێن دامەزراوێن بەرگریا شارستانی
• ناسینا مەترسیێن ئاگری و نیشانێن هشیارکرنا تەنگاڤیان
• ستراتیژیێێن پێشوەخت بۆ کێمکرنا رویدانا ئاگری
• بکارئینانا دروست یا ئامیرێ ڤەمراندانا ئاگری و پرۆسێسێن ڤالاکرنێ

ئێک ژ خالێن بەرچاڤ یێن وۆرکشۆپێ نیشاندانا زیندی یا ڤەمراندنا ئاگری بوو، کو ئامادەبوویان ب زیندی دیت و ژێ فێربوون.

🛡️ ئاڤاکرنا سەرکردایەتیا ناڤخۆیی یا پاراستنێ ل زانکۆیا دهۆک

ئەڤ دەستپێشخەریە هەولێن چالاک یێن زانکۆیا دهۆک بۆ پەرەپێدان کەلتوورێ پاراستنێ د هەمی کۆلیژ و پشكێن وێ دا دیاردکەت. ئارمانج نە ب تنێ راهێنانا پشكدارانە، بەلکو هەروەسا ئەوە کو وان ئامادەبكەن ببنە باڵیۆزێن پاراستنێ و راهێنەرێن داهاتی، دا کو هشیاریێ د سەرانسەری زانکۆیێ دا بەلاڤبکەن - ب تایبەتی د ناڤ پشكێن ناڤخۆیی و قوتابیێن د رۆلێن گرنگ دا.

"ئەم خەونەکێ دبینین کو جڤاکا زانکۆیێ پاراستیتر و زیرەکتر بیت. ب بهێزکرنا کارمەند و قوتابیان ب زانینا رزگاریكەرا ژیانێ، زانکۆیا دهۆک ستانداردەکێ نیشتمانی بۆ ئامادەباشیا پاراستنا زانکۆیێ ددانیت،" رێڤەبەرێ رێڤەبەریا تەندروستی وسلامەتیێ یا زانکۆیا دهۆک، بەرێز دلیار قاسم موستەفا گۆت.

🎯 هەڤڕێزیا ستراتیژی دگەل دیتنا زانکۆیا دهۆک ٢٠٢٣–٢٠٣٨

ئەڤ وۆرکشۆپە پشتەڤانیا چەند ستوینێن دیتنا ستراتیژی یا زانکۆیا دهۆک دکەت، ژوان:

• پشكداریا جڤاکی و هشیاریا پاراستنێ
• ئاڤاکرنا شیانان و پەرەپێدانا پیشەیی
• بەردەوامی و بەرخۆدان د کارئانینێن زانکۆیێ دا
• تێکەلکرنا ساخلەمی و پاراستنێ د ژیانا زانکۆیێ دا

ڤێرە کلیک بکە بۆ دیتنا دیمەنێن چالاکیێ

📢 نڤیسینگەها راگەهاندنا زانکۆیا دهۆک – ٨ـی گولانا ٢٠٢٥ـێ
📝 راپۆرت ژ لایێ: رۆندک فازل عادل
📸 وێنەگرتن ژ لایێ: محەمەد عەبدولکەریم تاهر

🔍 پەیڤێن سەرکی:

• وۆرکشۆپا پاراستنێ ژ ئاگری یا زانکۆیا دهۆک
• راهێنانا چارەسەریێن دەستپێکی ل کوردستانێ
• هەڤکاریا بەرگریا شارستانی دگەل زانکۆیا دهۆک
• راهێنانا ساخلەمی و سلامەتیێ د زانکۆیێن عیراقێ دا
• چارەسەریێن دەستپێکی و ئامادەباشیا کارەساتان ل زانکۆیا دهۆک